Monday June 1st, 2020 - 6:57:am

കോവിഡ് 19: ഒൻപത് സംസ്ഥാനങ്ങളിലേക്ക് പ്രത്യേക മെഡിക്കൽ സംഘത്തെ അയച്ചു

JB
കോവിഡ് 19: ഒൻപത് സംസ്ഥാനങ്ങളിലേക്ക് പ്രത്യേക മെഡിക്കൽ സംഘത്തെ അയച്ചു

ന്യൂഡൽഹി: രാജ്യത്ത് കഴിഞ്ഞ 24 മണിക്കൂറിനിടെ കോവിഡ് ബാധിച്ച് 17 പേർ മരിച്ചു. കഴിഞ്ഞ 24 മണിക്കൂറിനിടെ 549 പോസിറ്റീവ് കേസുകളാണ് സംസ്ഥാനത്ത് സ്ഥിരീകരിച്ചത്. കോവിഡ് പ്രതിരോധത്തിന്റെ ഭാഗമായി രാജ്യത്ത് നടപ്പിലാക്കിയ ലോക്ക്ഡൗണ്‍ 16-ാം ദിവസത്തിലേക്ക് കടന്നിരിക്കുകയാണ്. കഴിഞ്ഞ ഒരു ആഴ്‌ചയിലാണ് രാജ്യത്ത് ഏറ്റവും കൂടുതൽ കോവിഡ് കേസുകൾ സ്ഥിരീകരിച്ചത്.

കേരളഓണ്‍ലൈന്‍ വാര്‍ത്തകള്‍ ടെലിഗ്രാമില്‍ ലഭിക്കാന്‍ ക്ലിക്ക് ചെയ്യുക

കോവിഡ് ബാധിച്ച് ഇന്ത്യയിൽ ഇതുവരെ മരിച്ചവരുടെ എണ്ണം 169 ആയി. ഇന്ത്യയിലെ ആകെ രോഗബാധിതരുടെ എണ്ണം 5,734 ആയി. രാജ്യത്ത് ഇതുവരെ 1,30,000 പേരുടെ സാംപിളുകൾ പരിശോധിച്ചതായി ആരോഗ്യമന്ത്രാലയം അറിയിച്ചു. കോവിഡ് നിരീക്ഷണത്തിനു 80,000 ഐസൊലേഷൻ ബെഡുകൾ ഒരുക്കാൻ 5,000 കോച്ചുകൾ ഉപയോഗിക്കും. ഇന്ത്യൻ റെയിൽവേയുടെ സഹകരണത്തോടെയാണിത്. ഒൻപത് സംസ്ഥാനങ്ങളിലേക്ക് കോവിഡ് പ്രത്യേക മെഡിക്കൽ സംഘത്തെ അയച്ചതായി ആരോഗ്യമന്ത്രാലയം അറിയിച്ചു.

ലോകത്ത് കോവിഡ് ബാധിച്ച് മരിച്ചവരുടെ എണ്ണം 88,000 കടന്നു. ഇതുവരെ 15 ലക്ഷത്തിലേറെ പേർക്ക് രോഗം സ്ഥിരീകരിച്ചു. അമേരിക്കയിൽ കോവിഡ് ബാധിച്ച് കഴിഞ്ഞ 24 മണിക്കൂറിനിടെ രണ്ടായിരത്തിലേറെ പേർ മരിച്ചതായാണ് കണക്കുകൾ. ഇറ്റലിയിലാണ് കോവിഡ് മരണങ്ങൾ ഏറ്റവും കൂടുതൽ. ഇതുവരെ ഇറ്റലിയിൽ 17,669 പേർ മരിച്ചു. സ്‌പെയിനിൽ 14,792 പേർ മരിച്ചു. ഫ്രാൻസിൽ 10,869 പേർ മരിച്ചു.

അതേസമയം, കോവിഡ് പ്രതിരോധത്തിനായി രാജ്യത്ത് ഏർപ്പെടുത്തിയ ലോക്ക്ഡൗണ്‍ ഒറ്റയടിക്ക് പിൻവലിക്കില്ലെന്ന് പ്രധാനമന്ത്രി നരേന്ദ്ര മോദി കഴിഞ്ഞ ദിവസം സൂചന നൽകി. വിവിധ രാഷ്‌ട്രീയകക്ഷി നേതാക്കളുമായി നടത്തിയ ചർച്ചയിലാണ് പ്രധാനമന്ത്രി ഇക്കാര്യം പറഞ്ഞത്. ചർച്ചയിൽ പങ്കെടുത്ത നേതാക്കളിൽ ചിലരാണ് ഇക്കാര്യം വെളിപ്പെടുത്തിയത്. കോവിഡിനെതിരായ പോരാട്ടത്തിൽ രാജ്യം ഒറ്റക്കെട്ടായി നിൽക്കുമെന്നും പ്രധാനമന്ത്രി രാഷ്ട്രീയകക്ഷി നേതാക്കളുടെ യോഗത്തിൽ പറഞ്ഞു.

Read more topics: covid 19, medical team, 9 state,
English summary
medical team for 9 state on covid
topbanner

More News from this section

Subscribe by Email