Tuesday September 29th, 2020 - 7:34:pm

ജോലിസ്ഥലത്തുനിന്നും 150 കിലോമീറ്റര്‍ അകലെയുള്ള വീട്ടിലേക്ക് നടന്ന 12 വയസുകാരി കുഴഞ്ഞുവീണ് മരിച്ചു

suji
ജോലിസ്ഥലത്തുനിന്നും 150 കിലോമീറ്റര്‍ അകലെയുള്ള വീട്ടിലേക്ക് നടന്ന 12 വയസുകാരി കുഴഞ്ഞുവീണ് മരിച്ചു

ജോലിസ്ഥലത്തുനിന്നും 150 കിലോമീറ്റര്‍ അകലെയുള്ള വീട്ടിലേക്ക് നടന്ന 12 വയസുകാരി കുഴഞ്ഞുവീണ് മരിച്ചു. മൂന്ന് ദിവസമായി പെണ്‍കുട്ടി വീട്ടിലേക്കുള്ള കാല്‍നടയാത്ര ആരംഭിച്ചിട്ട്. നിര്‍ജലീകരണവും ക്ഷീണവും മൂലമാണ് പെണ്‍കുട്ടി മരിച്ചത്. തെലങ്കാനയിലെ ജോലിസ്ഥലത്തുനിന്നും ഛത്തീസ്ഗഡിലെ ബിജാപൂരിലേക്കാണ് പെണ്‍കുട്ടി യാത്ര തിരിച്ചത്. മുളക് പാടത്ത് കുടിയേറ്റ തൊഴിലാളികള്‍ക്കൊപ്പമായിരുന്നു കുട്ടി ജോലിചെയ്തിരുന്നതെന്നും ജമലോ മക്ഡം എന്ന പെണ്‍കുട്ടിയാണ് മരിച്ചതെന്നും അധികൃതര്‍ അറിയിച്ചു. കൂടെ ജോലി ചെയ്യുന്ന ആളുകള്‍ക്കൊപ്പമായിരുന്നു പെണ്‍കുട്ടി നടന്നത്.

കേരളഓണ്‍ലൈന്‍ വാര്‍ത്തകള്‍ ടെലിഗ്രാമില്‍ ലഭിക്കാന്‍ ക്ലിക്ക് ചെയ്യുക

ലോക്ഡൗണ്‍ പ്രഖ്യാപിച്ചതോടെ സ്വന്തം നാട്ടിലേക്കെത്താന്‍ കാല്‍നടയല്ലാതെ സംഘത്തിന് മുന്നില്‍ മറ്റൊരു വഴിയുമുണ്ടായിരുന്നില്ല. ഇതോടെയാണ് 150 കിലോമീറ്റര്‍ നടക്കാന്‍ ഇവര്‍ തീരുമാനിച്ചത്.

ഏപ്രില്‍ 15നാണ് സംഘം യാത്ര ആരംഭിച്ചതെന്നാണ് വിവരം. മൂന്ന് ദിവസത്തെ യാത്ര പിന്നിട്ടതിന് ശേഷം ഏപ്രില്‍ 18നാണ് പെണ്‍കുട്ടി മരിച്ചത്. വീടിന് സമീപത്തുള്ള ഗ്രാമത്തിലെയപ്പോഴായിരുന്നു പെണ്‍കുട്ടി കുഴഞ്ഞുവീണത്.

'തെലങ്കാനയും ബിജാപൂരും തമ്മില്‍ 150 കിലോമീറ്റര്‍ ദൂരമുണ്ട്. വീട്ടിലെത്താന്‍ 50 കിലോമീറ്റര്‍ ശേഷിക്കെയാണ് പെണ്‍കുട്ടി തളര്‍ന്ന് മരിച്ചത്. ശനിയാഴ്ച രാവിലെ കുട്ടി ഭക്ഷണം കഴിച്ചിരുന്നെങ്കിലും വയറുവേദനയടക്കം കുട്ടിയെ ബുദ്ധിമുട്ടിച്ചെന്ന് കൂടെയുണ്ടായിരുന്നവര്‍ പറഞ്ഞത്. രാവിലെ പത്തുമണിയോടെയാണ് കുട്ടി മരിച്ചത്', ബിജാപൂരിലെ മുതിര്‍ന്ന ആരോഗ്യ ഉദ്യോഗസ്ഥന്‍ പറഞ്ഞു.

 

Read more topics: 12 year child ,died, walk
English summary
12 year child died who walk 150 km
topbanner

More News from this section

Subscribe by Email