Monday August 10th, 2020 - 2:24:pm

ഫഹദിന്റെ മാലിക്കിന് ആക്ഷനൊരുക്കുന്നത് ഹോളിവുഡ് ഡയറക്ടര്‍ ലീ വിറ്റാക്കര്‍; ചിത്രമൊരുങ്ങുന്നത് 25 കോടി മുതല്‍മുടക്കില്‍

JB
 ഫഹദിന്റെ മാലിക്കിന് ആക്ഷനൊരുക്കുന്നത് ഹോളിവുഡ് ഡയറക്ടര്‍ ലീ വിറ്റാക്കര്‍; ചിത്രമൊരുങ്ങുന്നത് 25 കോടി മുതല്‍മുടക്കില്‍

ഫഹദ് ഫാസിലിന്റെ കരിയറിലെ ഏറ്റവും ഉയര്‍ന്ന ബജറ്റില്‍ ഒരുങ്ങുന്ന മാലിക്ക് ഷൂട്ടിംഗ് ഘട്ടത്തില്‍ തന്നെ വാര്‍ത്തകളില്‍ ഇടം പിടിച്ചിരുന്നു. എറണാകുളത്തും, ലക്ഷദ്വീപിലും തിരുവനന്തപുരത്തുമായി ചിത്രീകരണം പുരോഗമിക്കുന്ന മാലിക്കില്‍ ആക്ഷന്‍ കൊറിയോഗ്രഫി നിര്‍വഹിക്കുന്നത് ഹോളിവുഡ് ആക്ഷന്‍ ഡയറക്ടര്‍ ലീ വിറ്റാക്കര്‍ ആണ്.

കേരളഓണ്‍ലൈന്‍ വാര്‍ത്തകള്‍ ടെലിഗ്രാമില്‍ ലഭിക്കാന്‍ ക്ലിക്ക് ചെയ്യുക

ബാഹുബലി രണ്ടാം ഭാഗത്തിലും, വമ്പന്‍ ബജറ്റിലെത്തിയ പീരിഡ് ഡ്രാമ സൈറാ നരസിംഹ റെഡ്ഡിയിലും വിറ്റാക്കര്‍ ഒരുക്കിയ ആക്ഷന്‍ സീക്വന്‍സുകള്‍ ശ്രദ്ധ നേടിയിരുന്നു. മഹേഷ് നാരായണന്‍ സംവിധാനം ചെയ്ത ടേക്ക് ഓഫ് അമേരിക്കയില്‍ വച്ച് ലീ വിറ്റാക്കര്‍ കണ്ടിരുന്നു. ഇതിന് പിന്നാലെയാണ് അടുത്ത സിനിമയില്‍ ഭാഗമാകാമെന്ന് സമ്മതിച്ചത്.

കമല്‍ഹാസന്‍ സംവിധാനം ചെയ്ത വിശ്വരൂപം എന്ന സിനിമയ്ക്കായി ലി വിറ്റാക്കര്‍ കൊറിയോഗ്രഫ് ചെയ്ത ആക്ഷന്‍ സീക്വന്‍സുകള്‍ ഹോളിവുഡ് സിനിമകളുടെ ശൈലിയോട് കിടപിടിക്കുന്നതായിരുന്നു. ഭീകരക്യാമ്പുകളിലെ ആക്ഷന്‍ രംഗങ്ങളും സ്പൈ ആക്ഷന്‍ സീക്വന്‍സുകളുമാണ് ഈ ചിത്രത്തില്‍ വിറ്റാക്കര്‍ ചെയ്തത്. മഹേഷ് നാരായണന്‍ എഡിറ്റിംഗ് നിര്‍വഹിച്ച ചിത്രവുമാണ് വിശ്വരൂപം. ഹോളിവുഡില്‍ ജുറാസിക് പാര്‍ക്ക് ത്രീ, ക്യാപ്റ്റന്‍ മാര്‍വല്‍, എക്സ് മെന്‍ അപ്പോകാലിപ്സ് എന്നീ സിനിമകളുടെ സംഘട്ടനം നിര്‍വഹിച്ചത് ലീ വിറ്റക്കര്‍ ആണ്.

 

Read more topics: fahad fazil, lee vitakar, malik film,
English summary
lee vitakar in malik film
topbanner

More News from this section

Subscribe by Email