Wednesday April 1st, 2020 - 1:17:am
topbanner

രാജ്യതലസ്ഥാനത്ത് ക്രമസമാധാനം പരിപാലിക്കുന്നതില്‍ കേന്ദ്രസര്‍ക്കാര്‍ പരാജയപ്പെട്ടു ; രൂക്ഷ വിമര്‍ശനവുമായി ശിവസേന

suji
രാജ്യതലസ്ഥാനത്ത് ക്രമസമാധാനം പരിപാലിക്കുന്നതില്‍ കേന്ദ്രസര്‍ക്കാര്‍ പരാജയപ്പെട്ടു ; രൂക്ഷ വിമര്‍ശനവുമായി ശിവസേന

ഡല്‍ഹിയില്‍ കലാപം ശമിക്കാത്ത് സാഹചര്യത്തില്‍ അക്രമസംഭവങ്ങള്‍ നിയന്ത്രണവിധേയമാക്കുന്നതില്‍ കേന്ദ്രസര്‍ക്കാരിന്റെ പരാജയത്തെ രൂക്ഷമായി വിമര്‍ശിച്ച് ശിവസേന. 20 പേരുടെ മരണത്തിനിടയാക്കിയ, മൂന്ന് ദിവസമായി തുടരുന്ന കലാപം നിയന്ത്രിക്കാന്‍ കേന്ദ്രസര്‍ക്കാരിനോ മന്ത്രിസഭയ്‌ക്കോ കഴിയുന്നില്ലെന്ന് ശിവസേന മുഖപത്രമായ സാംനയിലൂടെ കുറ്റപ്പെടുത്തി. അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് ഇന്ത്യ സന്ദര്‍ശിക്കുന്ന സമയത്തും രാജ്യതലസ്ഥാനം കത്തുകയായിരുന്നെന്ന് സാംന വിമര്‍ശിച്ചു.

കേരളഓണ്‍ലൈന്‍ വാര്‍ത്തകള്‍ ടെലിഗ്രാമില്‍ ലഭിക്കാന്‍ ക്ലിക്ക് ചെയ്യുക

'പ്രധാനമന്ത്രി നരേന്ദ്രമോദിയും അമേരിക്കന്‍ പ്രസിഡന്റ് ഡൊണാള്‍ഡ് ട്രംപും ചര്‍ച്ച നടത്തുമ്പോള്‍ ദില്ലി കത്തികൊണ്ടിരിക്കുകയായിരുന്നു. കാരണം എന്തുതന്നെയായാലും രാജ്യതലസ്ഥാനത്ത് ക്രമസമാധാനം പരിപാലിക്കുന്നതില്‍ കേന്ദ്രസര്‍ക്കാര്‍ പരാജയപ്പെട്ടു. ' ശിവസേന മുഖപ്രസംഗത്തില്‍ ആരോപിച്ചു.

1984 ലെ സിഖ് കലാപത്തില്‍ ബി.ജെ.പി ഇന്നും കോണ്‍ഗ്രസിനെ കുറ്റപ്പെടുത്തുന്നു. ഇന്ദിരാഗാന്ധിയുടെ കൊലപാതകത്തിന് പിന്നാലെ സിഖ് സമുദായം ഡയില്‍ ആക്രമിക്കപ്പെട്ടു. നൂറുകണക്കിന് സിഖ് സഹോദരങ്ങളാണ് കൊല്ലപ്പെട്ടത്. ഇതിന് സമാനമായ സംഭവമാണ് ഡല്‍ഹിയിലും നടക്കുന്നത്. വാളും തോക്കുമായി ജനങ്ങള്‍ തെരുവിലിറങ്ങിയിരിക്കുകയാണ്. ഡല്‍ഹിയില്‍ നമ്മള്‍ സാക്ഷികളാകുന്ന രംഗങ്ങള്‍ ഭയപ്പെടുത്തുന്നതാണ്. ആരാണ് ഇതിന് ഉത്തരവാദികള്‍ ? ഇതാണ് അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് ദില്ലിയില്‍ ഉള്ളപ്പോഴുള്ള സാഹചര്യം . അത് നമുക്ക് ഒട്ടും നല്ലതല്ല.' മുഖപ്രസംഗത്തില്‍ സേന നിലപാട് വ്യക്തമാക്കി.

 

Read more topics: shivsena ,central govt ,delhi issue
English summary
shivsena criticize central govt in delhi issue
topbanner

More News from this section

Subscribe by Email