Wednesday December 1st, 2021 - 2:05:pm

പാലിയേക്കരയില്‍ ടോള്‍ പിരിവ് പുനരാരംഭിച്ചു

Anusha Aroli
പാലിയേക്കരയില്‍ ടോള്‍ പിരിവ് പുനരാരംഭിച്ചു

തൃശൂര്‍: ലോക്ക്ഡൗണിനെ തുടര്‍ന്ന് നിര്‍ത്തിവച്ച പാലിയേക്കര ടോള്‍ പ്ലാസയിലെ ടോള്‍ പിരിവ് പുനരാരംഭിച്ചു. ഞായറാഴ്ച അര്‍ധരാത്രി മുതലാണ് പിരിവ് ആരംഭിച്ചത്. ലോക്ക് ഡൗണ്‍ പ്രഖ്യാപിച്ചതിനെ തുടര്‍ന്ന് മാര്‍ച്ച് 24 നാണ് പാലിയേക്കരയില്‍ ടോള്‍ പിരിവ് നിര്‍ത്തിവച്ചത്.

കേരളഓണ്‍ലൈന്‍ വാര്‍ത്തകള്‍ ടെലിഗ്രാമില്‍ ലഭിക്കാന്‍ ക്ലിക്ക് ചെയ്യുക

കേന്ദ്ര പൊതുഗതാഗത മന്ത്രാലയത്തിന്റെ ഉത്തരവ് പ്രകാരമാണ് ടോള്‍ പിരിവ് ആരംഭിച്ചത്. സംസ്ഥാന സര്‍ക്കാര്‍ പ്രഖ്യാപിച്ച ഇളവുകളുടെ അടിസ്ഥാനത്തില്‍ ടോള്‍ പ്ലാസയില്‍ നേരിയ തോതില്‍ വാഹനങ്ങളുടെ തിരക്ക് അനുഭവപ്പെടുന്നുണ്ട്. ഇരു ഭാഗങ്ങളിലുമായി രണ്ട് ഫാസ്റ്റാഗ് ട്രാക്കുകളും ഓരോ കാഷ് ട്രാക്കുകളുമാണ് തുറന്നുകൊടുത്തത്. ലോക്ക് ഡൗണ്‍ പിന്‍വലിക്കുന്നതുവരെ ടോള്‍ പിരിവ് നിര്‍ത്തിവെക്കണമെന്നാവശ്യപ്പെട്ട് തിങ്കളാഴ്ച രാവിലെ മുതല്‍ ടോള്‍ പ്ലാസയില്‍ വിവിധ രാഷ്ട്രീയ പാര്‍ട്ടികളുടെ നേതൃത്വത്തില്‍ പ്രതിഷേധം നടന്നു.

യൂത്ത് കോണ്‍ഗ്രസ് പുതുക്കാട് നിയോജക മണ്ഡലം കമ്മിറ്റിയുടെ നേതൃത്വത്തില്‍ പ്രവര്‍ത്തകര്‍ എത്തി ടോള്‍ ബൂത്തുകള്‍ തുറന്ന് വാഹനങ്ങള്‍ കടത്തിവിട്ടു. ഒരു മണിക്കൂറോളം നീണ്ട പ്രതിഷേധത്തെ തുടര്‍ന്ന് പോലീസിന്റെ നിര്‍ദേശപ്രകാരം ടോള്‍ പിരിവ് നിര്‍ത്തിവച്ചു. ടോള്‍ ബൂത്ത് തുറന്ന് വാഹനങ്ങള്‍ കടത്തിവിട്ട യൂത്ത് കോണ്‍ഗ്രസ് ജില്ലാ പ്രസിഡന്റ് ഉള്‍പ്പെടെ ആറുപേരെ പുതുക്കാട് പോലീസ് അറസ്റ്റ് ചെയ്ത് ജാമ്യത്തില്‍വിട്ടു. പിന്നീട് ഉന്നത പോലീസ് ഉദ്യോഗസ്ഥരുടെ ഇടപെടലിനെ തുടര്‍ന്ന് പതിനൊന്നരയോടെ ടോള്‍ പിരിവ് ആരംഭിച്ചുവെങ്കിലും എ.ഐ.വൈ.എഫ്. പ്രവര്‍ത്തകര്‍ പ്രകടനവുമായെത്തി ടോള്‍ പിരിവ് തടഞ്ഞു.

ടോള്‍ ബൂത്തുകള്‍ തുറന്നുവിട്ട പ്രവര്‍ത്തകര്‍ ടോള്‍ പ്ലാസ ഓഫീസിന് മുമ്പില്‍ പ്രതിഷേധയോഗം നടത്തി. ഇതിനിടെ ജില്ലാ കലക്ടറുടെ നിര്‍ദേശത്തെ തുടര്‍ന്ന് ടോള്‍ പിരിവ് വീണ്ടും ആരംഭിച്ചു. പൊതുഗതാഗതവും വാണിജ്യമേഖലയും സ്തംഭിച്ച സമയത്ത് ടോള്‍ പിരിവ് ആരംഭിക്കാനുള്ള തീരുമാനം സാധാരണ യാത്രക്കാര്‍ക്ക് വലിയ തിരിച്ചടിയാണുണ്ടാവുക. ഏറെ പ്രതിബന്ധങ്ങള്‍ തരണം ചെയ്ത് ഗതാഗതം നടത്തുന്ന ചരക്ക് വാഹനങ്ങളെ കൊള്ളയടിക്കാന്‍ മാത്രമേ ഇപ്പോഴത്തെ തീരുമാനം ഉപകരിക്കുകയുള്ളുവെന്നും പ്രതിഷേധക്കാര്‍ പറയുന്നു.

English summary
thrissur paliyekkara toll issue
topbanner

More News from this section

Subscribe by Email