Friday December 13th, 2019 - 11:41:am
topbanner

പെട്ടെന്ന് പ്രശസ്തി കിട്ടിയപ്പോള്‍ അതെങ്ങനെ കൈകാര്യം ചെയ്യണമെന്ന് അവര്‍ക്ക് അറിയാതെ പോയി, മുകേഷിനെയും ഉര്‍വശിയെയും കണ്ടുപഠിക്കണമെന്ന് ഒമര്‍ ലുലു

suji
പെട്ടെന്ന് പ്രശസ്തി കിട്ടിയപ്പോള്‍ അതെങ്ങനെ കൈകാര്യം ചെയ്യണമെന്ന് അവര്‍ക്ക് അറിയാതെ പോയി, മുകേഷിനെയും ഉര്‍വശിയെയും കണ്ടുപഠിക്കണമെന്ന് ഒമര്‍ ലുലു

സീനിയര്‍ താരങ്ങളായ മുകേഷിനെയും ഉര്‍വശിയെയും യുവതലമുറ കണ്ടുപഠിക്കണം. മാന്യതയും മര്യാദയും കൊണ്ടാണ് അവര്‍ ഇന്‍ഡസ്ട്രിയില്‍ നിലനില്‍ക്കുന്നതെന്ന് യുവ സംവിധായകന്‍ ഒമര്‍ ലുലു.

കേരളഓണ്‍ലൈന്‍ വാര്‍ത്തകള്‍ ടെലിഗ്രാമില്‍ ലഭിക്കാന്‍ ക്ലിക്ക് ചെയ്യുക

'പെട്ടെന്നൊരു പ്രശസ്തി ലഭിച്ചപ്പോള്‍ എങ്ങനെ അതിനെ കൈകാര്യം ചെയ്യണമെന്ന് അവര്‍ക്ക് അറിയാതെ പോയി, അതിന്റെ കാരണം എന്താണെന്ന് വെച്ചാല്‍ സ്റ്റാര്‍ഡം മാനേജ് ചെയ്യുക എന്ന് പറയുന്നത് വലിയ ബുദ്ധിമുട്ടുള്ള കാര്യമാണ്. എനിക്ക് ധമാക്ക എന്ന സിനിമയില്‍ വലിയ ഒരു എക്‌സ്പീരിയന്‍സ് തന്നെയാണ് കിട്ടിയത്. ഉര്‍വശി ചേച്ചിയും മുകേഷ് ചേട്ടനും 35 വര്‍ഷത്തോളം എക്‌സ്പീരിയന്‍സ് ഉള്ളവരാണ്. ഏകദേശം എന്റെ പ്രായമുണ്ട് അതിന്. ഉര്‍വശി ചേച്ചി മുകേഷേട്ടന്‍ ഇവരൊക്കെ ഷൂട്ടിംഗ് കഴിഞ്ഞ് എന്നെ കണ്ടു യാത്ര പറഞ്ഞിട്ടാണ് പോകാറുള്ളത്.

മോനേ നാളെ കാണാം എന്നു പറഞ്ഞു പോകുന്ന അവര്‍ രാവിലെ കാണുമ്പോള്‍ ഗുഡ്‌മോണിങ് എന്നൊക്കെ പറഞ്ഞു പെരുമാറും. അവര്‍ ചെയ്യുന്ന മര്യാദയും മാന്യതയും കൊണ്ട് തന്നെയാണ് ഇത്രയും കാലം അവര്‍ ഇന്‍ഡസ്ട്രിയില്‍ നിലനില്‍ക്കുന്നത്. അപ്പോള്‍ അവരില്‍ നിന്നൊക്കെ കുറെ പഠിക്കാനുണ്ട്. അവരുടെയൊക്കെ വളര്‍ച്ച എന്നു പറയുന്നത് ഘട്ടം ഘട്ടമായാണ്. അവര്‍ കുട്ടികളല്ലേ അവര്‍ക്ക് എന്താണ് ചെയ്യേണ്ടത് എന്നോക്കെ അറിയാത്തതായിട്ടുണ്ട്. അതിനെയൊക്കെ ഓരോ പ്രശ്‌നങ്ങള്‍ ഉണ്ടാവും'ഒമര്‍ ലുലു പറഞ്ഞു.

ധമാക്കയാണ് ഒമര്‍ ലുലുവിന്റെ ഏറ്റവും പുതിയ ചിത്രം. ഒളിമ്പ്യന്‍ അന്തോണി ആദം എന്ന ചിത്രത്തില്‍ മോഹന്‍ലാലിനൊപ്പം ടോണി ഐസക് എന്ന കഥാപാത്രത്തെ മനോഹരമാക്കിയ അരുണാണ് ധമാക്കയില്‍ നായകന്‍. ഒമര്‍ ലുലുവിന്റെ നാലാമത്തെ ചിത്രമായ ധമാക്കയില്‍ സലിം കുമാര്‍, ഇന്നസെന്റ്, സാബുമോന്‍, മുകേഷ്, ഉര്‍വ്വശി, നിക്കി ഗല്‍റാണി, നേഹ, ഹരീഷ് കണാരന്‍, ധര്‍മജന്‍ ബോള്‍ഗാട്ടി, ഷാലിന്‍ സോയ തുടങ്ങി വന്‍താരനിരയാണ് അണിനിരക്കുന്നത്.

 

 

Read more topics: omar lulu, mukesh, urvasi
English summary
omar lulu about urvasi and mukesh
topbanner

More News from this section

Subscribe by Email