Saturday October 19th, 2019 - 10:17:am
topbanner

തളിപ്പറമ്പ് ഓട്ടോറിക്ഷയില്‍ മൊബൈല്‍ മദ്യവില്‍പ്പന നടത്തുന്ന സംഘത്തിലെ മൂന്നുപേർ പിടിയിൽ

princy
തളിപ്പറമ്പ് ഓട്ടോറിക്ഷയില്‍ മൊബൈല്‍ മദ്യവില്‍പ്പന നടത്തുന്ന സംഘത്തിലെ മൂന്നുപേർ പിടിയിൽ

തളിപ്പറമ്പ്: ഓട്ടോറിക്ഷയില്‍ മൊബൈല്‍ മദ്യവില്‍പ്പന നടത്തുന്ന സംഘത്തിലെ മൂന്നുപേർ പോലീസ് പിടിയിൽ. തളിപ്പറമ്പ് പ്രിന്‍സിപ്പല്‍ എസ്‌ഐ കെ.പി.ഷൈ ന്റെ നേതൃത്വത്തിലുള്ള  അന്വേഷണ സംഘമാണ് പ്രതികളെ പിടികൂടിയത്  . ഇവരില്‍ നിന്ന് 24 കുപ്പി ഇന്ത്യന്‍ നിര്‍മ്മിത വിദേശമദ്യവും വില്‍പ്പന നടത്താന്‍ ഉപയോഗിച്ച ഓട്ടോറിക്ഷയും പിടിച്ചെടുത്തു.  തളിപ്പറമ്പ് പാലകുളങ്ങര കാങ്കോല്‍ വീട്ടില്‍ രാജേഷ്(45), കോഴിക്കോട് കുന്ദമംഗലത്തെ വരിത്യായില്‍ രമേശന്‍(61), നടുവില്‍ വെള്ളാട് സ്വദേശിയും ഓട്ടോറിക്ഷാ ഡ്രൈവറുമായ ഷൈജു കുരുവിള(43) എന്നിവരാണ് അറസ്റ്റിലായത്.

കേരളഓണ്‍ലൈന്‍ വാര്‍ത്തകള്‍ ടെലിഗ്രാമില്‍ ലഭിക്കാന്‍ ക്ലിക്ക് ചെയ്യുക

മദ്യവില്‍പ്പനക്ക് ഉപയോഗിച്ച  ഓട്ടോറിക്ഷ ഷൈജുവിന്റെതാണെന്ന് പോലീസ് അന്വേഷണത്തിൽ കണ്ടെത്തി. തിങ്കളാഴ്ച്ച  വൈകുന്നേരം അഞ്ചരയോടെ തളിപ്പറമ്പ് നഗരസഭാ ഓഫീസ് പരിസരത്ത് വെച്ചാണ് ഇവര്‍ വലയിലായത്. വിമുക്തഭടന്‍മാരില്‍ നിന്നും വാങ്ങുന്ന മദ്യമാണ് ഇവര്‍ ഓട്ടോറിക്ഷയില്‍ സഞ്ചരിച്ച് ആവശ്യക്കാര്‍ക്ക് ഉയര്‍ന്ന വിലക്ക് വില്‍പ്പന നടത്തിയിരുന്നതെന്ന് പോലീസ് പറഞ്ഞു. ഇവര്‍ ഓട്ടോറിക്ഷയില്‍ സഞ്ചരിച്ച് മദ്യവില്‍പ്പന നടത്തുന്നതായ രഹസ്യവിവരം ലഭിച്ചതുപ്രകാരം പോലീസ്  മഫ്തിയിൽ   ആവശ്യക്കാരെന്ന വ്യാജേന ഇവരെ സമീപിച്ചാണ് പ്രതികളെ പിടികൂടിയത്. 

English summary
Liquor Sales tree persons arrested from thaliparamba
topbanner

More News from this section

Subscribe by Email