Saturday September 19th, 2020 - 9:00:am

കോവിഡിനെ സമ്പൂര്‍ണമായി തുരത്തുന്നത് വരെ പോരാട്ടം ശക്തിപ്പെടുത്തണമെന്ന് പ്രധാനമന്ത്രി

suji
കോവിഡിനെ സമ്പൂര്‍ണമായി തുരത്തുന്നത് വരെ പോരാട്ടം ശക്തിപ്പെടുത്തണമെന്ന് പ്രധാനമന്ത്രി

കോവിഡ് വ്യാപനം നിയന്ത്രിക്കാനായെന്ന അമിത ആത്മവിശ്വാസം വേണ്ടെന്ന് പ്രധാനമന്ത്രി നരേന്ദ്ര മോദി. കോവിഡ് തിരിച്ചു വന്നേക്കും. രാജ്യം ഒറ്റക്കെട്ടായാണ് കോവിഡിനെ നേരിടുന്നതെന്നും ജനങ്ങളാണ് കൊറോണ വിരുദ്ധ പോരാട്ടം നയിക്കുന്നതെന്നും പ്രധാനമന്ത്രി പറഞ്ഞു.

കേരളഓണ്‍ലൈന്‍ വാര്‍ത്തകള്‍ ടെലിഗ്രാമില്‍ ലഭിക്കാന്‍ ക്ലിക്ക് ചെയ്യുക

മഹാമാരിയെ നേരിടുന്നതില്‍ വീഴ്ച വരരുതെന്ന് ഓര്‍മിപ്പിച്ചായിരുന്നു പ്രധാനമന്ത്രി നരേന്ദ്രമോദിയുടെ ഇന്നത്തെ മന്‍കി ബാത്ത്. നമ്മുടെ ജീവിതശീലങ്ങളെയും കാഴ്ചപ്പാടുകളെയും മഹാമാരി മാറ്റി മറിച്ചു. പൊതുവഴിയില്‍ തുപ്പുന്നതടക്കമുള്ള ദുശീലങ്ങള്‍ ഇല്ലാതാക്കാന്‍ നമുക്ക് സാധിച്ചു. പൊലീസിന്റെ മാനവിക മുഖം തെളിഞ്ഞുവന്നു. രാജ്യത്തിന് മാത്രമല്ല, ലോകത്തെ തന്നെ മഹാമാരി നേരിടുന്നതില്‍ രാജ്യം ശ്രദ്ധേയമായ സേവനം കാഴ്ചവെച്ചു.

റമദാന് ശേഷം ചെറിയ പെരുന്നാള്‍ വരുമ്പോഴേക്ക് കൊറോണ വൈറസിനെ തുരത്താന്‍ സാധിക്കണം. ക്രൈസ്തവ സുഹൃത്തുക്കള്‍ ഇത്തവണ ഈസ്റ്റര്‍ ആഘോഷിച്ചത് വീട്ടിലിരുന്നാണ്. എല്ലാ സമുദായങ്ങളും ഇതിനായി പരിശ്രമിക്കണം. കോവിഡിനെ സമ്പൂര്‍ണമായി തുരത്തുന്നത് വരെ ഈ പോരാട്ടം ശക്തിപ്പെടുത്തേണ്ടതുണ്ടെന്നും മോദി കൂട്ടിച്ചേര്‍ത്തു.

 

Read more topics: modi, man ki baat
English summary
modi in man ki baat
topbanner

More News from this section

Subscribe by Email