Saturday February 29th, 2020 - 8:33:am
topbanner

വേനലില്‍ ജലക്ഷാമമുണ്ടാകില്ല: മുന്‍കരുതല്‍ തുടങ്ങിയെന്ന് ജലവിഭവ മന്ത്രി

fasila
വേനലില്‍ ജലക്ഷാമമുണ്ടാകില്ല: മുന്‍കരുതല്‍ തുടങ്ങിയെന്ന് ജലവിഭവ മന്ത്രി

തിരുവനന്തപുരം: വേനല്‍ക്കാലത്ത് ജില്ലയില്‍ ജലദൗര്‍ലഭ്യമുണ്ടാകാതിരിക്കാന്‍ മുന്‍കരുതല്‍ നടപടികള്‍ ആരംഭിച്ചതായി ജലവിഭവ മന്ത്രി കെ. കൃഷ്ണന്‍കുട്ടി അറിയിച്ചു. ജൂണ്‍ വരെ ആവശ്യമുള്ള വെള്ളം ഇപ്പോള്‍ ഡാമുകളിലുണ്ടെന്നും മന്ത്രി പറഞ്ഞു. നെയ്യാര്‍ ഡാമിന്റെ കാപ്പുകാട് മേഖലയിലും അരുവിക്കര ജലസംഭരണിയിലും സന്ദര്‍ശനത്തിനെത്തിയതായിരുന്നു അദ്ദേഹം. തുലാവര്‍ഷം പ്രതീക്ഷയ്‌ക്കൊത്തു ലഭിക്കാതിരുന്നതും വേനല്‍മഴയില്‍ കുറവുണ്ടാകുന്ന സാഹചര്യവും മുന്‍നിര്‍ത്തിയാണ് ജലലഭ്യത ഉറപ്പാക്കുന്നതിന് മുന്‍കരുതലെന്ന് മന്ത്രി പറഞ്ഞു.

കേരളഓണ്‍ലൈന്‍ വാര്‍ത്തകള്‍ ടെലിഗ്രാമില്‍ ലഭിക്കാന്‍ ക്ലിക്ക് ചെയ്യുക

പേപ്പാറ ഡാമില്‍ ജലംവറ്റിയപ്പോള്‍ നെയ്യാറില്‍നിന്നു നഗരത്തിലേക്കു വെള്ളമെത്തിച്ച പദ്ധതി ഇപ്പോഴും പ്രവര്‍ത്തനക്ഷമമാണ്. ആവശ്യമെങ്കില്‍ ഇത്തവണയും ഇത് ആവര്‍ത്തിക്കും. നഗരത്തിനൊപ്പം ജില്ലയുടെ മറ്റു ഭാഗങ്ങളിലും കുടിവെള്ളം ലഭ്യമാകുന്നുണ്ടെന്ന് ഉറപ്പാക്കും. ജനുവരി 21ന് ജലവിഭവ വകുപ്പ് അഡിഷണല്‍ ചീഫ് സെക്രട്ടറിയുടെ നേതൃത്വത്തില്‍ അവലോകന യോഗം ചേര്‍ന്നിരുന്നു. ജലലഭ്യതയില്‍ എല്ലാ ജില്ലകളിലും തൃപ്തികരമായ സാഹചര്യമാണുള്ളത്.

പതിവായി കുടിവെള്ള ക്ഷാമമുണ്ടാകുന്ന ചില മേഖലകളില്‍ ഇത്തവണയും ടാങ്കറില്‍ വെള്ളമെത്തിക്കും. ജില്ലാ കളക്ടര്‍മാരുമായും തദ്ദേശ സ്ഥാപനങ്ങളിലെ ജനപ്രതിനിധികളുമായും ആലോചിച്ച് നടപടികള്‍ കൂടുതല്‍ കാര്യക്ഷമമാക്കുമെന്നും മന്ത്രി പറഞ്ഞു. നെയ്യാറിലെ 100 എം.എല്‍.ഡി. ജലശുദ്ധീകരണശാലയും അരുവിക്കരയിലെ 75 എം.എല്‍.ഡി. ജലശുദ്ധീകരണ ശാലയും വൈകാതെ കമ്മിഷന്‍ ചെയ്യാനാകുമെന്നാണു പ്രതീക്ഷ. അരുവിക്കരയിലെ കുപ്പിവെള്ള പ്ലാന്റിന്റെ പ്രവര്‍ത്തനം മാര്‍ച്ചില്‍ ആരംഭിക്കാന്‍ കഴിയുമെന്നും മന്ത്രി പറഞ്ഞു.

അരുവിക്കരയിലെ 74 എം.എല്‍.ഡി ജലശുദ്ധീകരണശാല, കുപ്പിവെള്ള നിര്‍മാണ പ്ലാന്റ്, നിര്‍മാണത്തിലിരിക്കുന്ന 75 എം.എല്‍.ഡി. ജലശുദ്ധീകരണശാല എന്നിവിടങ്ങളും മന്ത്രി സന്ദര്‍ശിച്ചു. കെ.എസ്. ശബരിനാഥന്‍ എം.എല്‍.എ, ജലവിഭവ വകുപ്പ് അഡീഷണല്‍ ചീഫ് സെക്രട്ടറി ഡോ. വിശ്വാസ് മേത്ത, വാട്ടര്‍ അതോറിറ്റി മാനേജിങ് ഡയറക്ടര്‍ ഡോ. എ. കൗശികന്‍ തുടങ്ങിയവരും മന്ത്രിക്കൊപ്പമുണ്ടായിരുന്നു.

English summary
there will no water scarcity in summer: minister of water resources
topbanner

More News from this section

Subscribe by Email