Friday December 13th, 2019 - 2:46:pm
topbanner

കേരളം 10,000 കോടി മരുന്നിന് ചെലവഴിക്കുമ്പോള്‍ മലയാളി 10,000 കോടിയുടെ മദ്യവും വാങ്ങുന്നു : മന്ത്രി പി.തിലോത്തമന്‍

Anusha Aroli
കേരളം 10,000 കോടി മരുന്നിന് ചെലവഴിക്കുമ്പോള്‍ മലയാളി 10,000 കോടിയുടെ മദ്യവും വാങ്ങുന്നു : മന്ത്രി പി.തിലോത്തമന്‍

ആലപ്പുഴ: സര്‍ക്കാര്‍ വര്‍ഷം 10,000 കോടി രൂപ മരുന്നിന് ചെലവഴിക്കുമ്പോള്‍ മലയാളി 10,000 കോടി രൂപ മദ്യം വാങ്ങുന്നതിന് ചെലവഴിക്കുകയാണെന്ന് ഭക്ഷ്യ പൊതുവിതരണ വകുപ്പുമന്ത്രി പി.തിലോത്തമന്‍ പറഞ്ഞു. സ്ത്രീകളും വിദ്യാര്‍ത്ഥികളും കൂടുതലായി മദ്യത്തിന്‍റെ ഉപഭോക്താക്കളാകുന്നുവെന്ന സൂചനകളാണ് ലഭിക്കുന്നതെന്നും അദ്ദേഹം പറഞ്ഞു.സംസ്ഥാന ലഹരിവര്‍ജ്ജന മിഷന്‍ വിമുക്തിയുടെ ഭാഗമായുള്ള 'നാളത്തെ കേരളം ലഹരിവിമുക്ത നവകേരളം' 90 ദിന തീവ്രയത്‌ന ബോധവല്‍ക്കരണ പരിപാടിയുടെ ജില്ലാതല ഉദ്ഘാടനം ആലപ്പുുഴ ബീച്ചില്‍ നിര്‍വഹിച്ച് സംസാരിക്കുകയായിരുന്നു മന്ത്രി.

കേരളഓണ്‍ലൈന്‍ വാര്‍ത്തകള്‍ ടെലിഗ്രാമില്‍ ലഭിക്കാന്‍ ക്ലിക്ക് ചെയ്യുക

മയക്കുമരുന്ന് ലോബികള്‍ ഗ്രാമത്തിലെ സ്കൂളിന്‍റെ പടിവാതിലില്‍ എത്തിയിരിക്കുന്നു. മദ്യ ഉപഭോഗത്തേക്കാള്‍ ഭാവിക്ക് ഭീഷണി സൃഷ്ടിക്കുന്നത് ലഹരി പദാര്‍ത്ഥങ്ങളുടെ ഉപയോഗമാണ്. ഇവ മലയാളിയുടെ സാംസ്കാരിക-സാമ്പത്തിക-ആരോഗ്യ മേഖലകളെ പിന്നോട്ടടിക്കുന്ന സാഹചര്യമാണ് . ഇക്കാര്യത്തില്‍ വ്യക്തമായ ബോധവത്കരണ പരിപാടികള്‍ക്കാണ് സംസ്ഥാനസര്‍ക്കാര്‍ ലഹരിവിമുക്ത നവകേരളം പരിപാടിയിലൂടെ ലക്ഷ്യമിടുന്നത്. മദ്യ നിരോധനം സര്‍ക്കാര്‍ നയമല്ല. മദ്യം നിരോധിച്ച സംസ്ഥാനങ്ങളുടെ കണക്കുകള്‍ നമ്മുടെ പക്കലുണ്ട്. ബോധവത്കരണത്തിലൂടെ ലഹരി വര്‍ജ്ജനമാണ് സര്‍ക്കാര്‍ ഉദ്ദേശിക്കുന്നതെന്നും മന്ത്രി പറഞ്ഞു.

വിമുക്തി ചെയര്‍മാന്‍ ജില്ലാ പഞ്ചായത്ത് പ്രസിഡന്റ് ജി. വേണുഗോപാല്‍ അദ്ധ്യക്ഷത വഹിച്ച ചടങ്ങില്‍ ജില്ലാകളക്ടര്‍ എം.അഞ്ജന സ്വാഗതം പറഞ്ഞു. അസിസ്ററന്‍റ് എക്സൈസ് കമ്മീഷണര്‍ ജോസ് മാത്യു ലഹരി വിരുദ്ധ പ്രതിഞ്ജ ചൊല്ലിക്കൊടുത്തു. ഡെപ്യൂട്ടി എക്‌സൈസ് കമ്മീഷണര്‍ ഷാജി എസ്. രാജന്‍ വിഷയാവതരണം നടത്തി. ജില്ലാപഞ്ചായത്ത് സ്റ്റാന്റിംഗ് കമ്മിറ്റി ചെയര്‍മാന്‍ അഡ്വ.കെ.ടി മാത്യു, ബ്ലോക്ക് പഞ്ചായത്ത് പ്രസിഡന്റ് അസോസിയേഷന്‍ സംസ്ഥാന എക്‌സിക്യൂട്ടീവ് കമ്മറ്റി അംഗം കെ. രഘുപ്രസാദ്, ജില്ലാ ലൈബ്രറി കൗണ്‍സില്‍ സെക്രട്ടറി മാലൂര്‍ ശ്രീധരന്‍, പ്രസ് ക്ലബ് പ്രസിഡന്റ് കെ.യു. ഗോപകുമാര്‍, ജില്ല ഇന്‍ഫര്‍മേഷന്‍ ഓഫീസ് അസിസ്റ്റന്‍റ് എഡിറ്റര്‍ കെ.എസ്. സുമേഷ്, കുടുംബശ്രീ മിഷന്‍ ജില്ലാ കോ-ഓര്‍ഡിനേറ്റര്‍ ജെ.പ്രശാന്ത് ബാബു, ഡെപ്യൂട്ടി ഡയറക്ടര്‍ ഓഫ് പഞ്ചായത്ത് ഷെഫീക്ക്. പി.എം, എന്‍.എസ്.എസ്. ജില്ലാകോ-ഓഡിനേറ്റര്‍ പ്രഫ. റ്റി.നിഷാദ്, വി.ജെ.റോയ്, പി.ഡി.കലേഷ് , വിമുക്തി മിഷന്‍ മാനേജര്‍ കെ.കെ അനില്‍കുമാര്‍ എന്നിവര്‍ പ്രസംഗിച്ചു. ലഹരി വിമുക്തി എന്ന വിഷയത്തെ ആസ്പദമാക്കി റിക്രിയേഷന്‍ ഗ്രൗണ്ടില്‍ നിന്ന് വിളംബര ജാഥ സംഘടിപ്പിച്ചു. കൂടാതെ ലഹരിവിരുദ്ധ ആശയപ്രചരണത്തിന്‍റെ ഭാഗമായി ബീച്ചില്‍ ഫ്ലാഷ് മോബ്, നാടന്‍ പാട്ട് എന്നീ കലാപരിപാടികളും അരങ്ങേറി.

English summary
minister p thilotthaman about liquor usage in kerala
topbanner

More News from this section

Subscribe by Email