Friday July 10th, 2020 - 5:57:am

പ്രസിഡന്റിനെ വിമര്‍ശിക്കുന്ന ഓഡിയോ ചോര്‍ന്നതിനെ തുടര്‍ന്ന് യുക്രൈന്‍ പ്രധാനമന്ത്രി രാജിവച്ചു

suji
പ്രസിഡന്റിനെ വിമര്‍ശിക്കുന്ന ഓഡിയോ ചോര്‍ന്നതിനെ തുടര്‍ന്ന് യുക്രൈന്‍ പ്രധാനമന്ത്രി രാജിവച്ചു

പ്രസിഡന്റിനെ വിമര്‍ശിക്കുന്ന ഓഡിയോ ചോര്‍ന്നതിനെ തുടര്‍ന്ന് യുക്രൈന്‍ പ്രധാനമന്ത്രി ഒലക്‌സി ഹൊഞ്ചരുക് രാജിവെച്ചു. എന്നാല്‍ പ്രസിഡന്റ് വ്‌ളാഡിമിര്‍ സെലെന്‍സ്!കി രാജി സ്വീകരിച്ചില്ല.

കേരളഓണ്‍ലൈന്‍ വാര്‍ത്തകള്‍ ടെലിഗ്രാമില്‍ ലഭിക്കാന്‍ ക്ലിക്ക് ചെയ്യുക

പ്രസിഡന്റ് വ്‌ളാഡിമിര്‍ സെലെന്‍സ്‌കിക്കെതിരെ മോശം പരാമര്‍ശം നടത്തുന്ന ഹൊഞ്ചരുക്കിന്റെ ഓഡിയോ ടേപ്പ് പുറത്തുവന്നിരുന്നു. പ്രസിഡന്റിന് രാഷ്ട്രീയത്തില്‍ മുന്‍പരിചയമില്ലെന്നും സാമ്പത്തികരംഗത്തെക്കുറിച്ച് ഒന്നും അറിയില്ലെന്നും ഹൊഞ്ചരുക് പറയുന്ന ഓഡിയോയാണ് പുറത്തുവന്നത്. ടെലിവിഷന്‍ സീരീസുകളില്‍ പ്രസിഡന്റായി അഭിനയിച്ച സെലന്‍സ്‌കി കഴിഞ്ഞ തിരഞ്ഞെടുപ്പില്‍ വിജയിച്ചാണ് യുക്രൈന്‍ പ്രസിഡന്റായത്. ഇത് സൂചിപ്പിച്ചാണ് ഹൊഞ്ചരുക്കിന്റെ പ്രസ്താവനയെന്നാണ് ആക്ഷേപം ഉയര്‍ന്നത്.ഓഡിയോ വിവാദമായതോടെ ഹൊഞ്ചരുക് രാജിക്കത്ത് നല്‍കുകയായിരുന്നു. പ്രസിഡന്റിന് രാജിക്കത്ത് നല്‍കിയെന്ന് ഫേസ്ബുക്കിലൂടെയാണ് ഹൊഞ്ചരുക് രാജ്യത്തെ അറിയിച്ചത്. തന്റെ രാജി പാര്‍ലമെന്റില്‍ വെക്കാന്‍ അദ്ദേഹം പ്രസിഡന്റിനോട് അഭ്യര്‍ഥിച്ചു.

എന്നാല്‍ ഹൊഞ്ചരുക്കിന്റെ രാജി സ്വീകരിക്കാന്‍ പ്രസിഡന്റ് സെലന്‍സ്‌കി തയ്യാറായില്ല. രാജിക്കത്ത് പരിഗണിക്കാം എന്നായിരുന്നു സെലന്‍സ്‌കി ആദ്യം പറഞ്ഞത്. പിന്നീട് യുക്രൈന്‍ പാര്‍ലമെന്റിന്റെ അധോസഭയായ വെര്‍ഖോവ്‌ന റാഡ ചേര്‍ന്ന് ചര്‍ച്ച നടത്തിയ ശേഷം രാജി നിരസിക്കാന്‍ തീരുമാനിക്കുകയായിരുന്നു.

ഇപ്പോഴത്തെ പ്രശ്‌നങ്ങള്‍ പരിഹരിക്കാന്‍ പ്രധാനമന്ത്രിക്കും മന്ത്രിസഭയ്ക്കും ഒരവസരം കൂടി നല്‍കുകയാണെന്ന് ഹൊഞ്ചരുക്കിനോട് പറയുന്ന ഒരു വീഡിയോ സന്ദേശവും പ്രസിഡന്റ് സെലന്‍സ്‌കി പുറത്തുവിട്ടു. വിവാദ ഓഡിയോയുടെ സത്യാവസ്ഥ രണ്ടാഴ്ചയ്ക്കകം കണ്ടെത്തണമെന്നാണ് പ്രസിഡന്റ് നിര്‍ദേശിച്ചിരിക്കുന്നത്. ആരാണ് ഇത് ചെയ്!തതെന്ന് അന്വേഷണ ഉദ്യോഗസ്ഥര്‍ കണ്ടെത്തുമെന്നും സെലന്‍സ്‌കി പറഞ്ഞു.
ഒരു ഔദ്യോഗിക യോഗത്തിലെ ചെറിയൊരു ഭാഗം മാത്രമാണ് ഓഡിയോയിലുള്ളതെന്നും താന്‍ പ്രസിഡന്റിനെ നിഷേധിക്കുന്നയാളാണെന്ന് ചിലര്‍ നടത്തിയ നീക്കമാണിതെന്നുമാണ് ഹൊഞ്ചരുക് പറഞ്ഞത്. എന്നാല്‍ ഇതില്‍ തൃപ്!തരാകാതെ പ്രതിപക്ഷം രാജി ആവശ്യപ്പെട്ടിരുന്നു. തുടര്‍ന്നാണ് ഹൊഞ്ചരുക് രാജിക്കത്ത് നല്‍കിയത്.

 

 

Read more topics: ukraine president, pm ,resignation
English summary
ukraine president rejects pm resignation
topbanner

More News from this section

Subscribe by Email