കണ്ണൂരിൽ ലോറി നിയന്ത്രണം വിട്ട് റോഡരികിലെ ഡ്രൈനേജിൽ താഴ്ന്നു
Nov 30, 2021, 12:29 IST
കണ്ണൂർ: കണ്ണൂർ – കാടാച്ചിറ സംസ്ഥാന പാതയിൽ ചാല വളവിൽ ലോറി നിയന്ത്രണം വിട്ട് റോഡരികിലെ ഡ്രൈനേജിൽ താഴ്ന്നു. ചൊവ്വാഴ്ച്ച പുലർച്ചെയാണ് സംഭവം.
മംഗലാപുരത്ത് നിന്ന് കോയമ്പത്തൂരിലേക്ക് ചെമ്മൺ കയറ്റി പോവുകയായിരുന്ന 12 ടയറുള്ള TN 46, T 41 53 ലോറിയാണ് അപകടത്തിൽപ്പെട്ടത്. ഡ്രൈനേജിൻ്റെ കലുങ്കിൽ തട്ടി നിന്നതിനാൽ വൻ അപകടം ഒഴിവായി. സംഭവത്തിൽ ആർക്കും പരിക്കില്ല.
വളവിൽ ലോറി അപകടത്തിൽപ്പെട്ടത് ഗതാഗത കുരുക്കിന് കാരണമായി.
അപകടവിവരം അറിഞ്ഞ് എടക്കാട് പോലീസ് സ്ഥലത്തെത്തിയിരുന്നു.