Thursday September 24th, 2020 - 1:03:am

ജോജു ജോര്‍ജ്ജ് ഒരു അടിയുറച്ച സിനിമാ പ്രേമിയാണ് ; സനല്‍ കുമാര്‍ ശശിധരന്‍

suji
ജോജു ജോര്‍ജ്ജ് ഒരു അടിയുറച്ച സിനിമാ പ്രേമിയാണ് ; സനല്‍ കുമാര്‍ ശശിധരന്‍

നിമിഷ സജയനും ജോജു ജോര്‍ജും പ്രധാനവേഷങ്ങളില്‍ എത്തുന്ന സനല്‍ കുമാര്‍ ശശിധരന്‍ ചിത്രം ചോല ഡിസംബര്‍ ആറിന് തിയേറ്ററുകളിലെത്തുകയാണ്.

കേരളഓണ്‍ലൈന്‍ വാര്‍ത്തകള്‍ ടെലിഗ്രാമില്‍ ലഭിക്കാന്‍ ക്ലിക്ക് ചെയ്യുക

ജോജുവിനെ കുറിച്ച് സനല്‍ കുമാര്‍ ശശിധരന്‍ ഫെയ്‌സ്ബുക്കില്‍ പങ്കുവെച്ച കുറിപ്പ് വൈറലാവുകയാണ്.

സനല്‍ കുമാര്‍ ശശിധരന്റെ കുറിപ്പ്

ജോജു ജോര്‍ജ്ജ് എന്നെ സംബന്ധിച്ച് പ്രാഥമികമായി ഒരു നടനല്ല, ഒരു മനുഷ്യനോ മൃഗമോ അല്ല.. അയാള്‍ അടിയുറച്ച ഒരു സിനിമാ പ്രേമിയാണ്. ചോലയുടെ കാര്യത്തിനായി ഞാന്‍ വിളിക്കുമ്പോള്‍, കഥ പറയുമ്പോള്‍ ഒക്കെ കടലില്‍ ഒരു വള്ളം ഒരു ചെറുതുഴയില്‍ എന്നപോലെ അയാള്‍ അതെ അതെ എന്ന് പറഞ്ഞുകൊണ്ടിരുന്നു. ആ അതെ അതെയില്‍ ഒരു സിനിമ മുന്നോട്ട് നീങ്ങുകയായിരുന്നു. ഞാന്‍ അയച്ചുകൊടുത്ത ചെറിയ സ്‌ക്രിപ്റ്റ് അന്നു തന്നെ പ്രിന്റൗട്ട് എടുത്തു വായിച്ചു, തിരികെ വിളിച്ചു..

പിന്നീട് ഞാന്‍ കാണാന്‍ പോകുമ്പോള്‍ കുറേ നേരം സംസാരിച്ചിരുന്നപ്പോള്‍ എന്റെ കയ്യില്‍ തരാന്‍ കാശൊന്നുമില്ലെന്നു പറഞ്ഞപ്പോള്‍ അയാള്‍ ചിരിച്ചു.. പിന്നെ പെട്ടെന്ന് ഇട്ടിരുന്ന ടീഷര്‍ട്ടൂരിക്കൊണ്ട്… 'ഇതാണ് ഇപ്പോ എന്റെ ശരീരത്തിന്റെ ഷെയ്പ്പ്.. ഇത് ആ കഥാപാത്രത്തിനു ചേരുമോ.. അതുമാത്രമാണെന്റെ ആലോചന' എന്നു പറഞ്ഞു.. ചോലയില്‍ അയാള്‍ അഭിനയിച്ചില്ല.. ജീവിച്ചു.. ഇപ്പോള്‍ ഒരു വര്‍ഷത്തില്‍ കൂടുതലായി ഞങ്ങള്‍ ആഴമുള്ള സുഹൃത്തുക്കളാണ്.. സംസാരിക്കുന്ന ഓരോ നിമിഷവും എനിക്ക് മനസിലാവുന്നത് അയാള്‍ ആദ്യന്തികമായി ഒരു അടിയുറച്ച ഒരു സിനിമാ പ്രേമിയാണെന്നാണ്. ബാക്കിയൊക്കെ പിന്നെയേ വരൂ.. ചോലയുടെ തിയേറ്റര്‍ റിലീസിന്റെ കൊടിതോരണങ്ങള്‍ എന്റെ വിശ്വാസം ഉറപ്പിക്കുന്നു. സ്‌നേഹം ജോജു..

 

 

English summary
sanal kumar sasidharan about joju george
topbanner

More News from this section

Subscribe by Email