Wednesday October 21st, 2020 - 3:11:pm

ഗുരുവായൂരില്‍ പള്ളിവേട്ട ഇന്ന് : ആറാട്ടോടെ ഞായറാഴ്ച ഉത്സവം കൊടിയിറങ്ങും

princy
ഗുരുവായൂരില്‍ പള്ളിവേട്ട ഇന്ന് :  ആറാട്ടോടെ ഞായറാഴ്ച ഉത്സവം കൊടിയിറങ്ങും

തൃശൂര്‍ : ഗുരുവായൂര്‍ ക്ഷേത്രോത്സവത്തിന്റെ ഒമ്പതാം ദിവസമായ ഇന്ന് ഗ്രാമബലിയും പള്ളിവേട്ടയും. ഞായറാഴ്ച നടക്കുന്ന ആറാട്ടോടെയാണ് ഉത്സവത്തിന് കൊടിയിറങ്ങുക.ഏറെ സവിശേഷ ചടങ്ങുകള്‍ നടക്കുന്ന രണ്ടു സുദിനങ്ങളാണിത്. രണ്ടു ദിനങ്ങളിലും ദീപാരാധന കൊടിമരച്ചുവട്ടിലാണ്. മേല്‍ ശാന്തി നടത്തുന്ന ഈ ചടങ്ങ് ശാന്തിയേറ്റ കീഴ്ശാന്തിയാണ് നിര്‍വഹിക്കുകയെന്നതും ഈ ദിവസത്തെ പ്രത്യേകതയാണ്.

കേരളഓണ്‍ലൈന്‍ വാര്‍ത്തകള്‍ ടെലിഗ്രാമില്‍ ലഭിക്കാന്‍ ക്ലിക്ക് ചെയ്യുക

വര്‍ഷത്തില്‍ ഈയൊരു ദിവസം മാത്രമാണ് കീഴ്ശാന്തിമാര്‍ക്ക് ദീപാരാധന നിര്‍വഹിക്കുവാന്‍ അവസരം ലഭിക്കുക. ദീപാരാധനയ്ക്കുശേഷം ഗുരുവായൂരപ്പന്‍ പുറത്തേക്കെഴുന്നള്ളും. എഴുന്നള്ളിപ്പിനു മുന്നില്‍ പതിവായി കൊട്ടുന്ന പഞ്ചാരിമേളത്തിന് പകരം പാണ്ടിമേളമാണ് നടക്കുകയെന്ന പ്രത്യേകതയുമുണ്ട്.എഴുന്നള്ളിപ്പിനു മുന്നില്‍ വാളും പരിചയുമേന്തി കൃഷ്ണനാട്ടം കലാകാരന്‍മാര്‍ ഉടുത്തുകെട്ടി നിരക്കുന്ന കാഴ്ച രസകരമാണ്. കൊടിക്കൂറകള്‍, തഴകള്‍, സൂര്യമറകള്‍, കുത്തുവിളക്കുകള്‍ എന്നിവ എഴുന്നള്ളിപ്പിന് അകമ്പടിയാകും.

രാജകൊട്ടാരങ്ങളിലെ വേദജ്ഞരെ ഓര്‍മിപ്പിക്കുന്ന ഭജനസംഘം കീര്‍ത്തനാലാപനവുമായി അണിനിരക്കും. ഗ്രാമബലി തൂവികൊണ്ട് ഓതിക്കന്‍മാര്‍ മുന്നില്‍ നീങ്ങും. ഗ്രാമ പ്രദക്ഷിണത്തിനൊടുവില്‍ എഴുന്നള്ളിപ്പ് ക്ഷേത്രത്തിനകത്തു കടന്നാല്‍ പള്ളിവേട്ട ചടങ്ങുകള്‍ ആരംഭിക്കും. മേളം സമാപിച്ചശേഷം പിടിയാനയുടെ പുറത്ത് കാടിളക്കാന്‍ ഗുരുവായൂരപ്പന്‍ പുറപ്പെടുന്ന ചടങ്ങാണിത്. ഒറ്റച്ചെണ്ട, ശംഖ്, ചേങ്ങില എന്നിവ അകമ്പടിയാകും.

ക്ഷേത്രമതില്‍ക്കെട്ടിന് പുറത്തുകടന്ന് കല്യാണമണ്ഡപംവരെ ചെന്നാണ് കാടിളക്കല്‍. അവകാശിയായ പുതിയേടത്ത് പിഷാരോടി മൂന്നു തവണ പന്നിമാനുഷങ്ങളുണ്ടോ എന്ന് വിളിച്ചു ചോദിച്ചാല്‍ പക്ഷിമൃഗാദികളുടെ വേഷം കെട്ടിയവര്‍ ഓടി ക്ഷേത്രഗോപുരം കടന്ന് അകത്തെത്തും. ഇവയെ പിടികൂടാനെന്ന സങ്കല്‍പ്പത്തില്‍ സ്വര്‍ണതിടമ്പേറ്റിയ ആന ഓടികൊണ്ട് പിന്‍തുടരും. ഒമ്പതു തവണ ക്ഷേത്രം വലംവച്ചു കഴിഞ്ഞാല്‍ കൂട്ടത്തിലെ ദുഷ്ടമൃഗമായ പന്നിയെ അമ്പെയ്ത് ഭഗവാന്റെ പള്ളിവേട്ട പൂര്‍ത്തിയാക്കും. പിറ്റേന്ന് പുലര്‍ച്ചെ പശുക്കുട്ടിയുടെ കരച്ചില്‍ കേട്ടാണ് ഭഗവാന്‍ പള്ളിയുണരുക. ഞായറാഴ്ച രാത്രി 11ഓടെ നടക്കുന്ന ആറാട്ടിനുശേഷം പത്തുദിവസം നീണ്ടു നിന്ന ഉത്സവത്തിന് കൊടിയിറങ്ങും.

Read more topics: thrissur, guruvayoor temple,
English summary
guruvayoor temple festival end sunday
topbanner

More News from this section

Subscribe by Email