പ്ലസ് വണ് സപ്ലിമെന്ററി അലോട്ട്മെന്റ് ; ആദ്യദിനം അരലക്ഷം കവിഞ്ഞു
തിരുവനന്തപുരം : പ്ലസ് വണ് ഏകജാലക പ്രവേശനത്തിനുള്ള സപ്ലിമെന്ററി അലോട്ട്മെന്റിന് അപേക്ഷ സമര്പ്പണം തുടങ്ങിയപ്പോള് ആദ്യദിനം തന്നെ ലഭിച്ചത് അരലക്ഷത്തിലധികം അപേക്ഷകള്.
ചൊവ്വാഴ്ച വൈകീട്ട് വരെയുള്ള കണക്കുകള് പ്രകാരം മൊത്തം 58,210 അപേക്ഷകളാണ് ലഭിച്ചത്. ഇതില് 55,964 അപേക്ഷകളും നേരത്തെ അപേക്ഷിച്ചിട്ടും സീറ്റ് ലഭിക്കാത്തവരാണ്. 2246 പേര് പുതിയ അപേക്ഷകരാണ്. സപ്ലിമെന്ററി അലോട്ട്മെന്റിനും കൂടുതല് അപേക്ഷകര് സീറ്റ് ക്ഷാമം ഏറെയുള്ള മലപ്പുറം ജില്ലയില് നിന്നാണ്.
ജില്ലയില് നിന്ന് ആദ്യദിനം ലഭിച്ചത് 11310 അപേക്ഷകളാണ്. ഇതില് 10971 അപേക്ഷകരും മുഖ്യഘട്ടത്തില് സീറ്റ് ലഭിക്കാത്തവരാണ്. വ്യാഴാഴ്ച വൈകീട്ട് അഞ്ച് വരെയാണ് സപ്ലിമെന്ററി അലോട്ട്മെന്റിന് അപേക്ഷിക്കാനുള്ള സമയം. 40000ത്തോളം സീറ്റുകളാണ് സപ്ലിമെന്ററി അലോട്ട്മെന്റിനായുള്ളത്. സപ്ലിമെന്ററി അലോട്ട്മെന്റിന് ലഭിക്കുന്ന അപേക്ഷകളുടെ എണ്ണം കൂടി പരിഗണിച്ചായിരിക്കും സീറ്റ് വര്ധനവ് എത്രവേണമെന്ന് സര്ക്കാര് തീരുമാനമെടുക്കുക.
The post പ്ലസ് വണ് സപ്ലിമെന്ററി അലോട്ട്മെന്റ് ; ആദ്യദിനം അരലക്ഷം കവിഞ്ഞു first appeared on Keralaonlinenews.