Wednesday April 1st, 2020 - 12:52:pm
topbanner

പ്രവാസത്തില്‍ ഇരുകാലുകളും നഷ്ടമായി: ലൈഫ് ഭവനത്തില്‍ കാസർഗോഡ് സ്വദേശി റിയാസസിന് പുതിയ ജീവിതം

Anusha Aroli
പ്രവാസത്തില്‍ ഇരുകാലുകളും നഷ്ടമായി: ലൈഫ് ഭവനത്തില്‍ കാസർഗോഡ് സ്വദേശി റിയാസസിന് പുതിയ ജീവിതം

കാസർഗോഡ് : പ്രവാസിയായിരുന്ന കാസര്‍കോട് അണങ്കൂരിലെ റിയാസ് വര്‍ഷങ്ങളായി വീല്‍ചെയറിലാണ് തന്റെ ജീവിതം തള്ളിനീക്കുന്നത്. ചലനമറ്റ ഇരുകാലുകളുമായി ജീവിതത്തെ ആശങ്കയോടെയായിിരുന്നു റിയാസും കുടുംബവും നോക്കിയിരുന്നത്. ലൈഫ് മിഷനിലൂടെ ലഭിച്ച വീട്ടില്‍ ഇന്ന് ഈ കുടുംബം സന്തോഷത്തിലാണ്.

കേരളഓണ്‍ലൈന്‍ വാര്‍ത്തകള്‍ ടെലിഗ്രാമില്‍ ലഭിക്കാന്‍ ക്ലിക്ക് ചെയ്യുക

നിരവധി അംഗങ്ങളുമായി പരിമിതമായ സൗകര്യങ്ങളോടെ തറവാട് വീട്ടില്‍ പ്രതിസന്ധിയിലായിരുന്ന സാഹചര്യം മാറി ഇന്ന് ഇവര്‍ക്ക് സ്വന്തമായ വീടെന്ന സ്വ പ്നമാണ് സാക്ഷാല്‍കരിച്ചിട്ടുള്ളത്. വളരെയേറെ പ്രതീക്ഷകളുമായി 1994ലാണ് റിയാസ് യു എ ഇ യിലെത്തിയത്. ദുബായില്‍ ജോലി ചെയ്യുന്നതിനിടെ 2002 ലാണ് സ്വപ്നങ്ങളൊക്കെ തകിടം മറിച്ച് വാഹനാപകടമുണ്ടാകുന്നത്. സുഷുമ്‌നാ നാഡിക്ക് ക്ഷതമേറ്റതിനാല്‍ ഇരു കാലുകള്‍ക്കും ചലനശേഷി നഷ്ടപ്പെട്ട് വീല്‍ചെയറില്‍ തളക്കപ്പെടുകയായിരുന്നു.

സര്‍ക്കാരില്‍ നിന്നും ലഭ്യമായ നാലര സെന്റ് ഭൂമിയിലാണ് ലൈഫ് മിഷന്‍-പിഎംഎവൈ പദ്ധതി പ്രകാരം വീട് നിര്‍മിച്ചത്. 2018 ഡിസംബറില്‍ ആരംഭിച്ച നിര്‍മാണ പ്രവര്‍ത്തികള്‍ പൂര്‍ത്തീകരിച്ച് ഈ ഫെബ്രുവരി 14നാണ് ഗൃഹപ്രവേശം നടത്തിയത്. കര്‍ണാടകയിലെ ഉഡുപ്പി സ്വദേശിനിയായ ഭാര്യ യാസ്മീനും നാലാം ക്ലാസുകാരനായ മകനുമടങ്ങുന്ന ഈ കൊച്ചു കുടുംബം ലൈഫ് മിഷനിലൂടെ ലഭിച്ച പുതിയ ജീവിതത്തിന് ഹൃദയത്തില്‍ നിന്നുമാണ് പദ്ധതി ആവിഷ്‌കരിച്ച അധികൃതരോട് നന്ദി പറയുന്നത്.

English summary
life mission home for pravasi kasargod native
topbanner

More News from this section

Subscribe by Email