Wednesday February 26th, 2020 - 3:46:pm
topbanner

  സൈനിക വാഹനവും സ്വന്തമാക്കി ധോണി

JB
  സൈനിക വാഹനവും സ്വന്തമാക്കി ധോണി

 

കേരളഓണ്‍ലൈന്‍ വാര്‍ത്തകള്‍ ടെലിഗ്രാമില്‍ ലഭിക്കാന്‍ ക്ലിക്ക് ചെയ്യുക

റാഞ്ചി: ക്രിക്കറ്റില്‍ നിന്ന് നീണ്ട അവധിയെടുത്ത മുന്‍ ഇന്ത്യന്‍ ക്യാപ്റ്റന്‍ എംഎസ് ധോണി ചൊവ്വാഴ്ച റാഞ്ചിയിലെത്തി. ജന്‍മനാടായ റാഞ്ചിയിലൂടെ തന്റെ പുതിയ വാഹനമായ നിസാന്‍ ജൊംഗ എസ് യു വി ഓടിച്ച് പോകുന്ന ധോണിയുടെ ചിത്രം സമൂഹ മാധ്യമങ്ങളില്‍ വൈറലാവുകയാണ്.സൈന്യം ഉപയോഗിച്ചിരുന്ന വാഹനമാണ് ധോണി സ്വന്തമാക്കിയിരിക്കുന്നത്. 1965 മുതല്‍ 1999 വരെ സൈന്യം ഉപയോഗിച്ചിരുന്ന വാഹനമാണിത്. പഞ്ചാബില്‍ നിന്നാണ് ധോണി ഇത് വാങ്ങിയത്.

3956 സിസി ഇന്‍ ലൈന്‍ 6 സിലിണ്ടര്‍ പെട്രോള്‍ എന്‍ജിനാണ് ജൊംഗയ്ക്ക്. നിസാന്റെ 20 വര്‍ഷത്തിലേറെ പഴക്കമുള്ള ജൊംഗ മോഡലാണ് ടെറിട്ടോറിയല്‍ ആര്‍മിയില്‍ ലഫ്റ്റനന്റ് കേണല്‍ കൂടിയായ ധോണി സ്വന്തമാക്കിയിരിക്കുന്നത്.ഇന്ത്യ -ദക്ഷിണാഫ്രിക്ക മൂന്നാം ടെസ്റ്റ് നടക്കുന്നതിനിടെ റാഞ്ചിയിലെ ടീമിന്റെ ഡ്രസ്സിങ് റൂമിലും ധോണി എത്തിയിരുന്നു. 2019-ലെ ലോകകപ്പിനുശേഷം ഇന്ത്യ ക്രിക്കറ്റ് കളിച്ചിട്ടില്ല.

ആര്‍മി ഗ്രീന്‍ നിറത്തിലുള്ള ജംഗ ഓടിച്ചെത്തിയ ധോണി പെട്രോള്‍ പമ്പില്‍ വെച്ചാണ് ക്യാമറയില്‍ കുടുങ്ങിയത്. താരം ഫോട്ടോയ്ക്ക് പോസ് ചെയ്യുകയും ആരാധകര്‍ക്ക് ഓട്ടോഗ്രാഫ് നല്‍കുകയും ചെയ്തു.കടുത്ത വാഹനപ്രേമിയായ ധോണി ഓഗസ്റ്റ് ആദ്യവാരം അമേരിക്കന്‍ ഐക്കോണിക് വാഹന നിര്‍മാതാക്കളായ ജീപ്പിന്റെ ഗ്രാന്റ് ചെറോക്കി ട്രക്ക് ഹോക്ക് വാങ്ങിയിരുന്നു.ട്രാക്ക്‌ഹോക്ക് സ്വന്തമാക്കുന്ന ആദ്യ ഇന്ത്യക്കാരനുമാണ് ധോണി. ഫെറാരി 599 ജിടിഒ, ജിഎംസി സിയേറ എന്നീ ആഢംബര വാഹനങ്ങളും ധോണിയുടെ ശേഖരത്തിലുണ്ട്.

സൂപ്പര്‍ ബൈക്കുകളോടും ധോണിക്ക് കമ്പമുണ്ട്. കാവസാക്കി നിഞ്ജ എച്ച് 2, കോണ്‍ഫെഡറേറ്റ് ഹെല്‍ക്യാറ്റ്, ബിഎസ്എ, സുസുകി ഹയാബുഷ, നോര്‍ട്ടണ്‍ വിന്റേജ് തുടങ്ങിയ സൂപ്പര്‍ ബൈക്കുകളും ധോണിക്ക് സ്വന്തമായുണ്ട്

 

Read more topics: dhoni, purchase army vehicle,
English summary
dhoni purchase army vehicle
topbanner

More News from this section

Subscribe by Email