Wednesday April 8th, 2020 - 7:49:am
topbanner

ഭാര്യയുമായി വഴക്കിട്ടതിനെ തുടര്‍ന്ന് മൂന്നു വയസ്സുകാരി മകളെ പിതാവ് വീട്ടിലെ ടാങ്കില്‍ മുക്കി കൊന്നു ; കൊലപ്പെടുത്താന്‍ ശ്രമിച്ച ആറു വയസ്സുള്ള മകന്‍ ഗുരുതരാവസ്ഥയില്‍  

suji
ഭാര്യയുമായി വഴക്കിട്ടതിനെ തുടര്‍ന്ന് മൂന്നു വയസ്സുകാരി മകളെ പിതാവ് വീട്ടിലെ ടാങ്കില്‍ മുക്കി കൊന്നു ; കൊലപ്പെടുത്താന്‍ ശ്രമിച്ച ആറു വയസ്സുള്ള മകന്‍ ഗുരുതരാവസ്ഥയില്‍   

 

കേരളഓണ്‍ലൈന്‍ വാര്‍ത്തകള്‍ ടെലിഗ്രാമില്‍ ലഭിക്കാന്‍ ക്ലിക്ക് ചെയ്യുക

മൂന്നു വയസ്സുകാരിയായ മകളെ പിതാവ് വീട്ടിലെ ടാങ്കിലെ വെള്ളത്തില്‍ മുക്കിക്കൊന്നു. ഭാര്യയുമായുണ്ടായ തര്‍ക്കത്തെ തുടര്‍ന്നാണ് യുവാവ് മകളെ കൊലപ്പെടുത്തിയത്. കഴുത്തില്‍ കയര്‍ മുറുക്കി കൊലപ്പെടുത്താന്‍ ശ്രമിച്ചതിനെ തുടര്‍ന്ന് ആറു വയസ്സുകാരനായ മകന്‍ ഗുരുതരാവസ്ഥയിലാണ്. പണയം വച്ച ആഭരണം എടുത്തു കൊടുക്കാതിരുന്നതിനെ ചൊല്ലിയുണ്ടായ വഴക്കിനെ തുടര്‍ന്നാണ് ഈ കണ്ണില്ലാ ക്രൂരത.

അഞ്ചുഗ്രാമത്തിനു സമീപം മയിലാടി മാര്‍ത്താണ്ഡപുരം സ്വദേശി ശെന്തില്‍ കുമാര്‍ (42) ആണ് ക്രൂരകൃത്യം ചെയ്തത്. ഇതിനു ശേഷം ഇയാള്‍ ഒളിവില്‍ പോയി. ഭാര്യ രാമലക്ഷ്മിയുമായുള്ള കലഹത്തെ തുടര്‍ന്ന് എല്‍കെജി വിദ്യാര്‍ഥിനിയായ മകള്‍ സഞ്ചനയയെ കൊലപ്പെടുത്തുകയായിരുന്നു. മകന്‍ ശ്യാം സുന്ദര്‍ ആശുപത്രിയിലാണ്. ഒന്നര ലക്ഷം രൂപയ്ക്കു ബാങ്കില്‍ പണയം വച്ച ആഭരണങ്ങള്‍ തിരിച്ചെടുത്ത് തരാത്തതിനെ തുടര്‍ന്നാണ് ദമ്പതികള്‍ തമ്മില്‍ വഴക്കുണ്ടായത്.

വഴക്കിനുശേഷം ശെന്തില്‍ പുറത്തുപോയി അല്‍പസമയത്തിനുള്ളില്‍ മകന്‍ ശ്യാം സുന്ദറിനെ കാണാതാകുകയായിരുന്നു. മകനെ അന്വേഷിച്ച് രാമലക്ഷ്മി ശെന്തിലിന്റെ അച്ഛനും അമ്മയും താമസിക്കുന്ന അടുത്തുള്ള വീട്ടിലെത്തിയപ്പോള്‍ കുട്ടിയെ കഴുത്തില്‍ കയര്‍ മുറുകി ബോധംകെട്ട നിലയില്‍ കാണുകയായിരുന്നു. ശെന്തില്‍ കുമാര്‍ മകനെ കൂട്ടിക്കൊണ്ടുപോകുന്നതു സിസിടിവി ദൃശ്യങ്ങളില്‍ പോലീസ് കണ്ടെത്തിയിരുന്നു.
രാമലക്ഷ്മി ഉടന്‍ തന്നെ മകനെ ആശുപത്രിയിലേക്ക് കൊണ്ടുപോയി. വീട്ടിലുള്ള മകളെ നോക്കണമെന്നു രാമലക്ഷ്മി സമീപവാസികളോടു ഫോണില്‍ വിളിച്ചു പറഞ്ഞു. സമീപവാസികളെത്തുമ്പോഴേക്കും ശെന്തില്‍കുമാര്‍ വീടു പൂട്ടി കടന്നു കളഞ്ഞിരുന്നു. വീട്ടില്‍ തിരിച്ചെത്തിയ രാമലക്ഷ്മി പിന്‍വാതില്‍ തകര്‍ത്തു കയറിയപ്പോള്‍ വെള്ളം നിറച്ച ടാങ്കില്‍ സഞ്ചനയെ കൊലപ്പെടുത്തിയ നിലയില്‍ കാണുകയായിരുന്നു.

ശെന്തില്‍ കുമാറിനായി അന്വേഷണം തുടങ്ങി.

 

Read more topics: 3 year child,kill, father, wife
English summary
3 year child killed by father
topbanner

More News from this section

Subscribe by Email