ഫൈസര് വാക്സിന്റെ ബൂസ്റ്റര് ഡോസിന് അനുമതി നല്കി യു.എസ്
വാഷിങ്ടണ് : ഫൈസര് വാക്സിന്റെ ബൂസ്റ്റര് ഡോസിന് അനുമതി നല്കി യു.എസ്. 65 വയസിന് മുകളിലുള്ളവര്ക്കും ഗുരുതര രോഗമുള്ളവര്ക്കുമാണ് ബൂസ്റ്റര് ഡോസ് നല്കുക.രണ്ടാം ഡോസെടുത്ത് ആറ് മാസത്തിന് ശേഷമാവും ബൂസ്റ്റര് ഡോസ് നല്കുക. ന്യൂയോര്ക്ക് ടൈംസാണ് വാര്ത്ത റിപ്പോര്ട്ട് ചെയ്തത്.
വാക്സിന്റെ ബൂസ്റ്റര് ഡോസ് നല്കുന്നതിനായി പ്രത്യേക ക്യാമ്ബ് സംഘടിപ്പിക്കുമെന്ന് യു.എസ് അറിയിച്ചു. 10 മില്യണ് ആളുകള്ക്കെങ്കിലും ആദ്യഘട്ടത്തില് ബൂസ്റ്റര് ഡോസ് ആവശ്യമായി വരുമെന്നാണ് അമേരിക്ക കണക്കാക്കുന്നത്. ഇവര്ക്ക് വാക്സിന് നല്കാനുള്ള ക്രമീകരണം ഉടന് ഒരുക്കുമെന്നാണ് സൂചന.
യു.എസില് 22 മില്യണ് ആളുകളാണ് വാക്സിനെടുത്ത് ആറ് മാസം പൂര്ത്തിയാക്കിയത്. ഇതില് പകുതിയോളം പേരും 65 വയസിന് മുകളിലുള്ളവരാണെന്നാണ് കണക്കാക്കുന്നത്. ലോകാരോഗ്യസംഘടന ഉള്പ്പടെയുള്ളവര് വാക്സിന്റെ ബൂസ്റ്റര് ഡോസ് നല്കുന്നതിനെതിരെ രംഗത്തെത്തിയിരുന്നു. ചില മരുന്ന് കമ്പനികളും ബൂസ്റ്റര് ഡോസിനെതിരായി നിലപാടെടുത്തിരുന്നു.