Wednesday October 16th, 2019 - 5:28:pm
topbanner

ലോക്നാഥ് ബെഹ്റയെ എന്‍ഐഎ പുറത്താക്കിയത്; പൊലീസിലെ സാമ്പത്തിക ഇടപാടുകള്‍ അന്വേഷിക്കണമെന്ന് കോണ്‍ഗ്രസ്

JB
ലോക്നാഥ് ബെഹ്റയെ എന്‍ഐഎ പുറത്താക്കിയത്; പൊലീസിലെ സാമ്പത്തിക ഇടപാടുകള്‍ അന്വേഷിക്കണമെന്ന് കോണ്‍ഗ്രസ്

കെപിസിസി അധ്യക്ഷന്‍ മുല്ലപ്പള്ളി രാമചന്ദ്രനെതിരെ മാന നഷ്ടക്കേസ് നല്‍കാന്‍ അനുമതി തേടിയ പൊലീസ് മേധാവി ലോക്നാഥ് ബെഹ്റയ്ക്ക് എതിരെ കോണ്‍ഗ്രസ് നേതാക്കള്‍. ഡിജിപിയുടെ അപേക്ഷയില്‍ പ്രോസിക്യൂഷന്‍ നടപടി എടുക്കാന്‍ സര്‍ക്കാര്‍ അനുമതി നല്‍കിയതോടെയാണ് രൂക്ഷ ആരോപണവുമായി കോണ്‍ഗ്രസ് നേതാക്കള്‍ രംഗത്ത് വന്നിരിക്കുന്നത്. ഡിജിപി ലോക്നാഥ് ബെഹ്റയെ എന്‍ഐഎ പുറത്താക്കിയതാണെന്ന് കോണ്‍ഗ്രസ് നേതാവ് ജ്യോതികുമാര്‍ ചാമക്കാല ആരോപിച്ചു.

കേരളഓണ്‍ലൈന്‍ വാര്‍ത്തകള്‍ ടെലിഗ്രാമില്‍ ലഭിക്കാന്‍ ക്ലിക്ക് ചെയ്യുക

ഡേവിഡ് കോള്‍മാന്‍ ഹെഡ്ലിയെ ചോദ്യം ചെയ്യാന്‍ അമേരിക്കയില്‍ പോയതിന് പിന്നാലെയായിരുന്നു നടപടി. എന്‍ഐഎയില്‍ നിന്ന് പുറത്തുവരാനുണ്ടായ സാഹചര്യം ബെഹ്റ വ്യക്തമാക്കണമെന്നും ജ്യോതികുമാര്‍ ചാമക്കാല ആവശ്യപ്പെട്ടു. ബെഹ്റ ചുമതലയേറ്റതിന് ശേഷമുള്ള പൊലീസിലെ സാമ്പത്തിക ഇടപാടുകള്‍ അന്വേഷിക്കണമെന്നും ജ്യോതികുമാര്‍ ആവശ്യപ്പെട്ടു.

ബെഹ്റയ്ക്ക് എതിരായ മുല്ലപ്പള്ളിയുടെ പ്രസ്താവന നൂറുശതമാനം ശരിയാണെന്ന് രാജ്മോഹന്‍ ഉണ്ണിത്താന്‍ എംപി പറഞ്ഞു. ബെഹ്റയെ നന്നായി അറിയുന്നതുകൊണ്ടാണ് കെ മുരളീധരന്‍ കടുപ്പിച്ചു പറഞ്ഞതെന്നും അദ്ദേഹം കൂട്ടിച്ചേര്‍ത്തു.

ഡിജിപി ലോക്നാഥ് ബെഹ്റ സിപിഎം ബ്രാഞ്ച് സെക്രട്ടറിയെപ്പോലെ പെരുമാറുന്നു എന്ന വിമര്‍ശനത്തിന്റെ പേരിലാണ് കെപിസിസി അധ്യക്ഷനെ പ്രോസിക്യൂട്ട് ചെയ്യാന്‍ ഡിജിപിക്ക് സര്‍ക്കാര്‍ അനുമതി നല്‍കിയത്.

Read more topics: congress, aganist loknath behra,
English summary
congress aganist loknath behra
topbanner

More News from this section

Subscribe by Email