.jpg)
അച്ഛന് ഓക്‌സിജന്‍ സിലിണ്ടര്‍ ചോദിച്ചപ്പോള്‍ സെക്‌സ് ആവശ്യപ്പെട്ട് അയല്‍ക്കാരന്‍; വിവരങ്ങള്‍ പുറത്തറിയിച്ച് സുഹൃത്ത്
അച്ഛന് വേണ്ടി മകള്‍ ഓക്‌സിജന്‍ സിലിണ്ടര്‍ ആവശ്യപ്പെട്ടപ്പോള്‍ പകരം ഒപ്പമുറങ്ങാന്‍ ആയിരുന്നു അയല്‍ക്കാരന്റെ ആവശ്യം. ഒരു സുഹൃത്ത് സംഭവം ട്വീറ്റ് ചെയ്തതോടെയാണ് ഇക്കാര്യം പുറംലോകമറിഞ്ഞത്.
‘എന്റെ കുഞ്ഞനുജത്തിയെപ്പോലെയാണ് എനിക്കെന്റെ സുഹൃത്തിന്റെ സഹോദരിയും. അവള്‍ അച്ഛന് വേണ്ടി ഓസ്സിജന്‍ സിലിണ്ടര്‍ ആവശ്യപ്പെട്ടപ്പോള്‍, സമൂഹത്തില്‍ ഉന്നതനിലയില്‍ കഴിയുന്ന ഒരു കോളനിയില്‍ താമസിക്കുന്ന അവളുടെ അയല്‍ക്കാരന്‍ അയാള്‍ക്കൊപ്പം കിടക്കപങ്കിടണം എന്ന ആവശ്യം മുന്നോട്ടു വച്ചു. ആ ദുഷ്ടന്‍ ഇത് നിരസിക്കാന്‍ സാഹചര്യമുണ്ടെന്നിരിക്കെ, ഇയാള്‍ക്കെതിരെ എന്ത് നടപടിയാണ് എടുക്കാന്‍ കഴിയുക?’ യുവതി ട്വീറ്റിലൂടെ ചോദിച്ചു.
ഈ ട്വീറ്റിന് രണ്ടായിരത്തില്പരം ലൈക്കുകളും, ആയിരത്തില്‍ പരം റീട്വീറ്റുകളും, അഞ്ഞൂറിലധികം മറുപടികളും ഇതിനോടകം ലഭിച്ചു കഴിഞ്ഞു. എന്തായാലും നടപടിയുമായി മുന്നോട്ടുപോകണം എന്നാണ് മറുപടി നല്‍കിയവരുടെയെല്ലാം ആവശ്യം.
കഴിഞ്ഞ ദിവസമാണ് ഭവ്‌റീന്‍ കന്ദാരി എന്ന യുവതി ഈ ട്വീറ്റ് പോസ്റ്റ് ചെയ്തത്.
