Saturday October 19th, 2019 - 10:06:am
topbanner

ബീഹാറിലെ മസ്തിഷ്‌കജ്വരം: മരണസംഖ്യ 128 ആയി

JB
 ബീഹാറിലെ മസ്തിഷ്‌കജ്വരം: മരണസംഖ്യ 128 ആയി

ബീഹാറിലെ മുസാഫര്‍പൂരില്‍ മസ്തിഷ്‌കജ്വരം ബാധിച്ച് മരിച്ച കുട്ടികളുടെ എണ്ണം 128 ആയി. ശ്രീകൃഷ്ണ മെഡിക്കല്‍ കോളേജില്‍ മാത്രം 93 കുട്ടികളാണ് മരണപ്പെട്ടത്.ഇതുവരെ 372 കുട്ടികള്‍ക്കാണ് രോഗം ബാധിച്ചതെന്ന് ജില്ലാ ഭരണാധികരി വ്യക്തമാക്കി.

കേരളഓണ്‍ലൈന്‍ വാര്‍ത്തകള്‍ ടെലിഗ്രാമില്‍ ലഭിക്കാന്‍ ക്ലിക്ക് ചെയ്യുക

കടുത്ത ചൂടുമൂലമുള്ള നിര്‍ജ്ജലീകരണവും പഞ്ചസാരയുടേയും മറ്റ് ധാതുക്കളുടേയും അളവില്‍ ഉണ്ടാകുന്ന കുറവാകാം കുട്ടികളുടെ മരണകാരണമെന്നാണ് ആരോഗ്യ വകുപ്പിന്റെ നിഗമനം. കുട്ടികള്‍ മരിക്കാനിടയായത് ലിച്ചിപ്പഴം കഴിച്ചതു കൊണ്ടാണെന്ന തരത്തില്‍ ചില റിപ്പോര്‍ട്ടുകള്‍ പുറത്തുവന്നിരുന്നു. ഈ സാഹചര്യത്തില്‍ ലിച്ചിപ്പഴത്തില്‍ ശരീരത്തിന് ഹാനികരമായ വിഷവസ്തുക്കളുണ്ടോ എന്ന് പരിശോധിക്കാന്‍ ഒഡീഷ സര്‍ക്കാര്‍ തീരുമാനിച്ചു.

അതേസമയം മസ്തിഷ്‌കജ്വരം ബാധിച്ച കുട്ടികള്‍ക്ക് ചികിത്സ ഉറപ്പാക്കാന്‍ സുപ്രീംകോടതി ഇടപെടണമെന്ന് ആവശ്യപ്പെട്ട് അഭിഭാഷകരായ മനോഹര്‍ പ്രതാപ്, സന്‍പ്രീത് സിങ് അജ്മാനി എന്നിവര്‍ പൊതുതാല്പര്യ ഹര്‍ജി സമര്‍പ്പിച്ചു. ഹര്‍ജി തിങ്കളാഴ്ച കോടതി പരിഗണിക്കും.

ഇന്നലെ മുഖ്യമന്ത്രി നീതിഷ് കുമാര്‍ ആശുപത്രി സന്ദര്‍ശിക്കാനെത്തിയപ്പോള്‍ നാട്ടുകാര്‍ പ്രതിഷേധിച്ച് രംഗത്തെത്തിയിരുന്നു. നേരത്തെ കേന്ദ്ര ആരോഗ്യമന്ത്രി ഹര്‍ഷ് വര്‍ധന്‍ ആശുപത്രി സന്ദര്‍ശിച്ചിരുന്നു.

 

Read more topics: death toll rise in bihar,
English summary
death toll rise in bihar
topbanner

More News from this section

Subscribe by Email