Thursday October 17th, 2019 - 3:46:am
topbanner

'ഒരു നേരംപോക്കിന് കണ്ടിരിക്കേണ്ട ചിത്രം അല്ല പട്ടാഭിരാമന്‍'; ജയറാമും കണ്ണന്‍ താമരക്കുളവും 'ട്രാക്ക്' മാറ്റി; യുവാവിന്റ കുറിപ്പ് വൈറലാകുന്നു

JB
 'ഒരു നേരംപോക്കിന് കണ്ടിരിക്കേണ്ട ചിത്രം അല്ല പട്ടാഭിരാമന്‍'; ജയറാമും കണ്ണന്‍ താമരക്കുളവും 'ട്രാക്ക്' മാറ്റി; യുവാവിന്റ കുറിപ്പ് വൈറലാകുന്നു

'പട്ടാഭിരാമന്‍' എന്ന ജയറാം-കണ്ണന്‍ താമരക്കളം ചിത്രം ഒരു നേരംപോക്കിന് കണ്ടിരിക്കേണ്ട സിനിമയല്ലെന്നും മലയാള സിനിമയില്‍ അധികം ചര്‍ച്ച ചെയ്യപ്പെടാത്ത 'ഭക്ഷണത്തിലെ മായം' എന്ന വിഷയമാണ് ചിത്രം കൈകാര്യം ചെയ്യുന്നതെന്നും അതിനാല്‍ കുടുംബത്തിനൊപ്പം കാണേണ്ട ചിത്രമാണെന്നും എഴുതിക്കൊണ്ടുള്ള അരുണ്‍ മോഹന്‍ എന്ന യുവാവിന്റെ ഫേസ്ബുക്ക് പോസ്റ്റ് വൈറലാകുന്നു.

കേരളഓണ്‍ലൈന്‍ വാര്‍ത്തകള്‍ ടെലിഗ്രാമില്‍ ലഭിക്കാന്‍ ക്ലിക്ക് ചെയ്യുക

അരുണ്‍ മോഹന്റെ ഫേസ്ബുക്ക് കുറിപ്പ് വായിക്കാം :

''ജയറാമിന്റെ പടമാണോ ?! എന്നാല്‍ തലവെക്കണ്ട ബ്രോ... ഇന്നലെ പട്ടാഭിരാമന് പോകാം എന്ന് പറഞ്ഞപ്പോ എന്റെ സുഹൃത്ത് എന്നോട് പറഞ്ഞ വാക്കുകളാണ്. അവന്‍ മാത്രമല്ല. മിക്ക മലയാളികളുടെയും മനസ്സില്‍ കുറച്ചു കാലമായുള്ള ഒരു വിചാരങ്ങളാണ് ഇവയെല്ലാം. എന്നാല്‍ ജയറാമും കണ്ണന്‍ താമരക്കുളവുമൊക്കെ 'ട്രാക്ക്' മാറ്റി. പട്ടാഭിരാമന്‍ കണ്ടു. കിടിലന്‍ സിനിമ.

ഈയടുത്തിറങ്ങിയ ജയറാം സിനിമകള്‍ പോലെ ഒരു തട്ടിക്കൂട്ട് ചളി പടം വിത്ത് ലോഡഡ് സെന്റിമെന്‍സ് ആകുമെന്ന് പ്രതീക്ഷിച്ചാണ് സിനിമ കണ്ടത്. എന്നാല്‍ കണ്ണന്‍ താമരകുളവും ജയറാമും ഞെട്ടിച്ചു കളഞ്ഞു. മലയാള സിനിമയില്‍ അധികം ചര്‍ച്ച ചെയ്യപ്പെടാത്ത 'ഭക്ഷണത്തിലെ മായം' എന്ന വിഷയമാണ് ചിത്രം കൈകാര്യം ചെയ്യുന്നത്. നന്മമരം നായകന്‍ സ്ഥിരം ക്ലിഷേ ആണേലും പട്ടാഭിരാമന്‍ എന്ന കഥാപാത്രത്തിന്റെ ഉള്‍ക്കരുത്തും, കാമ്പും മനസിലാക്കാന്‍ ആ കലക്ടറിന്റെ (അനു) പ്രസംഗ രംഗം മതിയാകും.

ഒരു നേരംപോക്കിന് കണ്ടിരിക്കേണ്ട ചിത്രം അല്ല പട്ടാഭിരാമന്‍. മറിച്ചു നമ്മുടെ കുഞ്ഞുങ്ങള്‍ക്ക്, നമുക്ക് എല്ലാം ആരോഗ്യം ഉണ്ടാകാന്‍ നല്ല ഭക്ഷണം നാം വീട്ടില്‍ തന്നെ ഉണ്ടാക്കണം എന്ന മഹത്തായ സന്ദേശം നല്‍കുന്ന ചിത്രം. കണ്ണന്‍ താമരകുളത്തിന്റെ സംവിധാനവും, ദിനേശ് പള്ളത്തിന്റെ തിരക്കഥയും അതിഗംഭീരം തന്നെയാണ്. പ്രേക്ഷകനെ എന്‍ഗേജ് ചെയ്യിക്കാന്‍ ചിത്രത്തിന് കഴിയുന്നുമുണ്ട്. ഈ ചിത്രം ചിലപ്പോ ഡീഗ്രേഡിങ് നേരിട്ടേക്കാം . കാരണം ഇത് വിരല്‍ ചൂണ്ടുന്നത് സമൂഹത്തിലെ ചില വലിയ ഹോട്ടലുകള്‍ക്കും, മസാല പൊടി ഫാകറ്ററികള്‍ക്കും, ചിക്കന്‍ കടകള്‍ക്കും , മീന്‍ കടകള്‍ക്കും ഒക്കെ നേരെയാണ്.

നമ്മള്‍ തീര്‍ച്ചയായും അറിഞ്ഞിരിക്കെടാ ഒരു വിഷയത്തെകുറിച്ചാണ് സിനിമ ചര്‍ച്ച ചെയ്യുന്നത് എന്നത് തന്നെയാണ് ഏറ്റവും പ്രധാനം. അത് കൊണ്ട് തന്നെയാണ് ഈ സിനിമ നിങ്ങള്‍ തീര്‍ച്ചയായും കണ്ടിരിക്കണം എന്ന് ഞാന്‍ പറയുന്നതും. പറ്റുമെങ്കില്‍ കുടുംബത്തിനൊപ്പം തന്നെ...

റേറ്റിങ്: 3.5/5''

 

English summary
VIRAL POST ABOUT FILM PATTABHIRAMAN
topbanner

More News from this section

Subscribe by Email