ഗുലാബ് ചുഴലിക്കാറ്റ് ഇന്ന് കര തൊടും; ആന്ധ്ര, ബംഗാള്, ഒഡീഷ സംസ്ഥാനങ്ങള്ക്ക് ജാഗ്രതാ നിര്ദ്ദേശം
Sep 26, 2021, 08:02 IST
ബംഗാള് ഉള്ക്കടലില് രൂപം കൊണ്ട അതിതീവ്ര ന്യൂനമര്ദം ഗുലാബ് ചുഴലിക്കാറ്റായി ഇന്ന് വൈകിട്ടോടെ ആന്ധ്രാഒഡിഷ തീരത്തേക്ക് പ്രവേശിക്കുമെന്ന് കേന്ദ്ര കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. മൂന്ന് സംസ്ഥാനങ്ങള്ക്ക് ജാഗ്രതാ നിര്ദേശം നല്കി. ആന്ധ്രാപ്രദേശ്, പശ്ചിമ ബംഗാള്, ഒഡീഷ സംസ്ഥാനങ്ങള്ക്കാണ് മുന്നറിയിപ്പ് നല്കിയിരിക്കുന്നത്.
വടക്കന് ആന്ധ്രാപ്രദേശ്, തെക്കന് ഒഡീഷ തീരങ്ങളില് യെല്ലോ അലേര്ട്ട് പ്രഖ്യാപിച്ചു. ഒഡീഷ, പശ്ചിമബംഗാള്, ആന്ധ്രപ്രദേശ് സംസ്ഥാനങ്ങളില് ദേശീയ ദുരന്ത നിവാരണ സേനയുടെ അധിക സംഘത്തെ വിന്യസിച്ചു. ആര്മി, വ്യോമ സേനകളെയും സജ്ജമാക്കി.
ദുരന്തസാഹചര്യം നേരിടാന് സജ്ജമെന്ന് ദേശീയ ദുരന്ത നിവാരണ അതോറിറ്റി അറിയിച്ചു.
The post ഗുലാബ് ചുഴലിക്കാറ്റ് ഇന്ന് കര തൊടും; ആന്ധ്ര, ബംഗാള്, ഒഡീഷ സംസ്ഥാനങ്ങള്ക്ക് ജാഗ്രതാ നിര്ദ്ദേശം first appeared on Keralaonlinenews.