Friday September 25th, 2020 - 8:14:am

ഡല്‍ഹിയില്‍ തോറ്റത് അമിത് ഷായോ ; രാഷ്ട്രീയ കളികളെല്ലാം പാളി ; ശിവസേനയുടെ രൂക്ഷ വിമര്‍ശനങ്ങള്‍ ഇങ്ങനെ

suji
ഡല്‍ഹിയില്‍ തോറ്റത് അമിത് ഷായോ ; രാഷ്ട്രീയ കളികളെല്ലാം പാളി ; ശിവസേനയുടെ രൂക്ഷ വിമര്‍ശനങ്ങള്‍ ഇങ്ങനെ

ഡല്‍ഹിയിലെ തെരഞ്ഞെടുപ്പിലേറ്റ പതനത്തില്‍ ബിജെപിയെ പാടെ കുറ്റപ്പെടുത്തിയിരിക്കുകയാണ് മുന്‍ സഖ്യകക്ഷി ശിവസേന. പ്രധാനമന്ത്രി നരേന്ദ്ര മോദിയേക്കാളും ബിജെപി ദേശീയ പ്രസിഡന്റ് ജഗത് പ്രകാശ് നദ്ദയേക്കാളും വളരെ മോശം പ്രകടനം കാഴ്ചവെച്ചത് കേന്ദ്ര ആഭ്യന്തര മന്ത്രി അമിത് ഷായാണെന്നാണ് ശിവസേന കുറ്റപ്പെടുത്തിയിരിക്കുന്നത്. ശിവസേനയുടെ മുഖപത്രം സാമ്‌നയിലാണ് പാര്‍ട്ടിയുടെ തുറന്ന വിമര്‍ശനം.

കേരളഓണ്‍ലൈന്‍ വാര്‍ത്തകള്‍ ടെലിഗ്രാമില്‍ ലഭിക്കാന്‍ ക്ലിക്ക് ചെയ്യുക

തുടര്‍ച്ചയായുള്ള നിയമസഭാ തെരഞ്ഞെടുപ്പുകളില്‍ ബിജെപി തകര്‍ന്നടിയുകയാണ്. അതിനു കാരണം, എതിര്‍ സ്ഥാനര്‍ത്ഥിയുമായി കടുത്ത പോരാട്ടം നേരിടേണ്ടി വന്നിതിനാലാണെന്നാണ് സാമ്‌നയിലൂടെ ശിവസേന പറയുന്നത്. ലോക്‌സഭാ തെരഞ്ഞെടുപ്പില്‍ ഏകപക്ഷീയമായി മോദി വിജയിക്കുന്നുണ്ടെങ്കിലും സംസ്ഥാന തെരഞ്ഞെടുപ്പില്‍ വിജയിക്കുന്നത് ഇക്കാരണത്താലാണ്. അതിന് ഉത്തരവാദി അമിത് ഷാ ആണെന്ന് ശിവസേന പറയുന്നു.കഴിഞ്ഞ അഞ്ചു വര്‍ഷത്തോളമായി രാജ്യതലസ്ഥാനത്ത് എഎപി നടത്തിയ മാതൃകാ പ്രവര്‍ത്തനങ്ങളാണ് കെജ്രിവാളിനെ പിന്തുണച്ചതെന്ന് ശിവസേന മുഖപത്രം വ്യക്തമാക്കുന്നു.

ഡല്‍ഹി അസംബ്ലി തെരഞ്ഞെടുപ്പ് അഭിമാന പ്രശ്‌നമായിട്ടാണ് കേന്ദ്ര ആഭ്യന്തരമന്ത്രി അമിത് ഷാ കണ്ടിരുന്നത്. ഈയടുത്താണ് ജെ പി നദ്ദ പാര്‍ട്ടിയുടെ ദേശീയ അധ്യക്ഷനായി അധികാരമേല്‍ക്കുന്നത്. പക്ഷേ, തെരഞ്ഞെടുപ്പിന്റെ കാര്യത്തില്‍ യഥാര്‍ത്ഥത്തില്‍ ഉത്തരാവാദിത്തം മുഴുവന്‍ അമിത് ഷായ്ക്ക് ആയിരുന്നു. പാര്‍ട്ടി അധ്യക്ഷ കാലാവധി അവസാനിക്കുന്നതിനു മുമ്പ് ഒരു തെരഞ്ഞെടുപ്പിലെങ്കിലും വിജയിക്കണമെന്ന് അദ്ദേഹം ആഗ്രഹിച്ചിരുന്നു. അവര്‍ക്ക് ജാര്‍ഖണ്ഡും മഹാരാഷ്ട്രയും നഷ്ടപ്പെട്ടു', സാമ്‌നയില്‍ വ്യക്തമാക്കുന്നു.

അരവിന്ദ് കെജ്രിവാള്‍ ശ്രദ്ധ കേന്ദ്രീകരിച്ചത് യഥാര്‍ത്ഥത്തില്‍ വികസന പ്രവര്‍ത്തനങ്ങളിലാണ്. എന്നാല്‍ ബിജെപിയാകട്ടെ ധ്രുവീകരണ പ്രവര്‍ത്തനങ്ങളിലും. എന്നാലത്, രാജ്യതലസ്ഥാനത്ത് വോട്ടര്‍മാരുടെ ഇടയില്‍ ക്ലിക്കായില്ല എന്നതാണ് ശ്രദ്ധേയമായ കാര്യം. മുസ്ലീങ്ങളെ ഒറ്റപ്പെടുത്തുന്ന സിഎഎ, ഷഹീന്‍ ബാഗ് പ്രതിഷേധം എന്നിവ ഡല്‍ഹിയില്‍ ബിജെപിയെ തുണച്ചില്ല. മറിച്ച്, കെജ്രിവാളിന് ഇത് സഹായകമായി.

 

 

Read more topics: shivsena ,delhi ,bjp,amit shah
English summary
shivsena criticize amit shah in delhi failure of bjp
topbanner

More News from this section

Subscribe by Email