Wednesday July 17th, 2019 - 10:14:am
topbanner
topbanner

മാത്തുക്കുട്ടിയുടെ സിനിമയില്‍ നിന്ന് ദുല്‍ഖര്‍ പിന്മാറാനുള്ള കാരണം ഇതാണ്

JB
മാത്തുക്കുട്ടിയുടെ സിനിമയില്‍ നിന്ന് ദുല്‍ഖര്‍ പിന്മാറാനുള്ള കാരണം ഇതാണ്

റേഡിയോ ജോക്കി, ചാനല്‍ അവതാരകന്‍ എന്നീ നിലകളില്‍ നിറഞ്ഞുനിന്ന മാത്തുക്കുട്ടി സംവിധായകനുമാകുന്ന ''കുഞ്ഞെല്‍ദോ'' പ്രഖ്യാപിച്ചത് കഴിഞ്ഞ ആഴ്ചയാണ്. ചിത്രത്തില്‍ ആസിഫ് അലിയാണ് നായകനാകുന്നത്. ചിത്രത്തിലെ നായികയെ തേടുകയാണ് അണിയറപ്രവര്‍ത്തകര്‍. ചിത്രത്തില്‍ ആസിഫ് അലിയെത്തുന്നത് 19 കാരന്റെ വേഷത്തിലാണെന്നതാണ് പുതിയ റിപ്പോര്‍ട്ട്. ക്യാമ്പസ് പശ്ചാത്തലമാക്കി ഒരുക്കുന്ന ചിത്രത്തിനായി ആദ്യം പരിഗണിച്ചിരുന്നത് ദുല്‍ഖര്‍ സല്‍മാനെയാണ്. എന്നാല്‍ ദുല്‍ഖര്‍ ചിത്രം ഉപേക്ഷിച്ചു. അതിന്റെ കാരണം പുറത്ത് വന്നിരിക്കുകയാണിപ്പോള്‍

ടീനേജ് വേഷങ്ങള്‍ ചെയ്യാന്‍ താത്പര്യമില്ലാത്തതിനാലാണ് നടന്‍ ചിത്രത്തില്‍ നിന്ന് പിന്മാറിയതെന്നാണ് റിപ്പോര്‍ട്ടുകള്‍ പറയുന്നത്. ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്ത് വിട്ടത് ദുല്‍ഖര്‍ സല്‍മാന്‍ ആയിരുന്നു. വിനീത് ശ്രീനിവാസന്‍ ചിത്രത്തിനൊപ്പം ക്രിയേറ്റീവ് ഡയറക്ടറായുമുണ്ട്. സ്വരൂപ് ഫിലിപ്പാണ് ഛായാഗ്രഹണം. ഷാന്‍ റഹ്മാനാണ് സംഗീത സംവിധാനം.

കുഞ്ഞിരാമായണം, എബി എന്നീ സിനിമകള്‍ക്ക് ശേഷമുള്ള ലിറ്റില്‍ ബിഗ് ഫിലിംസിന്റെ അടുത്ത പ്രൊജക്ട് കൂടിയാണ് കുഞ്ഞെല്‍ദോ. സുവിന്‍ വര്‍ക്കിയും പ്രശോഭ് കൃഷ്ണയും ചേര്‍ന്നാണ് നിര്‍മ്മാണം. ടൊവിനോ തോമസ് നായകനാകുന്ന പുതിയ ചിത്രം കല്‍ക്കി എന്ന സിനിമ നിര്‍മ്മിക്കുന്നതും ഈ ബാനറിന്റെ കീഴിലാണ്.

 

 

English summary
dulqer salman sike in mathukutty film
topbanner

More News from this section

Subscribe by Email