Sunday March 29th, 2020 - 11:15:pm
topbanner

മോഹന്‍ ഭാഗവതിന്റെ പ്രസ്താവന വിഡ്ഢിത്തരമെന്ന് സോനം കപൂര്‍

JB
മോഹന്‍ ഭാഗവതിന്റെ പ്രസ്താവന വിഡ്ഢിത്തരമെന്ന് സോനം കപൂര്‍

ആര്‍എസ്എസ് തലവന്‍ മോഹന്‍ ഭാഗവത് നടത്തിയ വിവാഹമോചന പരാമര്‍ശത്തില്‍ ആര്‍എസ്എസ് തലവനെതിരെ ആഞ്ഞടിച്ച് ബോളിവുഡ് താരസുന്ദരി സനം കപൂര്‍ രംഗത്ത്. വിദ്യാഭ്യാസവും സമ്പത്തുമുള്ള കുടുംബങ്ങളിലാണ് വിവാഹമോചനക്കേസുകള്‍ ഉണ്ടാകുന്നതെന്നായിരുന്നു ആര്‍എസ്എസ് തലവന്‍ മോഹന്‍ ഭാഗവതിന്റെ പ്രസ്താവന. അഹമ്മദാബാദില്‍ ആര്‍എസ്എസ് സംഘടിപ്പിച്ച പരിപാടിയില്‍ വെച്ചായിരുന്നു മോഹന്‍ ഭാഗവതിന്റെ പ്രസ്താവന. ഏത് സ്വബോധമുള്ള വ്യക്തിയാണ് ഇത്തരത്തില്‍ സംസാരിക്കുകയെന്നും, വിഡ്ഢിത്തവും പിന്തിരിപ്പനുമായ പ്രസ്താവനയാണ് ഇതെന്നുമായിരുന്നു സോനം കപൂര്‍ ഇതിനു മറുപടിയായി ചെയ്ത ട്വീറ്റ്.

കേരളഓണ്‍ലൈന്‍ വാര്‍ത്തകള്‍ ടെലിഗ്രാമില്‍ ലഭിക്കാന്‍ ക്ലിക്ക് ചെയ്യുക

ദിനംപ്രതി വിവാഹമോചനക്കേസുകള്‍ രാജ്യത്ത് കൂടുകയാണ്. ചെറിയ പ്രശ്‌നങ്ങള്‍ക്ക് പോലും ആളുകള്‍ തമ്മില്‍ത്തല്ലുകയാണ്. കൂടുതല്‍ വിവാഹമോചനക്കേസുകള്‍ നടക്കുന്നത് വിദ്യാഭ്യാസവും സമ്പത്തുമുള്ള കുടുംബങ്ങളിലാണ്. പണത്തിനും വിദ്യാഭ്യാസത്തിനും ഒപ്പം ആളുകള്‍ക്ക് അഹങ്കാരവും കൂടുകയാണ് എന്നതാണ് അതിന്റെ കാരണം.ഇതുമൂലം കുടുംബങ്ങള്‍ തകരും കുടുംബം തകര്‍ന്നാല്‍ സമൂഹവും തകരും കാരണം സമൂഹവും ഒരു കുടുംബമാണ് എന്നുമായിരുന്നു മോഹന്‍ ഭാഗവതിന്റെ പരാമര്‍ശം.
സോനം കപൂറിന്റെ ട്വീറ്റ്

തങ്ങളുടെ പ്രവര്‍ത്തനങ്ങളെക്കുറിച്ച് ഒരോ സ്വയംസേവകനും കുടുംബത്തില്‍ സംസാരിക്കണമെന്നും നമുക്കിത് ചെയ്യാന്‍ സാധ്യമാകുന്നത് കുടുംബത്തിലെ കൂടുതല്‍ യാതന നിറഞ്ഞ ജോലികള്‍ വനിതകള്‍ നിര്‍വഹിക്കുന്നതു കൊണ്ടാണെന്നും മോഹന്‍ ഭാഗവത് പറഞ്ഞിരുന്നു.

2000 വര്‍ഷങ്ങളായി അനുഷ്ഠിച്ചു പോരുന്ന നടപടിക്രമങ്ങളാണ് ഇന്നത്തെ സമൂഹത്തെ പാകപ്പെടുത്തിയിരിക്കുന്നതെന്നും നമ്മുടെ സ്ത്രീകള്‍ വീടുകള്‍ക്കുള്ളിലാണെന്നും 2000 വര്‍ഷങ്ങള്‍ക്ക് മുമ്പ് ഇതായിരുന്നില്ല അവസ്ഥയെന്നും അത് നമ്മുടെ സമൂഹത്തിന്റെ ഒരു സുവര്‍ണ കാലഘട്ടമായിരുന്നുവെന്നും മോഹന്‍ ഭാഗവത് സംസാരിക്കവേ പറഞ്ഞിരുന്നു.

 

Read more topics: sonam kapoor, mohan bhagawath,
English summary
sonam kapoor against mohan bhagawath
topbanner

More News from this section

Subscribe by Email