Tuesday July 14th, 2020 - 9:05:am

പൂരനഗരിയില്‍ മുന്നൂറിലധികം 'പുലികളിറങ്ങി'

JB
പൂരനഗരിയില്‍ മുന്നൂറിലധികം 'പുലികളിറങ്ങി'

തൃശൂര്‍: ഈ വര്‍ഷത്തെ ഓണാഘോഷങ്ങള്‍ക്ക് സമാപനം കുറിച്ച് തൃശൂരില്‍ പുലിക്കളി ആരംഭിച്ചു. ചെണ്ടയുടെ താളത്തിനൊത്ത് ചുവടുവെച്ച് ആറു സംഘങ്ങളിലായി മൂന്നൂറിലധികം പുലികളാണ് നഗരത്തെ വലംവെയ്ക്കുന്നത്. ഒരോ സംഘവും 51 പുലികളെയാണ് രംഗത്തിറക്കിയിരിക്കുന്നതെന്നാണ് റിപ്പോര്‍ട്ടുകള്‍. സ്വരാജ് റൗണ്ടിലേക്ക് പുലിക്കൂട്ടം എത്തി തുടങ്ങിയതോടെ നാട് ആവേശത്തിലായിരിക്കുകയാണ്.

കേരളഓണ്‍ലൈന്‍ വാര്‍ത്തകള്‍ ടെലിഗ്രാമില്‍ ലഭിക്കാന്‍ ക്ലിക്ക് ചെയ്യുക

മുന്‍ വര്‍ഷത്തേതിനു സമാനമായി ഇത്തവണയും പെണ്‍പുലികള്‍ നഗരം കീഴടക്കാനിറങ്ങിയിട്ടുണ്ട്. ആറു വയസുള്ള കുട്ടിപുലികള്‍ മുതല്‍ 'സിക്‌സ് പാക്ക്' പുലികളും ഇത്തവണ കൗതുക കാഴ്ചയൊരുക്കുന്നുണ്ട്. രാവിലെ മുതല്‍ ചായം പൂശുന്നതുള്‍പ്പെടെയുള്ള ഒരുക്കങ്ങള്‍ ആരംഭിച്ച പുലിക്കൂട്ടങ്ങള്‍ റോഡിലേക്കെത്തിയതോടെ റോഡിനിരുവശവും ജനങ്ങള്‍ തിങ്ങിക്കൂടിയിരിക്കുകയാണ്.

സ്വരാജ് റൗണ്ടില്‍ മൂന്നിടത്താണ് പുലിസംഘങ്ങള്‍ മികച്ച പ്രകടനം കാഴ്ചവെക്കേണ്ടത്. ഇവിടെയാണ് മാര്‍ക്കിടാന്‍ ആളുകളുണ്ടാവുക. ഒന്നാം സമ്മാനത്തിന് കോര്‍പ്പറേഷന്‍ നാല്‍പ്പതിനായിരം രൂപയാണ് സമ്മാനം നല്‍കുന്നത്. ഓരോ സംഘവും നിശ്ചല ദൃശ്യങ്ങളും ഒരുക്കിയിട്ടുണ്ട്.

അഞ്ചുമണിയോടെയാണ് പുലികള്‍ നഗരത്തിലെത്തിയതെങ്കിലും ഉച്ഛകഴിഞ്ഞതോടെ തന്നെ നഗരത്തില്‍ പുലിക്കളി കാണാനെത്തിയവരെക്കൊണ്ട് നിറഞ്ഞിരുന്നു.

 

Read more topics: onam, closing ceremony,
English summary
onam closing ceremony
topbanner

More News from this section

Subscribe by Email