Tuesday July 14th, 2020 - 6:16:am

മുസ്ലിം ലീഗ് വൈറസല്ല; ആന്റിവൈറസാണെന്ന് കുഞ്ഞാലിക്കുട്ടി

JB
മുസ്ലിം ലീഗ് വൈറസല്ല; ആന്റിവൈറസാണെന്ന് കുഞ്ഞാലിക്കുട്ടി

മലപ്പുറം: മുസ്ലീം ലീഗിനെതിരായ ഉത്തര്‍ പ്രദേശ് മുഖ്യമന്ത്രി യോഗി ആദ്യത്യനാഥിന്റെ പരാമര്‍ശത്തിനെതിരെ മറുപടിയുമായി മുസ്ലീം ലീഗ് ദേശീയ ജനറല്‍ സെക്രട്ടറി പി കെ കുഞ്ഞാലിക്കുട്ടി. മുസ്ലീം ലീഗ് വൈറസല്ല, ആന്റി വൈറസാണെന്ന് കുഞ്ഞാലിക്കുട്ടി പറഞ്ഞു. വര്‍ഗീയ കക്ഷികള്‍ക്കെതിരെ പലപ്പോഴും സിപിഎം പോലും ലീഗിന്റെ ഇടപെടന്‍ ആവശ്യപ്പെട്ടിട്ടുണ്ടെന്നും വര്‍ഗീയ കലാപങ്ങളുടെ സമയത്ത് ലീഗിന്റെ ഇടപെടല്‍ പ്രശംസിക്കപ്പെട്ടിട്ടുണ്ടെന്നും കുഞ്ഞാലിക്കുട്ടി പറഞ്ഞു.

കേരളഓണ്‍ലൈന്‍ വാര്‍ത്തകള്‍ ടെലിഗ്രാമില്‍ ലഭിക്കാന്‍ ക്ലിക്ക് ചെയ്യുക

ഇന്ത്യന്‍ യൂണിയന്‍ മുസ്ലീം ലീഗ് രാജ്യത്ത് തെരഞ്ഞെടുപ്പ് കമ്മീഷന്‍ അംഗീകരിച്ച പാര്‍ട്ടിയാണെന്ന് കുഞ്ഞാലിക്കുട്ടി വ്യക്തമാക്കി. ഇത്തരമൊരു പ്രയോഗം നടത്തിയത് ശരിയല്ലെന്നും പ്രസ്താവനയ്‌ക്കെതിരെ തെരഞ്ഞെടുപ്പ് കമ്മീഷന് പരാതി നല്‍കുമെന്നും കുഞ്ഞാലിക്കുട്ടി പറഞ്ഞു. എല്ലാ കാലത്തും വര്‍ഗീയ പാര്‍ട്ടികള്‍ക്കെതിരെ നിലപാടെടുത്തിട്ടുള്ള പാര്‍ട്ടിയാണ് ലീഗെന്നും വൈറസ് ആരാണെന്ന് താന്‍ പറയുന്നില്ലെന്നും കുഞ്ഞാലിക്കുട്ടി വ്യക്തമാക്കി.

വയനാട്ടിലെ തെരഞ്ഞെടുപ്പ് പ്രചാരണവുമായി ബന്ധപ്പെട്ട് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയെ വിമര്‍ശിച്ച് സംസാരിക്കുമ്പോഴായിരുന്നു ഉത്തര്‍ പ്രദേശ് മുഖ്യമന്ത്രി യോഗി ആദിത്യനാഥ് ലീഗിനെ അധിക്ഷേപിച്ച് സംസാരിച്ചത്. മുസ്ലിം ലീഗ് കോണ്‍ഗ്രസിനെ ബാധിച്ച വൈറസാണെന്നും വയനാട്ടില്‍ രാഹുല്‍ ഗാന്ധി ജയിച്ചാല്‍ വൈറസ് രാജ്യമെങ്ങും ബാധിക്കുമെന്നുമായിരുന്നു യോഗിയുടെ വിവാദപ്രസ്താവന.

യോഗി ആദിത്യനാഥിന്റെ വാക്കുകള്‍ക്കെതിരെ കോണ്‍ഗ്രസും രംഗത്തെത്തിയിരുന്നു. പ്രസ്താവനയെ നിയമപരമായി നേരിടാനുള്ള നീക്കത്തിലാണ് ലീഗ്.

 

English summary
muslim leagu is anti virus says kunjalikutty
topbanner

More News from this section

Subscribe by Email