Tuesday July 14th, 2020 - 9:31:am

തൃശ്ശൂരിൽ കൊക്കൈനുമായി ആറംഗ സംഘം പിടിയില്‍

Anusha Aroli
തൃശ്ശൂരിൽ കൊക്കൈനുമായി ആറംഗ സംഘം പിടിയില്‍

തൃശൂര്‍: കൊക്കൈനുമായി കൊടുങ്ങല്ലൂരില്‍ ആറംഗ സംഘം പിടിയില്‍. സംഘത്തില്‍നിന്ന് 60 മില്ലി ഗ്രാം കൊക്കൈന്‍ പിടിച്ചെടുത്തു.കയ്പമംഗലം ദേവമംഗലം കുടിലിങ്കല്‍ സന്ദേശ് (19), മൂന്നുപീടിക മഹറപ്പള്ളി കടവില്‍ മുഹമ്മദ് ഫസല്‍ (20), ചളിങ്ങാട് കോനത്ത് ആദ്‌നാന്‍ (20), ചളിങ്ങാട് മുടവന്‍കാട്ടില്‍ നാദിര്‍ഷ (19), മതിലകം തൃവേണി തറയില്‍ വിഷ്ണു (21), ഊമന്തറ വെളിയത്ത് അഖില്‍ (21) എന്നിവരാണ് പിടിയിലായത്.

കേരളഓണ്‍ലൈന്‍ വാര്‍ത്തകള്‍ ടെലിഗ്രാമില്‍ ലഭിക്കാന്‍ ക്ലിക്ക് ചെയ്യുക

തീരദേശത്ത് മയക്കുമരുന്ന് കച്ചവടം നടത്തുന്ന പ്രധാന കണ്ണികളാണിവര്‍. രഹസ്യവിവരത്തെ തുടര്‍ന്ന് നടത്തിയ പരിശോധനയില്‍ വഴിയമ്പലത്ത് വച്ച് സന്ദേശിനെയും ഫസലിനെയും പിടികൂടി. ഇവരില്‍നിന്ന് കിട്ടിയ വിവരമനുസരിച്ചാണ് മറ്റുള്ളവരെ പിടികൂടാനായത്. കയ്പമംഗലം എസ്.ഐ. കെ.എസ്. സുബിന്ദും സംഘവുമാണ് പ്രതികളെ പിടികൂടിയത്.

അഖിലും കൊടുങ്ങല്ലൂര്‍ സ്വദേശിയും കൂടി എറണാകുളത്തുനിന്നാണ് മയക്കുമരുന്ന് എത്തിക്കുന്നത്. അര ഗ്രാമിന്റെ കൊക്കൈന്റെ പൊതിക്ക് 2500 രൂപയാണ് ഈടാക്കിയിരുന്നത്. ആവശ്യക്കാര്‍ക്ക് എത്തിക്കുന്നതിനിടയില്‍ ലഹരി സുഖം ഇവര്‍ നുണയും. കച്ചവടത്തിന് ചുക്കാന്‍ പിടിക്കുന്നവര്‍ക്ക് പണമില്ലാതെ തന്നെ ലഹരി ലഭിക്കും. കൊക്കൈനു പുറമെ കഞ്ചാവ്, എം.ഡി.എം, ഹാഷിഷ് തുടങ്ങിയവയും ഇവര്‍ ഉപയോഗിക്കുകയും വിതരണം ചെയ്യുന്നുമുണ്ട്.

പിടിയിലായവരില്‍നിന്ന് ലഹരി ഉപയോഗിക്കുന്ന അമ്പതോളം പേരുടെ മൊബൈല്‍ നമ്പര്‍ പോലീസിന് ലഭിച്ചു. വരുംദിവസങ്ങളില്‍ ഇവരുടെ ചലനങ്ങള്‍ പോലീസ് നിരീക്ഷിക്കും. ഗൂഗിള്‍ പേ ഉപയോഗിച്ചാണ് ഉപഭോക്താക്കള്‍ പണം കൈമാറുന്നത്. പ്രതികളെ കോടതിയില്‍ ഹാജരാക്കി.

എ.എസ്.ഐമാരായ ടി.കെ. അബ്ദുള്‍ സത്താര്‍, എ. സജിബാല്‍, സി.കെ. ഷാജു, സീനിയര്‍ സി.പി.ഒമാരായ പി.എ. അഭിലാഷ്, നജീബ്, പി.ബി. ലാല്‍ജി, സി.എസ്. പ്രബിന്‍, സി.പി.ഒമാരായ പി.ആര്‍. കിരണ്‍, ഹബീബ്, ജോജോ എന്നിവരും അറസ്റ്റ് ചെയ്ത സംഘത്തിലുണ്ടായിരുന്നു.

Read more topics: thrissur,six youth arrest,cocaine
English summary
thrissur six youth arrest on cocaine
topbanner

More News from this section

Subscribe by Email