കോവിഡ് വ്യാപനം : സൗദിയില് രോഗികളുടെ എണ്ണം ഉയര്ന്നു
റിയാദ് : സൗദി അറേബ്യയില് പുതുതായി കോവിഡ് ബാധിക്കുന്നവരുടെ എണ്ണത്തില് നേരിയ വര്ധന. 65 പേരിലാണ് കഴിഞ്ഞ 24 മണിക്കൂറിനിടയില് രോഗബാധ സ്ഥിരീകരിച്ചത്.നിലവില് ചികിത്സയിലുള്ളവരില് 38 പേര് കൂടി സുഖം പ്രാപിച്ചു. രണ്ടുപേര് കോവിഡ് മൂലം മരിച്ചതായി ആരോഗ്യ മന്ത്രാലയം അറിയിച്ചു.
ഇതുവരെ രാജ്യത്ത് റിപ്പോര്ട്ട് ചെയ്യപ്പെട്ട ആകെ കോവിഡ് കേസുകളുടെ എണ്ണം 5,48,368 ഉം രോഗമുക്തരുടെ എണ്ണം 5,37,376 ഉം ആയി. ആകെ മരണസംഖ്യ 8,782 ആയി ഉയര്ന്നു.
രോഗം ബാധിച്ച് ഗുരുതര നിലയിലുള്ളവരുടെ എണ്ണം 70 ആയി കുറഞ്ഞു. ഇവര് രാജ്യത്തെ വിവിധ ആശുപത്രികളില് തീവ്രപരിചരണ വിഭാഗത്തില് ചികിത്സയിലാണ്. ബാക്കിയുള്ളവരുടെ സ്ഥിതി തൃപ്തികരമാണ്. രാജ്യത്തെ കോവിഡ് മുക്തി നിരക്ക് 98 ശതമാനവും മരണനിരക്ക് 1.6 ശതമാനവുമായി തുടരുന്നു.
വിവിധ പ്രവിശ്യകളില് പുതുതായി റിപ്പോര്ട്ട് ചെയ്ത രോഗികളുടെ എണ്ണം: റിയാദ് 27, ജിദ്ദ 14, മക്ക 4, മദീന 2, അല് ഖുവയ്യിയ 2, മറ്റ് 16 സ്ഥലങ്ങളില് ഓരോ വീതം രോഗികള്. സൗദി അറേബ്യയില് ഇതുവരെ 45,392,093 ഡോസ് കോവിഡ് വാക്സിന് വിതരണം ചെയ്തു.
The post കോവിഡ് വ്യാപനം : സൗദിയില് രോഗികളുടെ എണ്ണം ഉയര്ന്നു first appeared on Keralaonlinenews.