Friday August 23rd, 2019 - 1:59:am
topbanner
topbanner

'നമുക്കു വേണ്ടി ജീവന്‍ ത്യജിച്ച ആ പോരാളിയുടെ ധീരതയ്ക്ക് ഹൃദയത്താല്‍ സല്യൂട്ട്'; രാജ്യം ലിനുവിന്റെ ധീരതയെ ആദരിക്കണമെന്ന് ശ്രീകുമാര്‍ മേനോന്‍

JB
'നമുക്കു വേണ്ടി ജീവന്‍ ത്യജിച്ച ആ പോരാളിയുടെ ധീരതയ്ക്ക് ഹൃദയത്താല്‍ സല്യൂട്ട്'; രാജ്യം ലിനുവിന്റെ ധീരതയെ ആദരിക്കണമെന്ന് ശ്രീകുമാര്‍ മേനോന്‍

നമുക്കു വേണ്ടി ജീവന്‍ ത്യജിച്ച ആ പോരാളിയുടെ ധീരതയ്ക്ക് ഹൃദയത്താല്‍ സല്യൂട്ട്- രാജ്യം ലിനുവിന്റെ ധീരതയെ ആദരിക്കണമെന്ന് സംവിധായകന്‍ വി.എ ശ്രീകുമാര്‍ മേനോന്‍ ഫേസ്ബുക്കില്‍ കുറിച്ചു. ഏറെ സങ്കടപ്പെടുത്തുന്നതാണ് ലിനുവിന്റെ ത്യാഗം. വെള്ളപ്പൊക്കത്തില്‍ നിന്നും കോഴിക്കോട് ചെറുവണ്ണൂരിലെ ആശ്വാസ ക്യാംപില്‍ അമ്മയ്ക്കും അച്ഛനുമൊപ്പം അഭയം തേടിയ ലിനു പക്ഷെ, സ്വന്തം ജീവന്‍ രക്ഷപെട്ടല്ലോ എന്നോര്‍ത്ത് സമാധാനിക്കുകയല്ല ചെയ്തത്. 34 വയസുള്ള ആ സഹോദരന്‍, വെള്ളപ്പൊക്കത്തില്‍ ഒറ്റപ്പെട്ടു പോയവരെ രക്ഷിക്കാന്‍ പോയവര്‍ക്കൊപ്പം ചേര്‍ന്നു. രക്ഷാപ്രവര്‍ത്തകനായി. ചാലിയാര്‍ കരകവിഞ്ഞ് ഒറ്റപ്പെട്ട ഭാഗത്തായിരുന്നു ലിനുവും സംഘവും രക്ഷാപ്രവര്‍ത്തനം നടത്തിയത്. പലരുടെയും ജീവന്‍ രക്ഷിച്ച് ആ സംഘം മടങ്ങിയപ്പോള്‍ ലിനുവിന്റെ ജീവന്‍ ത്യജിക്കപ്പെട്ടു കഴിഞ്ഞിരുന്നു. നിപ്പയുടെ കാലത്ത് ലിനി!

പ്രളയത്തില്‍ ലിനു! രണ്ട് മഹത്തായ ജീവത്യാഗങ്ങള്‍ കോഴിക്കോട് നിന്ന് എന്ന യാദൃശ്ചികത കൂടുതല്‍ സങ്കടപ്പെടുത്തുന്നുവെന്നും ശ്രീകുമാര്‍ മേനോന്‍ ഫേസ്ബുക്കില്‍ കുറിച്ചിരിക്കുകയാണ്.

ശ്രീകുമാര്‍ മേനോന്റെ കുറിപ്പ് വായിക്കാം :

'ഏറെ സങ്കടപ്പെടുത്തുന്നതാണ് ലിനുവിന്റെ ത്യാഗം. വെള്ളപ്പൊക്കത്തില്‍ നിന്നും കോഴിക്കോട് ചെറുവണ്ണൂരിലെ ആശ്വാസ ക്യാംപില്‍ അമ്മയ്ക്കും അച്ഛനുമൊപ്പം അഭയം തേടിയ ലിനു പക്ഷെ, സ്വന്തം ജീവന്‍ രക്ഷപെട്ടല്ലോ എന്നോര്‍ത്ത് സമാധാനിക്കുകയല്ല ചെയ്തത്. 34 വയസുള്ള ആ സഹോദരന്‍, വെള്ളപ്പൊക്കത്തില്‍ ഒറ്റപ്പെട്ടു പോയവരെ രക്ഷിക്കാന്‍ പോയവര്‍ക്കൊപ്പം ചേര്‍ന്നു. രക്ഷാപ്രവര്‍ത്തകനായി. ചാലിയാര്‍ കരകവിഞ്ഞ് ഒറ്റപ്പെട്ട ഭാഗത്തായിരുന്നു ലിനുവും സംഘവും രക്ഷാപ്രവര്‍ത്തനം നടത്തിയത്. പലരുടെയും ജീവന്‍ രക്ഷിച്ച് ആ സംഘം മടങ്ങിയപ്പോള്‍ ലിനുവിന്റെ ജീവന്‍ ത്യജിക്കപ്പെട്ടു കഴിഞ്ഞിരുന്നു. നിപ്പയുടെ കാലത്ത് ലിനി! പ്രളയത്തില്‍ ലിനു! രണ്ട് മഹത്തായ ജീവത്യാഗങ്ങള്‍ കോഴിക്കോട് നിന്ന് എന്ന യാദൃശ്ചികത കൂടുതല്‍ സങ്കടപ്പെടുത്തുന്നു. ജീവന്‍ മറന്ന് രക്ഷാപ്രവര്‍ത്തനം നടത്തുന്ന സഹോദരങ്ങളേ... പ്രിയ ലിനു... പ്രാര്‍ത്ഥിക്കുന്നു. ലിനുവിന്റെ അമ്മ ലതയും അച്ഛന്‍ സുബ്രഹ്മണ്യനും നമ്മുടേത് കൂടിയാണ്. നമുക്കു വേണ്ടി ജീവന്‍ ത്യജിച്ച ആ പോരാളിയുടെ ധീരതയ്ക്ക് ഹൃദയത്താല്‍ സല്യൂട്ട്- രാജ്യം ലിനുവിന്റെ ധീരതയെ ആദരിക്കണം.'

 

Read more topics: SREEKUMAR MENON, REMEBERING LINU,
English summary
SREEKUMAR MENON REMEBERING LINU
topbanner

More News from this section

Subscribe by Email