സംസ്ഥാനത്തെ എന്ജിനീയറിങ് കോളജുകളില് എം ടെക് പ്രവേശനത്തിന് അപേക്ഷ ക്ഷണിച്ചു ; അവസാന തിയതി സെപ്റ്റംബര് 30
തിരുവനന്തപുരം : സംസ്ഥാനത്തെ സര്കാര്/എയ്ഡഡ്/സ്വാശ്രയ എന്ജിനീയറിങ് കോളജുകളില് എം ടെക്/എം ആര്ക് പ്രവേശനത്തിന് ഓണ്ലൈനായി അപേക്ഷ ക്ഷണിച്ചു.
അവസാന തിയതി സെപ്റ്റംബര് 30 വരെയാണ്. വിശദവിവരങ്ങളടങ്ങിയ പ്രോസ്പെക്ടസ് www(dot)admissions(dot)dtekerala(dot)gov(dot)inല്നിന്ന് ഡൗണ്ലോഡ് ചെയ്ത് നിര്ദേശാനുസരണം അപേക്ഷിക്കാവുന്നതാണ്.
കോളജ്, കോഴ്സ്/ബ്രാഞ്ച്/സ്പെഷലൈസേഷന്, യോഗ്യത, സീറ്റുകള്, സെലക്ഷന് നടപടിക്രമം മുതലായ വിവരങ്ങള് പ്രോസ്പെക്ടസില് ഉള്പെടുത്തിയിട്ടുണ്ട്. ഒബിസി/ ജനറല് വിഭാഗക്കാര്ക്ക് അപേക്ഷ ഫീസ് 500 രൂപയും പട്ടികജാതി/വര്ഗ വിഭാഗങ്ങള്ക്ക് 250 രൂപയുമാണ്. ക്രെഡിറ്റ്/ ഡെബിറ്റ് കാര്ഡ്, ഇന്റര്നെറ്റ് ബാങ്കിങ് മുഖാന്തരവും ഓണ്ലൈനായി ഫീസ് അടക്കാം.
അതേസമയം ബി ഇ/ബി ടെക്/ബി ആര്കില് 60 ശതമാനം മാര്കില് കുറയാതെ വിജയിച്ചിരിക്കണം. എസ് ഇ ബി സി/ഒ ബി സി വിഭാഗങ്ങളില്പെടുന്നവര്ക്ക് 54 ശതമാനം മാര്കും എസ്.സി/എസ്.ടി വിദ്യാര്ഥികള്ക്ക് മിനിമം പാസ് മാര്കും മതി. (എ എം ഐ ഇ/എ എം ഐ ഇ ടി ഇ പരീക്ഷകള് പാസായിട്ടുള്ളവരെയും പരിഗണിക്കും. സെക്ഷന് ‘ബി’ക്ക് 55 ശതമാനം മാര്കില് കുറയാതെ വേണം). ഫൈനല് സെമസ്റ്റര് എന്ജിനീയറിങ് പരീക്ഷയെഴുതിയവര്ക്കും അപേക്ഷ സമര്പിക്കാവുന്നതാണ്.