Wednesday September 23rd, 2020 - 5:54:pm

വെയിലു കൊള്ളാന്‍ ഡമ്മിയോ ? ഗൗതം ഗംഭീര്‍ പ്രചാരണത്തിന് അപരനെ ഉപയോഗിച്ചെന്ന് ആംആദ്മി

suji
വെയിലു കൊള്ളാന്‍ ഡമ്മിയോ ? ഗൗതം ഗംഭീര്‍ പ്രചാരണത്തിന് അപരനെ ഉപയോഗിച്ചെന്ന് ആംആദ്മി

ബിജെപി സ്ഥാനാര്‍ത്ഥി ഗൗതം ഗംഭീര്‍ തെരഞ്ഞെടുപ്പു പ്രചാരണത്തിന് അപരനെ ഉപയോഗിച്ചെന്ന ആരോപണവുമായി ആം ആദ്മി പാര്‍ട്ടി. ദല്‍ഹിയിലെ കൊടുംവെയിലില്‍ നിന്ന് രക്ഷനേടാന്‍ ഗൗതം ഗംഭീര്‍ അപരനെ ഉപയോഗിച്ച് പ്രചരണം നടത്തുന്നെന്നാണ് ചിത്രമുള്‍പ്പെടെ ട്വീറ്റു ചെയ്തുകൊണ്ട് ആം ആദ്മി പാര്‍ട്ടി ആരോപിക്കുന്നത്. ഗംഭീര്‍ കാറിനുള്ളില്‍ ഇരിക്കുകയും അദ്ദേഹവുമായി രൂപസാദൃശ്യമുള്ള ഒരാള്‍ വാഹനത്തിന് മുകളില്‍ നിന്ന് കൈവീശി കാട്ടുന്നതുമാണ് ചിത്രത്തിലുള്ളത്.

കേരളഓണ്‍ലൈന്‍ വാര്‍ത്തകള്‍ ടെലിഗ്രാമില്‍ ലഭിക്കാന്‍ ക്ലിക്ക് ചെയ്യുക

അതേസമയം ഗൗതം ഗംഭീര്‍ കാറിലാണെന്നുള്ള കാര്യം ജനങ്ങള്‍ക്ക് അറിയാമായിരുന്നെന്നും അതിനാലാണ് അവര്‍ ഫോട്ടോയെടുക്കുന്നതെന്നുമാണ് അദ്ദേഹത്തെ അനുകൂലിക്കുന്നവര്‍ ട്വിറ്ററില്‍ വാദിക്കുന്നത്.
ഗൗതം ഗംഭീര്‍ എതിര്‍ സ്ഥാനാര്‍ത്ഥിയെ അധിക്ഷേപിച്ചുകൊണ്ട് നോട്ടീസുകള്‍ വിതരണം ചെയ്തുവെന്ന് കഴിഞ്ഞദിവസം എഎപി ആരോപിച്ചിരുന്നു. കിഴക്കന്‍ ദല്‍ഹിയിലെ എഎപി സ്ഥാനാര്‍ത്ഥിയായ അതിഷിയെ അധിക്ഷേപിച്ച് നോട്ടീസ് വിതരണം ചെയ്‌തെന്നായിരുന്നു ആരോപണം.

എന്നാല്‍ ആരോപണം ഗംഭീര്‍ തള്ളിയിരുന്നു. ആരോപണം ഉന്നയിച്ച കെജ്‌രിവാള്‍ അടക്കമുള്ള എഎപി നേതാക്കള്‍ക്കെതിരെ മാനനഷ്ടത്തിന് കേസുകൊടുക്കുമെന്നും ഗംഭീര്‍ പറഞ്ഞിരുന്നു.

 

Read more topics: aam admi ,gambir
English summary
aam admi against gambir
topbanner

More News from this section

Subscribe by Email