Thursday June 4th, 2020 - 9:07:am

'കര്‍മ്മബന്ധങ്ങളുടെ ഉള്‍ക്കനമുളള ഏത് നൂലാണ് നിന്നേയും എന്നേയും ഇങ്ങനെ വരിഞ്ഞിട്ടത്'; മഹേഷിനെ ഓര്‍ത്ത് ലാല്‍ ജോസ്

JB
'കര്‍മ്മബന്ധങ്ങളുടെ ഉള്‍ക്കനമുളള ഏത് നൂലാണ് നിന്നേയും എന്നേയും ഇങ്ങനെ വരിഞ്ഞിട്ടത്'; മഹേഷിനെ ഓര്‍ത്ത് ലാല്‍ ജോസ്

നിരവധി മലയാള സിനിമകള്‍ക്ക് പോസ്റ്റര്‍ ഡിസൈനിംഗ് ചെയ്തിട്ടുള്ള ഓള്‍ഡ് മങ്ക്സിലെ സീനിയര്‍ ഡിസൈനര്‍ ആര്‍ മഹേഷിന്റെ നിര്യാണം സംഭവിച്ചത് ഈ അടുത്തായിരുന്നു. മഹേഷിന്റെ നിര്യാണത്തെകുറിച്ചും ആകസ്മികമായി സംഭവിച്ച ഒരു കാര്യത്തെകുറിച്ചും സംവിധായകന്‍ ലാല്‍ ജോസ് പങ്കുവെച്ചിരിക്കുന്ന ഒരു കുറിപ്പ് വൈറലായിരിക്കുകയാണ്.

കേരളഓണ്‍ലൈന്‍ വാര്‍ത്തകള്‍ ടെലിഗ്രാമില്‍ ലഭിക്കാന്‍ ക്ലിക്ക് ചെയ്യുക

ലാല്‍ ജോസിന്റെ കുറിപ്പ് വായിക്കാം :

''ഞാന്‍ നിന്നെ കണ്ടിട്ടില്ല. എന്നാല്‍ അകാലത്തില്‍ തേടിയെത്തിയ മരണത്തിനൊപ്പം പോകും മുമ്പ് നീ വരച്ചത് എന്റെ ഛായചിത്രമായിരുന്നുവെന്ന് ഓള്‍ഡ് മോങ്കിലെ സിബി കഴിഞ്ഞ ദിവസം പറഞ്ഞപ്പോള്‍ അക്ഷരാര്‍ത്ഥത്തില്‍ ഉളളു വിറച്ചു. കര്‍മ്മബന്ധങ്ങളുടെ ഉള്‍ക്കനമുളള ഏത് നൂലാണ് നിന്നേയും എന്നേയും ഇങ്ങനെ വരിഞ്ഞിട്ടത്.

നാല്‍പ്പത്തിയൊന്ന് എന്ന എന്റെ പുതിയ സിനിമയുടെ പരസ്യത്തിനായിട്ടാണ് മഹേഷ് ഈ ചിത്രം വരച്ചത്. ഇരുപത്തിയഞ്ചാം സിനിമ എന്ന മട്ടില്‍ ഒരു പോസ്റ്റര്‍, അതായിരുന്നു ആവശ്യപ്പെട്ടിരുന്നത്. അതില്‍ എന്റെ ചിത്രം പ്രതീക്ഷിച്ചിരുന്നില്ല. മരണം സംഭവിക്കുന്നതിന് ഒരാഴ്ച മുമ്പ് മഹേഷ് എന്ന അനുഗ്രഹീത കലാകാരന്‍ വരച്ചിട്ട ഈ പോസ്റ്റര്‍ ഷെയര്‍ ചെയ്യാതിരിക്കാനാവുന്നില്ല. മഹേഷിന്റെ ഓര്‍മ്മകള്‍ക്ക് മുന്നില്‍ പ്രണാമം.''

ഹൃദയാഘാതത്തെത്തുടര്‍ന്നായിരുന്നു മഹേഷിന്റെ അകാല വിയോഗം കുറച്ചുദിവസങ്ങള്‍ക്കുമുമ്പ് സംഭവിച്ചത്. തിരുവനന്തപുരം നേമം സ്വദേശിയായ മഹേഷ് ഓള്‍ഡ് മങ്ക്സിനോടൊപ്പം ചേര്‍ന്ന് ഒട്ടേറെ മികച്ച പോസ്റ്ററുകളാണ് മലയാളത്തില്‍ അവതരിപ്പിച്ചിട്ടുള്ളത്. ലിജോ ജോസ് പെല്ലിശ്ശേരിയുടെ ജല്ലിക്കട്ട് അടക്കം മിക്ക ചിത്രങ്ങളുടെയും പോസ്റ്റര്‍ മഹേഷാണ് ചെയ്തിട്ടുള്ളത്.

Read more topics: lal jose, remebering mahesh,
English summary
lal jose remebering mahesh
topbanner

More News from this section

Subscribe by Email