രാജ്യത്ത് ഒരു ദിവസത്തിനുള്ളില്‍ ഒരു കോടി കടന്ന് വാക്‌സിന്‍ വിതരണം; അഭിനന്ദിച്ച് പ്രധാനമന്ത്രി

രാജ്യത്ത് ഒരു ദിവസം കൊണ്ടു വാക്‌സിന്‍ വിതരണം ഒരു കോടി കടന്നു. ഇന്ന് മാത്രം ഒരു കോടിയിലധികം വാക്‌സിന്‍ വിതരണം നടന്നെന്ന് കേന്ദ്ര ആരോ?ഗ്യമന്ത്രാലയം അറിയിച്ചു. വാക്‌സിന്‍ വിതരണം ചെയ്യുന്നവരെയും വാക്‌സിന്‍ എടുക്കുന്നവരെയും അഭിനന്ദിക്കുന്നതായി പ്രധാനമന്ത്രി നരേന്ദ്രമോദി പറഞ്ഞു.

ഇന്ന് 1,00,63 ,931 ഡോസ് വാക്‌സിന്‍ രാജ്യത്ത് വിതരണം ചെയ്തതായാണ് കണക്ക്. ആരോഗ്യ പ്രവര്‍ത്തകരുടെ കഠിനാധ്വാനവും പ്രധാനമന്ത്രിയുടെ സൗജന്യ വാക്‌സിന്‍ പദ്ധതിയും ഫലം കാണുന്നുവെന്ന് കേന്ദ്ര ആരോഗ്യമന്ത്രി മന്‍സൂക് മാണ്ഡവ്യ അഭിപ്രായപ്പെട്ടു. പുതിയ ഇന്ത്യയുടെ നിശ്ചയദാര്‍ഢ്യത്തിന്റെയും കഴിവിന്റെയും പ്രതിഫലനമാണ് ഇന്നത്തെ നേട്ടമെന്ന് ആഭ്യന്തര മന്ത്രി അമിത് ഷാ പ്രതികരിച്ചു. കൊവിഡിനോട് എങ്ങനെ പൊരുതാമെന്ന് പ്രധാനമന്ത്രിയുടെ നരേന്ദ്രമോദിയുടെ നേതൃത്വത്തിലുള്ള പുതിയ ഇന്ത്യ ലോകത്തിനു കാണിച്ചു കൊടുത്തുവെന്നും അദ്ദേഹം പറ!ഞ്ഞു. വൈകുന്നേരം പുറത്തുവന്ന കണക്കനുസരിച്ച് ഇന്ത്യ ഇതുവരെ 62,09,43,580 വാക്‌സിനാണ് വിതരണം ചെയ്തിട്ടുള്ളത്.