Friday October 22nd, 2021 - 9:27:am

ഇതരസംസ്ഥാന തൊഴിലാളികളുടെ പലായനം: റിപ്പോര്‍ട്ട് തേടി സുപ്രീം കോടതി

JB
ഇതരസംസ്ഥാന തൊഴിലാളികളുടെ പലായനം: റിപ്പോര്‍ട്ട് തേടി സുപ്രീം കോടതി

ന്യൂഡല്‍ഹി: ലോക്ക് ഡൗണ്‍ ആറാം ദിവസത്തിലേക്കു കടന്നിരിക്കെ ഇതരസംസ്ഥാന തൊഴിലാളികള്‍ കൂട്ടപ്പലായനം ചെയ്യുന്ന സംഭവത്തില്‍ കേന്ദ്ര സര്‍ക്കാരിനോട് റിപ്പോര്‍ട്ട് തേടി സുപ്രീം കോടതി. ഇക്കാര്യത്തില്‍ സ്വീകരിച്ച നടപടികളെക്കുറിച്ച് നാളെ സ്ഥിതിവിവര റിപ്പോര്‍ട്ട് സമര്‍പ്പിക്കാനാണു കോടതി ഉത്തരവ്.

കേരളഓണ്‍ലൈന്‍ വാര്‍ത്തകള്‍ ടെലിഗ്രാമില്‍ ലഭിക്കാന്‍ ക്ലിക്ക് ചെയ്യുക

പരിഭ്രാന്തിയും ഭയവും മൂലം തൊഴിലാളികള്‍ പലായനം ചെയ്യുന്നതു കൊറോണ വൈറസിനേക്കാള്‍ വലിയ പ്രശ്നമായി മാറുകയാണെന്നു ചീഫ് ജസ്റ്റിസ് എസ്.എ.ബോബ്‌ഡെ, ജസ്റ്റിസ് എല്‍.നാഗേശ്വര റാവു എന്നിവരടങ്ങിയ ബഞ്ച് നിരീക്ഷിച്ചു. അഭിഭാഷകരായ അലഖ് അലോക് ശ്രീവാസ്തവ, രശ്മി ബന്‍സാല്‍ എന്നിവര്‍ സമര്‍പ്പിച്ച രണ്ട് വ്യത്യസ്ത പൊതുതാൽപര്യ ഹര്‍ജികളാണു കോടതി പരിഗണിച്ചത്.

ലോക്ക്ഡൗണിനെത്തുടര്‍ന്ന് പരിഭ്രാന്തി മൂലം ആയിരക്കണക്കിന് ഇതരസംസ്ഥാന തൊഴിലാളികളാണു ഡല്‍ഹി ഉള്‍പ്പെടെയുള്ള സംസ്ഥാനങ്ങളില്‍നിന്ന് സ്വന്തം നാടുകളിലേക്കു തിരിച്ചുപോകുന്നത്. വാഹനവും ഭക്ഷണവും വെള്ളവും കിട്ടാതെ കാല്‍നടയായി കുട്ടികള്‍ ഉള്‍പ്പെടെയുള്ള ആയിരങ്ങള്‍ പൊള്ളുന്ന ചൂടില്‍ നൂറുകണക്കിനു കിലോമീറ്റര്‍ നടന്നുപോകുന്നതിന്റെ ദൃശ്യങ്ങള്‍ പുറത്തുവന്നു കൊണ്ടേയിരിക്കുകയാണ്. ഈ സാഹചര്യത്തിലാണു കോടതി ഇടപെടല്‍. കൂട്ടപ്പലായനം വൈറസ് വ്യാപനം തടയാനുള്ള നടപടികള്‍ക്കു തിരിച്ചടിയാകുമെന്ന അഭിപ്രായം പരക്കെ ഉയര്‍ന്നുകഴിഞ്ഞു.

English summary
supreme court want report on migrate issue
topbanner

More News from this section

Subscribe by Email