Friday July 19th, 2019 - 2:10:pm
topbanner
topbanner

ശബരിമല വിശ്വാസികളുടെ സര്‍ക്കാര്‍ വിരുദ്ധ വികാരം തിരിച്ചടിയായെന്ന് സിപിഐ റിപ്പോര്‍ട്ട്

JB
ശബരിമല വിശ്വാസികളുടെ സര്‍ക്കാര്‍ വിരുദ്ധ വികാരം തിരിച്ചടിയായെന്ന് സിപിഐ റിപ്പോര്‍ട്ട്

തിരുവനന്തപുരം: ലോക്സഭാ തെരഞ്ഞടുപ്പില്‍ ശബരിമല വിഷയം തിരിച്ചടിയായെന്ന് സിപിഐ. വിശ്വാസികളുടെ സര്‍ക്കാര്‍ വിരുദ്ധ വികാരം തെരഞ്ഞടുപ്പില്‍ പ്രതിഫലിച്ചെന്നും സിപിഐ പറയുന്നു. സംസ്ഥാന എക്സിക്യൂട്ടീവില്‍ അവതരിപ്പിച്ച റിപ്പോര്‍ട്ടിലാണ് വിമര്‍ശനം

സുപ്രീം കോടതി വിധി നടപ്പാക്കിയതിലൂടെ സവര്‍ണ ഹിന്ദുക്കള്‍ സര്‍ക്കാരിനെതിരായി. കൂടാതെ ന്യൂനപക്ഷ ഏകീകരണവും തോല്‍വിക്ക് കാരണമായി. മോദി പേടിയില്‍ ന്യൂനപക്ഷങ്ങള്‍ കോണ്‍ഗ്രസില്‍ വിശ്വാസമര്‍പ്പിച്ചെന്നും സിപിഐ റിപ്പോര്‍ട്ടില്‍ പറയുന്നു.

തെരഞ്ഞടുപ്പ് തോല്‍വിക്ക് കാരണം ശബരിമലയല്ലെന്ന് മുഖ്യമന്ത്രി പിണറായി വിജയന്‍ ആവര്‍ത്തിച്ചിരുന്നു. ഇത് ശരിവെക്കുന്ന നിലപാടായിരുന്നു സിപിഐ സംസ്ഥാന സെക്രട്ടറി കാനം രാജേന്ദ്രന്റെതും. പ്രധാനകാരണം ശബരിമലയായിരുന്നില്ലെന്ന് പറഞ്ഞ കാനം തിരിച്ചടി താത്ക്കാലികം മാത്രമാണെന്നും അഭിപ്രായപ്പെട്ടിരുന്നു.

സംസ്ഥാനത്ത് മത്സരിച്ച ഒരു സ്ഥലത്ത് പോലും ഇത്തവണ സിപിഐക്ക് വിജയിക്കാനായില്ലെന്ന് മാത്രമല്ല, വോട്ടിംഗ് ശതമാനത്തില്‍ ഗണ്യമായ കുറവും ഉണ്ടായിരുന്നു.

English summary
cpi report aganist kerala government
topbanner

More News from this section

Subscribe by Email