Wednesday June 19th, 2019 - 4:38:pm
topbanner
topbanner

മോദി സര്‍ക്കാര്‍ വീണ്ടും അധികാരമേറ്റശേഷമുള്ള ആദ്യ സമ്പൂര്‍ണ്ണ മന്ത്രി സഭാ യോഗം ഇന്ന് നടക്കും

suji
മോദി സര്‍ക്കാര്‍ വീണ്ടും അധികാരമേറ്റശേഷമുള്ള ആദ്യ സമ്പൂര്‍ണ്ണ മന്ത്രി സഭാ യോഗം ഇന്ന് നടക്കും

നരേന്ദ്ര മോദി സര്‍ക്കാര്‍ വീണ്ടും അധികാരമേറ്റശേഷമുള്ള ആദ്യ സമ്പൂര്‍ണ്ണ മന്ത്രി സഭാ യോഗം ഇന്ന് നടക്കും. ക്യാബിനറ്റ് മന്ത്രിമാര്‍ക്ക് പുറമെ സഹമന്ത്രിമാരുടെ യോഗവും ഇന്ന് ചേരും. യോഗത്തില്‍ സര്‍ക്കാരിന്റെ പുതിയ അധികാരകാലയളവിലേക്കായുള്ള വികസന കാഴ്ച്ചപ്പാടുകള്‍ പ്രധാനമന്ത്രി വിശദീകരിക്കും. മെയ് 30 നാണ് രണ്ടാം മോദി സര്‍ക്കാര്‍ സത്യപ്രതിജ്ഞ ചെയ്ത് വീണ്ടും അധികാരമേറ്റെടുത്തത്. ഇന്ന് വൈകീട്ട് നാലു മണിക്കാണ് യോഗം ചേരുന്നത്.

17ാം ലോക്‌സഭയുടെ ആദ്യ സമ്മേളനം തിങ്കളാഴ്ച ആരംഭിക്കാനിരിക്കുകയാണ്. അതിനുമുന്നോടിയായാണ് ഇന്ന് സമ്പൂര്‍ണ്ണ മന്ത്രിസഭ യോഗംചേരുന്നത്. സത്യപ്രതിജ്ഞയ്ക്ക് പിന്നാലെ ആദ്യ മന്ത്രിസഭാ യോഗം മെയ് 31 ന് ചേര്‍ന്നിരുന്നതാണ്. എന്നാല്‍ ഇക്കുറി സര്‍ക്കാരിന്റെ വികസന കാഴ്ചപ്പാടുകള്‍ക്ക് പുറമെ വികസന പദ്ധതികളുടെ രൂപരേഖയും പ്രധാനമന്ത്രി അവതരിപ്പിക്കുന്നുണ്ട്.

ഈ യോഗത്തില്‍ മന്ത്രിമാര്‍ അവരുടെ തങ്ങളുടെ വകുപ്പുകള്‍ ആവിഷ്‌കരിക്കാനിരിക്കുന്ന കര്‍മ്മ പദ്ധതികളുടെ കരട് അവതരിപ്പിക്കും. ക്ഷേമ പദ്ധതികള്‍ ഏത് നിലയില്‍ ജനങ്ങളിലേക്ക് എത്തിക്കണമെന്ന നിര്‍ദേശം സഹമന്ത്രിമാര്‍ക്ക് നല്‍കുന്നുമുണ്ട്.

 

Read more topics: first meeting, modi ministry
English summary
first meeting of modi ministry
topbanner

More News from this section

Subscribe by Email