Tuesday October 15th, 2019 - 7:04:am
topbanner

ഗൂഗിളിന്റെ നിര്‍മിത ബുദ്ധി; ഇനി മരണ സാധ്യതയും ഗൂഗിള്‍ പ്രവചിക്കും

akhila
ഗൂഗിളിന്റെ നിര്‍മിത ബുദ്ധി; ഇനി മരണ സാധ്യതയും ഗൂഗിള്‍ പ്രവചിക്കും


ന്യൂയോര്‍ക്ക്: ഗൂഗിളിന്റെ നിര്‍മിത ബുദ്ധി ഉപയോഗിച്ച് ഇനി മരണ സാധ്യതയും പ്രവചിക്കാനാകും.

കേരളഓണ്‍ലൈന്‍ വാര്‍ത്തകള്‍ ടെലിഗ്രാമില്‍ ലഭിക്കാന്‍ ക്ലിക്ക് ചെയ്യുക

എന്തിനെ കുറിച്ചറിയാനും ഗൂഗിള്‍ ഉപയോഗിക്കുന്നവരാണ് മനുഷ്യന്‍. ഒരു മനുഷ്യന്‍ മരിക്കുന്ന സമയവും ആയുസും മാത്രമേ ഗൂഗിളില്‍ നിന്ന് അറിയാന്‍ കഴിയാതിരുന്നുള്ളൂ. എന്നാല്‍ ഗൂഗിളിന്റെ നിര്‍മിത ബുദ്ധി (ആര്‍ട്ടിഫിഷ്യല്‍ ഇന്റലിജന്‍സ്) ഉപയോഗിച്ച് തയാറാക്കിയ യന്ത്രത്തിന്റെ സഹായത്തോടെ മരണ സാധ്യത വരെ മുന്‍കൂട്ടി പ്രവചിക്കാന്‍ കഴിയുമെന്നാണ് അവകാശപ്പെടുന്നത്.

രോഗബാധിതരായി ആശുപത്രിയില്‍ കഴിയുന്നവരുടെ മരണ സമയം പ്രവചിക്കാന്‍ ശേഷിയുള്ള യന്ത്രമാണ് ഗൂഗിള്‍ വികസിപ്പിച്ചിരിക്കുന്നത്. സ്തനാര്‍ബുദബാധിതയായി നഗരത്തിലെ ആശുപത്രിയില്‍ ചികിത്സ തേടിയെത്തിയ സ്ത്രീയിലാണ് ഗൂഗിള്‍ പ്രവചനം നടത്തിയത്.

ചികിത്സയിലിരിക്കെ ഈ സ്ത്രീ മരിക്കാന്‍ 9.3 ശതമാനം സാധ്യത മാത്രമാണുള്ളതെന്നാണ് ഡോക് ടര്‍മാര്‍ വിധിയെഴുതിയത്. ഗൂഗിള്‍ വികസിപ്പിച്ചെടുത്ത അല്‍ഗോരിതം അനുസരിച്ച് ഈ സ്ത്രീയുടെ 175,639 ഡാറ്റ പോയിന്റ്സ് മനസ്സിലാക്കിയതില്‍ മരിക്കാനുള്ള സാധ്യത 19.9 ശതമാനമാണെന്ന് ഗൂഗിള്‍ പ്രവചിക്കുകയും ഗൂഗിളിന്റെ പ്രവചനം ഫലിക്കുകയും ചെയ്തു. 

മരണം മാത്രമല്ല, ആശുപത്രിയില്‍ ചിലവഴിക്കേണ്ടി വരുന്ന ദിവസങ്ങളും മരിക്കാനുള്ള സാധ്യതകള്‍ തുടങ്ങിയവയെല്ലാം രോഗിയുടെ സാമ്പിളുകള്‍ പരിശോധിക്കുന്നതില്‍ നിന്ന് കണ്ടെത്താന്‍ സാധിക്കും. പ്രവചനം നടത്തിയതോടെ യന്ത്രത്തെ മനുഷ്യന്റെ മരണ സമയം കുറിക്കാന്‍ പരിശീലിപ്പിക്കുകയാണ് ഗൂഗിള്‍.

ചികിത്സയുടെ അടിസ്ഥാനത്തില്‍ മരണം സംബന്ധിച്ച കാര്യങ്ങള്‍ ലഭ്യമാക്കാന്‍ ആരോഗ്യ വകുപ്പ് നിരവധി പഠനം നടത്തിയിരുന്നെങ്കിലും ഇത് പ്രായോഗികമായിരുന്നില്ല.

 

Read more topics: Google, Predict
English summary
Google Is Training Machines To Predict When a Patient Will Die
topbanner

More News from this section

Subscribe by Email