Monday September 16th, 2019 - 6:06:am
topbanner
Breaking News
jeevanam

ഓരോ 40 സെക്കന്‍ഡിലും ലോകത്തൊരാള്‍ ആത്മഹത്യ ചെയ്യുന്നു; പുതിയ റിപ്പോട്ട് പുറത്ത് വിട്ട് ലോകാരോഗ്യ സംഘടന

JB
ഓരോ 40 സെക്കന്‍ഡിലും ലോകത്തൊരാള്‍ ആത്മഹത്യ ചെയ്യുന്നു; പുതിയ റിപ്പോട്ട് പുറത്ത് വിട്ട് ലോകാരോഗ്യ സംഘടന

 

ജനീവ: ഓരോ നാല്‍പ്പത് സെക്കന്‍ഡിലും ലോകത്തൊരാള്‍ ആത്മഹത്യ ചെയ്യുന്നുണ്ടെന്ന് ലോകാരോഗ്യ സംഘടന. ആത്മഹത്യ ചെയ്യുന്നവരില്‍ ഏറ്റവും കൂടുതല്‍പേര്‍ യുവാക്കളാണെന്നും ഡബ്യുഎച്ച്ഒയുടെ പുതിയ റിപ്പോര്‍ട്ട് വ്യക്തമാക്കുന്നു. ആത്മഹത്യാ പ്രവണതകളും ആത്മഹത്യചെയ്യുന്നവരുടെ എണ്ണവും വര്‍ധിക്കുമ്പോഴും വെറും 38 രാജ്യങ്ങള്‍ മാത്രമാണ് ആത്മഹത്യ തടയാനുള്ള പ്രവര്‍ത്തനങ്ങളുമായി മുന്നോട്ടുപോകുന്നതെന്നും റിപ്പോര്‍ട്ട് ചൂണ്ടിക്കാട്ടുന്നു.

15 നും 29 നും ഇടയില്‍ പ്രായമുള്ളവരുടെ മരണത്തിന്റെ രണ്ടാമത്തെ പ്രധാന കാരണം ആത്മഹത്യയാണ്. 15 നും 19 നും ഇടയില്‍ പ്രായമുള്ള പെണ്‍കുട്ടികളുടെ പ്രധാന മരണകാരണവും ആത്മഹതത്യ തന്നെ . സമ്പന്ന രാജ്യങ്ങളെ അപേക്ഷിച്ച് വരുമാനം കുറഞ്ഞ രാജ്യങ്ങളില്‍ ആത്മഹത്യാ നിരക്ക് കുറവാണെന്നതും റിപ്പോര്‍ട്ടിന്റെ പ്രത്യേകതയാണ്.

സാമ്പത്തികമായി പിന്നാക്കം നില്‍ക്കുന്ന രാജ്യങ്ങളിലെ കാര്‍ഷിക മേഖലകളില്‍ കീടനാശിനി ഉപയോഗിച്ചാണ് കൂടുതല്‍ ആത്മഹത്യകളും നടക്കുന്നതെന്ന് മെന്റല്‍ ഹെല്‍ത്ത് ഡിപ്പാര്‍ട്‌മെന്റിലെ ശാസ്ത്രജ്ഞനായ അലക്‌സാണ്ട്ര ഫ്‌ലീഷ്മാന്‍ പറഞ്ഞു. അഞ്ചിലൊന്ന് മരണങ്ങളും സംഭവിക്കുന്നത് ഈ രീതിയിലാണെന്നും അവര്‍ വ്യക്തമാക്കുന്നു.

മാനസിക ആരോഗ്യ പ്രശ്‌നങ്ങള്‍, വിഷാദം, സമ്മര്‍ദ്ദം, ക്രൂരതയ്ക്കിരയാകുന്നവര്‍, ലഹരിയ്ക്കടിമയാകുന്നവര്‍ എന്നിവരിലാണ് ആത്മഹത്യ പ്രവണത കൂടുതലായി കാണുന്നതെന്നും ലോകാരോഗ്യ സംഘടനയുടെ റിപ്പോര്‍ട്ട് വ്യക്തമാക്കുന്നു. 'എല്ലാ മരണങ്ങളും കുടുംബത്തിനും സുഹൃത്തുക്കള്‍ക്കും സഹപ്രവര്‍ത്തകര്‍ക്കും ദുഃഖം മാത്രമാണ് നല്‍കുന്നത്. ആത്മഹത്യ തടയാന്‍ കഴിയുന്നതാണ്. ആത്മഹത്യ തടയുന്നതിനായി തെളിയിക്കപ്പെട്ട മാര്‍ഗങ്ങള്‍ എല്ലാ രാജ്യങ്ങളും ദേശീയ ആരോഗ്യ പരിപാടികളിലും വിദ്യാഭ്യാസ പദ്ധതികളിലും സുസ്ഥിരമായി ഉള്‍പ്പെടുത്തേണ്ടതുണ്ട്.' ലോകാരോഗ്യ സംഘടന ഡയറക്ടര്‍ ജനറല്‍ ടെഡ്രോം അദിനോസ് ഗബ്രിയോസസ് പറഞ്ഞു.

ആത്മഹത്യ പ്രവണതയുള്ളവര്‍ താനെല്ലാം അവസാനിപ്പിക്കാന്‍ പോവുകയാണെന്ന് പറഞ്ഞുകൊണ്ടിരിക്കുമെന്നും ഇത്തരക്കാരെ വേഗത്തില്‍ മനസിലാക്കാന്‍ കഴിയുമെന്നും സൂയിസൈഡ് പ്രിവന്റേഷന്‍ ഇന്ത്യ ഫൗണ്ടേഷന്‍ മാനേജര്‍ അബിഷ ഫെര്‍ണാണ്ടസ് ടൈംസ് ഓഫ് ഇന്ത്യയോട് പറഞ്ഞു. ' വാക്കുകളില്‍ നിന്ന് തന്നെ ആത്മഹത്യാ പ്രവണതയുള്ളവരെ മനസിലാക്കാന്‍ കഴിയും. ജീവിതം മടുത്തു, മുന്നോട്ട് പോകാന്‍ കഴിയില്ല, മരിച്ചേക്കാമെന്നാണ് കരുതുന്നത്. തുടങ്ങിയ വാക്കുകള്‍ ഇത്തരക്കാര്‍ പറഞ്ഞുകൊണ്ടിരിക്കും. അങ്ങിനെ ആരെയെങ്കിലും ശ്രദ്ധയില്‍പ്പെട്ടാല്‍ അവരുടെ പ്രശ്‌നം എന്താണെന്ന് അടുത്തറിയാന്‍ ശ്രമിക്കണം' അവര്‍ പറയുന്നു.

സെപ്റ്റംബര്‍ 10ാം തീയതിയാണ് ആത്മഹത്യാ പ്രതിരോധ ദിനമായി ആചരിക്കുന്നത്. 'ആത്മഹത്യയെ തടയാന്‍ ഒരുമിച്ച് പ്രവര്‍ത്തിക്കാം' എന്നതാണ് 2019 ലെ ആത്മഹത്യ പ്രതിരോധ ദിനത്തിലെ മുദ്രാവാക്യം.
ആത്മഹത്യ പ്രതിരോധിക്കേണ്ടതിന്റെ ആവശ്യകതയെക്കുറിച്ച് ലോകത്തെ ജനങ്ങളെ ബോധവാന്മാരാക്കുന്നതിന്റെ ഭാഗമായി 2003 മുതലാണ് സെപ്റ്റംബര്‍ 10 ആത്മഹത്യാ പ്രതിരോധ ദിനമായി ആചരിച്ചുതുടങ്ങിയത്. ലോകാരോഗ്യ സംഘടനയും ഇന്റര്‍ നാഷണല്‍ അസോസിയേഷന്‍ ഓഫ് സൂയിസൈഡ് പ്രിവന്റേഷനും (ഐഎഎസ്പി) സംയുക്തമായാണ് ആത്മഹത്യാ വിരുദ്ധദിനം ആചരിക്കുന്നത്.

Read more topics: WHO, report about suicide rate,
English summary
WHO report about suicide rate
topbanner

More News from this section

Subscribe by Email