Friday August 7th, 2020 - 1:06:am

എച്ച് 1 എന്‍ 1 പനിയില്‍ ജാഗ്രത പാലിക്കണമെന്ന് ആരോഗ്യമന്ത്രി കെ കെ ശൈലജ

JB
 എച്ച് 1 എന്‍ 1 പനിയില്‍ ജാഗ്രത പാലിക്കണമെന്ന് ആരോഗ്യമന്ത്രി കെ കെ ശൈലജ

തിരുവനന്തപുരം: സംസ്ഥാനത്ത് ചിലയിടങ്ങളില്‍ എച്ച്1 എന്‍ 1 റിപ്പോര്‍ട്ട് ചെയ്ത സാഹചര്യത്തില്‍ ജാഗ്രത പാലിക്കണമെന്ന് ആരോഗ്യമന്ത്രി കെ കെ ശൈലജ അറിയിച്ചു. പനി, ജലദോഷം, ചുമ, ശരീരവേദന, തൊണ്ടവേദന, വിറയല്‍, ക്ഷീണം, ശ്വാസം മുട്ടല്‍ തുടങ്ങിയവയാണ് എച്ച് 1 എന്‍ 1 പനിയുടെ ലക്ഷണങ്ങള്‍.

കേരളഓണ്‍ലൈന്‍ വാര്‍ത്തകള്‍ ടെലിഗ്രാമില്‍ ലഭിക്കാന്‍ ക്ലിക്ക് ചെയ്യുക

ജലദോഷപ്പനിയോട് സാമ്യമുള്ള എച്ച് 1 എന്‍ 1 പനിക്ക് കൃത്യസമയത്ത് ഡോക്ടറുടെ സേവനം തേടുകയും ശരിയായ ചികിത്സ ഉറപ്പുവരുത്തുകയും വേണം. വായുവില്‍ കൂടി പകരുന്ന രോഗമായതിനാല്‍ കൂടുതല്‍ ശ്രദ്ധ ആവശ്യമാണ്. പ്രമേഹം, ഹൃദ്രോഗം, ഉയര്‍ന്ന രക്തസമ്മര്‍ദ്ദം തുടങ്ങിയ ആരോഗ്യപ്രശ്‌നങ്ങള്‍ ഉള്ളവരും ഗര്‍ഭിണികളും പ്രതിരോധശേഷി കുറഞ്ഞവരും പ്രത്യേകം ശ്രദ്ധിക്കേണ്ടതുണ്ട്.

എച്ച് 1 എന്‍ 1 ബാധിച്ചതിനെ തുടര്‍ന്ന് കൊല്ലത്ത് ഇന്ന് ഒരാള്‍ മരിച്ചിരുന്നു. കൊല്ലം ജില്ലയുടെ അതിര്‍ത്തി പ്രദേശമായ പാരിപ്പള്ളി സ്വദേശിനി ആമിനയാണ് മരണപ്പെട്ടത്. രണ്ട് ദിവസം സ്വകാര്യ ആശുപത്രിയില്‍ ചികിത്സയിലായിരുന്ന ആമിന മരണപ്പെട്ടത് എച്ച് 1 എന്‍ 1 ബാധിച്ചാണെന്ന് സ്ഥിരീകരിക്കുകയായിരുന്നു. ഇതോടെയാണ് പ്രതിരോധ പ്രവര്‍ത്തനങ്ങള്‍ ആരോഗ്യവകുപ്പ് ഊര്‍ജ്ജിതമാക്കിയത്.

കഴിഞ്ഞ വര്‍ഷം കൊല്ലം ജില്ലയില്‍ മാത്രം എച്ച് 1 എന്‍ 1 ബാധിച്ച് പത്ത് പേരാണ് മരണപ്പെട്ടത്. ഇതില്‍ പലരും സ്വയം ചികിത്സ നടത്താന്‍ ശ്രമിച്ചതും ആശുപത്രിയിലെത്താന്‍ വൈകിയതുമാണ് മരണത്തിനിടയാക്കിയത്.

 

Read more topics: h1n1, alert, from, health, minister, kerala,
English summary
h1n1 alert from health minister kerala
topbanner

More News from this section

Subscribe by Email