Monday October 21st, 2019 - 3:24:am
topbanner

പി.എസ്.സി. പരീക്ഷാ തട്ടിപ്പ്: സര്‍ക്കാരും പി.എസ്.സി.യും അന്വേഷണം അട്ടിമറിക്കുന്നുവെന്ന് കെ.എസ്.യു

JB
പി.എസ്.സി. പരീക്ഷാ തട്ടിപ്പ്: സര്‍ക്കാരും പി.എസ്.സി.യും അന്വേഷണം അട്ടിമറിക്കുന്നുവെന്ന് കെ.എസ്.യു

തിരുവനന്തപുരം: പി.എസ്.സി. പരീക്ഷാ തട്ടിപ്പ് സംബന്ധിച്ച അന്വേഷണം സംസ്ഥാന സര്‍ക്കാരും പി.എസ്.സി.യും അട്ടിമറിക്കുകയാണെന്ന് കെ.എസ്.യു. സംസ്ഥാന പ്രസിഡന്റ് കെ.എം.അഭിജിത്ത്. ചോദ്യപേപ്പര്‍ ആരാണ് എത്തിച്ചതെന്ന് പോലും കണ്ടെത്താന്‍ ഇതുവരെ അന്വേഷണ സംഘത്തിന് കഴിഞ്ഞിട്ടില്ലെന്നും അന്വേഷണം നാലോ അഞ്ചോ പേരിലേക്ക് ഒതുങ്ങുകയാണെന്നും അഭിജിത്ത് പറഞ്ഞു.

കേരളഓണ്‍ലൈന്‍ വാര്‍ത്തകള്‍ ടെലിഗ്രാമില്‍ ലഭിക്കാന്‍ ക്ലിക്ക് ചെയ്യുക

തട്ടിപ്പിന്റെ പൂര്‍ണ ഉത്തരവാദിത്തം പി.എസ്.സി. ചെയര്‍മാനാണെന്നും അഭിജിത്ത് ആരോപിച്ചു. തെളിവുകള്‍ നശിപ്പിക്കാന്‍ പി.എസ്.സി. കൂട്ടുനില്‍ക്കുകയാണെന്നും അഭിജിത്ത് പറഞ്ഞു. ഉത്തരങ്ങള്‍ അയക്കാന്‍ ഉപയോഗിച്ച ഫോണ്‍ കണ്ടെത്താന്‍ പോലും ക്രൈം ബ്രാഞ്ചിന് കഴിഞ്ഞിട്ടില്ലെന്നും അഭിജിത്ത് കുറ്റപ്പെടുത്തി. സുതാര്യമായ അന്വേഷണം ഉറപ്പുവരുത്തണമെന്നും അദ്ദേഹം ആവശ്യപ്പെട്ടു.

അതിനിടെ, പരീക്ഷയ്ക്കിടെ പ്രതികള്‍ കൈമാറിയ എസ്.എം.എസുകളുടെയും ഫോണ്‍ വിളികളുടെയും രേഖകള്‍ ക്രൈംബ്രാഞ്ചിന് ലഭിച്ചു. ഹൈടെക് സെല്ലിന്റെ ശാസ്ത്രീയ പരിശോധനയിലാണ് രേഖകള്‍ ലഭിച്ചത്. മൊബൈല്‍ ഫോണുകള്‍ നശിപ്പിച്ചിട്ടും പരീക്ഷ നടന്ന ദിവസം അയച്ച എസ്.എം.എസുകള്‍ ഹൈടെക് സെല്‍ കണ്ടെത്തുകയായിരുന്നു.

Read more topics: ksu, react on psc issue ,
English summary
ksu react on psc issue
topbanner

More News from this section

Subscribe by Email