സിഡ്നി: സ്വവർഗ പ്രണയത്തെക്കുറിച്ച് വീണ്ടും വിവാദ പരാമർശങ്ങളുമായി ഓസ്ട്രേലിയയിലെ പ്രമുഖ റഗ്ബി താരം. സ്വവർഗ രതിയും ഗർഭച്ഛിദ്രവും നിയമവിധേയമാക്കിയതാണ് ഓസ്ട്രേലിയയിൽ രൂക്ഷമായ കാട്ടുതീയ്ക്ക് ഇടയാക്കിയതെന്ന റഗ്ബി താരം ഇസ്രായേൽ ഫോലാവൂവിന്റെ പരാമര്‍ശമാണ് ഇപ്പോൾ വിവാദങ്ങൾക്കിടയാക്കിയിരിക്കുന്നത്.
സ്വവർഗ വിവാഹങ്ങൾക്കും ഗർഭച്ഛിദ്രത്തിനും ദൈവം നൽകിയ വിധിയാണ് കാട്ടുതീ എന്നായിരുന്നു ഫേലാവൂന്റെ പ്രസ്താവന. ട്രൂത്ത് ഓഫ് ജീസസ് ക്രെസ്റ്റ് ചർച്ച് സിഡ്നിയുടെ സോഷ്യൽ മീഡിയ പേജിൽ പോസ്റ്റ് ചെയ്ത ഒരു വീഡിയോ സന്ദേശത്തിലാണ് ഇത്തരം വിവാദ പരാമർശങ്ങൾ. 'കാട്ടുതീയും വരൾച്ചയും എത്ര വേഗമാണ് വരുന്നതെന്ന് നോക്കു.. ഇത് യാദൃശ്ചികമാണെന്നാണോ കരുതുന്നത്.. ദൈവം നിങ്ങളോട് സംസാരിക്കുകയാണ്.. നിങ്ങൾ പശ്ചാത്തപിക്കു ഓസ്ട്രേലിയ..' എന്നായിരുന്നു വാക്കുകൾ.
കേരളഓണ്‍ലൈന്‍ വാര്‍ത്തകള്‍ ടെലിഗ്രാമില്‍ ലഭിക്കാന്‍ ക്ലിക്ക് ചെയ്യുക
.jpg){kind=logo}
