Sunday August 9th, 2020 - 8:08:pm

കോവിഡ് 19 : കൊല്ലത്ത് തെന്മല, ആര്യങ്കാവ്, കുളത്തൂപ്പുഴ പഞ്ചായത്തകളില്‍ നിരോധനാജ്ഞ

Anusha Aroli
കോവിഡ് 19 : കൊല്ലത്ത് തെന്മല, ആര്യങ്കാവ്, കുളത്തൂപ്പുഴ പഞ്ചായത്തകളില്‍ നിരോധനാജ്ഞ

കൊല്ലം : കോവിഡ് 19 വ്യാപനം തടയുന്നതിന്റെ ഭാഗമായി സംസ്ഥാന അതിര്‍ത്തി പങ്കിടുന്ന തെന്മല, ആര്യങ്കാവ്, കുളത്തൂപ്പുഴ പഞ്ചായത്തുകളില്‍ നിരോധനാജ്ഞ പ്രഖ്യാപിച്ച് ജില്ലാ ദുരന്തനിവാരണ അതോറിറ്റി ചെയര്‍മാന്‍ കൂടിയായ ജില്ലാ കലക്ടര്‍ ബി അബ്ദുല്‍ നാസര്‍ ഉത്തരവായി.

കേരളഓണ്‍ലൈന്‍ വാര്‍ത്തകള്‍ ടെലിഗ്രാമില്‍ ലഭിക്കാന്‍ ക്ലിക്ക് ചെയ്യുക

ഇന്നലെ (ഏപ്രില്‍ 21) രാത്രി 12 മുതല്‍ നിരോധനാജ്ഞ നിലവില്‍ വന്നു. റവന്യൂ, പൊലീസ്, ആരോഗ്യം, തദ്ദേശ സ്വയംഭരണം, കോവിഡ് പ്രതിരോധ പ്രവര്‍ത്തനങ്ങള്‍ നടത്തുന്ന മറ്റ് സ്ഥാപനങ്ങള്‍ ഒഴികെയുള്ള ഒരു സ്ഥാപനങ്ങളും തുറക്കാന്‍ പാടില്ല. ബാങ്കുകള്‍ രാവിലെ 10 മുതല്‍ രണ്ട് വരെയും അത്യാവശ്യ സാധനങ്ങള്‍ ലഭ്യമാക്കുന്ന കടകള്‍ രാവിലെ ഏഴ് മുതല്‍ വൈകിട്ട് അഞ്ച് വരെയും പ്രവര്‍ത്തിക്കാം.

പഞ്ചായത്തുകളിലേക്കുള്ള പൊതുപ്രവേശന റോഡുകളിലും ചെറു ഇടറോഡുകളിലും പൊലീസ് ആരോഗ്യ വകുപ്പുകളുടെ നിരീക്ഷണം ഉണ്ടായിരിക്കും. വനമേഖലകളിലുള്ള നടവഴികള്‍ വനംവകുപ്പ് ഉദ്യോഗസ്ഥരുടെ നിരീക്ഷണത്തില്‍ ആയിരിക്കും. ഈ വഴികളിലൂടെ യാത്ര അനുവദിക്കില്ല.

റെയില്‍വേ ട്രാക്കുകളിലൂടെ കാല്‍നടയാത്ര പൂര്‍ണമായും നിരോധിച്ചു.ചരക്ക് ഗതാഗതത്തിന് തടസ്സമുണ്ടാക്കാത്ത രീതിയില്‍ ക്രമീകരണങ്ങള്‍ ഏര്‍പ്പെടുത്തണം. സാമൂഹ്യ അടുക്കളയുടെ പ്രവര്‍ത്തനത്തിന് ഭംഗം വരാത്ത രീതിയിലാകണം നടപടികള്‍ സ്വീകരിക്കേണ്ടതെന്നും ഉത്തരവില്‍ പറയുന്നു.

Read more topics: covid 19,kollam,Prohibition areas
English summary
covid 19 kollam Prohibition areas
topbanner

More News from this section

Subscribe by Email