.jpg)
ഇറാന്റെ പുതിയ പ്രസിഡന്റായി ഇബ്രാഹിം റെയ്സി
ഇറാന്റെ പുതിയ പ്രസിഡന്റായി ഇബ്രാഹിം റെയ്സിയെ തെരഞ്ഞെടുത്തു.1.78 കോടി വോട്ടുകള്‍ നേടിയാണ് ഇബ്രാഹീം റെയ്സി വിജയിച്ചത്.
അബ്ദുന്നാസിര്‍ ഹിമ്മത്തി 24 ലക്ഷം വോട്ടുകള്‍ നേടി. മുന്‍ റെവലൂഷനറി ഗാര്‍ഡ് കമാന്‍ഡര്‍ മുഹ്സിന്‍ റാസി 33 ലക്ഷവും അമീര്‍ ഹുസൈന്‍ ഗാസിസാദെ ഹാഷിമി പത്തുലക്ഷം വോട്ടും നേടിയതായി ആഭ്യന്തരമന്ത്രാലയ തെരഞ്ഞെടുപ്പ് മേധാവി ജമാല്‍ ഓര്‍ഫ് പറഞ്ഞു.
അഴിമതിവിരുദ്ധത ചൂണ്ടിക്കാട്ടിയാണ് റെയ്സി മല്‍സരരംഗത്തു വന്നത്. പരമോന്നത നേതാവായ ആയത്തുല്ല അലി ഖാംനയിയുടെ വിശ്വസ്തനാണ് റെയ്സി. വര്‍ഷങ്ങളായി സര്‍ക്കാര്‍ പ്രോസിക്യൂട്ടറായി പ്രവര്‍ത്തിച്ച റയ്‌സി 2019-ലാണ് നീതിന്യായ വകുപ്പ് മേധാവിയായി നിയമിതനായത്.
1980-കളില്‍ ആയിരക്കണക്കിന് രാഷ്ട്രീയ തടവുകാരെ വധശിക്ഷയ്ക്കു വിധിച്ച സംഭവത്തിന്റെയും 2009-ലെ സര്‍ക്കാര്‍ വിരുദ്ധ പ്രതിഷേധം അടിച്ചമര്‍ത്തിയതിന്റയും സൂത്രധാരനായിരുന്നു റയ്‌സി.
