Wednesday September 23rd, 2020 - 6:26:pm

കൊറോണ സ്ഥിരീകരിച്ച കണ്ണൂര്‍ സ്വദേശിക്കൊപ്പം വിമാനത്തില്‍ യാത്രചെയ്തവരെ നിരീക്ഷിക്കാന്‍ തീരുമാനം

suji
കൊറോണ സ്ഥിരീകരിച്ച കണ്ണൂര്‍ സ്വദേശിക്കൊപ്പം വിമാനത്തില്‍ യാത്രചെയ്തവരെ നിരീക്ഷിക്കാന്‍ തീരുമാനം

വ്യാഴാഴ്ച കൊറോണ സ്ഥിരീകരിച്ച കണ്ണൂര്‍ സ്വദേശിക്കൊപ്പം വിമാനത്തില്‍ യാത്രചെയ്തവരെ നിരീക്ഷിക്കാന്‍ തീരുമാനം. മാര്‍ച്ച് അഞ്ചിന് എസ്ജി 54 സ്‌പൈസ്‌ജെറ്റ് വിമാനത്തില്‍ ദുബായില്‍നിന്ന് കോഴിക്കോട് വിമാനത്താവളത്തിലാണ് ഇയാള്‍ എത്തിയത്. ഈ വിമാനത്തിലെ മറ്റു യാത്രക്കാരെ തിരയുകയാണെന്ന് മലപ്പുറം കളക്ടര്‍ അറിയിച്ചു.രോഗലക്ഷണമുള്ളവര്‍ അടിയന്തരമായി ജില്ലയിലെ കണ്‍ട്രോള്‍ റൂമില്‍ ബന്ധപ്പെടണമെന്നും അദ്ദേഹം വ്യക്തമാക്കി. ഫോണ്‍: 0483 2737858, 2737857. കോഴിക്കോട് ജില്ലാ കളക്ടറും ഇതുസംബന്ധിച്ച മുന്നറിയിപ്പ് പുറത്തുവിട്ടിട്ടുണ്ട്.

കേരളഓണ്‍ലൈന്‍ വാര്‍ത്തകള്‍ ടെലിഗ്രാമില്‍ ലഭിക്കാന്‍ ക്ലിക്ക് ചെയ്യുക

പയ്യന്നൂര്‍ പെരിങ്ങോം സ്വദേശിയാണ് ഇയാളെന്നാണ് റിപ്പോര്‍ട്ടുകള്‍. ഇയാളുമായി അടുത്ത് പെരുമാറിയ ബന്ധുക്കളെ നിരീക്ഷിച്ച് വരികയാണ്. സംസ്ഥാനത്ത് ഇതുവരെ 19 കൊറോണ കേസുകളാണ് സ്ഥിരീകരിച്ചിരിക്കുന്നത്. ഇതില്‍ മൂന്നു പേരുടെ രോഗം ഭേദമായിരുന്നു. തിരുവനന്തപുരത്ത് ഒരാള്‍ നിരീക്ഷണത്തിലുണ്ടെങ്കിലും പരിശോധനാഫലം പുറത്തുവന്നിട്ടില്ല.

ഇന്നലെ മാത്രം സംസ്ഥാനത്ത് 65 പേരെയാണ് ആശുപത്രിയില്‍ പ്രവേശിപ്പിച്ചത്. 900 പേര്‍ പുതിയതായി നിരീക്ഷണത്തിലുണ്ട്. ഇതോടെ സംസ്ഥാനത്ത് 4,180 ആളുകളാണ് നിരീക്ഷണത്തിലുള്ളത്. ഇതില്‍ 3,910 പേര്‍ വീടുകളില്‍ തന്നെയാണ് നിരീക്ഷണത്തിലുള്ളത്. 270 പേര്‍ ആശുപത്രിയിലാണുള്ളത്. കണ്ണൂര്‍ സ്വദേശിക്ക് പുറമെ തൃശ്ശൂര്‍ സ്വദേശിക്കാണ് ഇന്നലെ രോഗം സ്ഥിരീകരിച്ചത്. റാന്നിയില്‍ നിന്നും എത്തിയ കുടുംബത്തിനൊപ്പമായിരുന്നു ഇയാളും എത്തിയത്. കണ്ണൂര്‍ സ്വദേശി കഴിയുന്നത് പരിയാരം മെഡിക്കല്‍ കോളജിലും തൃശൂര്‍ സ്വദേശി മെഡിക്കല്‍ കോളജിലുമാണ് കഴിയുന്നത്.

 

English summary
passengers who traveled with kannur corona victim should inform
topbanner

More News from this section

Subscribe by Email