വയനാട്ടിൽ 33 പേര്ക്ക് കൂടി കോവിഡ് ; സമ്പര്ക്കത്തിലൂടെ 31 പേര്ക്ക് രോഗബാധ : 41 പേര്ക്ക് രോഗ മുക്തി
വയനാട് : ജില്ലയില് ഇന്ന് 33 പേര്ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല് ഓഫീസര് ഡോ.ആര്. രേണുക അറിയിച്ചു. 41 പേര് രോഗമുക്തി നേടി. 31 പേര്ക്ക് സമ്പര്ക്കത്തിലൂടെയാണ് രോഗബാധ. മറ്റുളളവരില് ഒരാള് വിദേശത്ത് നിന്നും ഒരാള് മൈസൂരില് നിന്നും വന്നവരാണ്.
ഇതോടെ ജില്ലയില് കോവിഡ് സ്ഥിരീകരിച്ചവരുടെ ആകെ എണ്ണം 920 ആയി. ഇതില് 583 പേര് രോഗമുക്തരായി. രണ്ടു പേര് മരണപ്പെട്ടു. നിലവില് 335 പേരാണ് ചികിത്സയിലുള്ളത്. 315 പേര് ജില്ലയിലും 20 പേര് ഇതര ജില്ലകളിലും ചികിത്സയില് കഴിയുന്നു.
ഇന്ന് രോഗം സ്ഥിരീകരിച്ചവര്:
വാളാട് സമ്പര്ക്കത്തിലുള്ള 24 പേര് (പുരുഷന്മാര്- 13, സ്ത്രീകള്- 6, കുട്ടികള്- 5), മാനന്തവാടി സമ്പര്ക്കത്തിലുള്ള 5 പേര് (വേമം സ്വദേശി-28 വയസ്, എടവക സ്വദേശികളായ രണ്ട് പുരുഷന്മാര്- 18, 15 വയസ്, ഒരു സ്ത്രീ – 39, ഒരു കുട്ടി- 9), കണ്ണൂരില് ജോലി ചെയ്യുന്ന മുട്ടില് സ്വദേശിയായ പോലീസുകാരന് (29), ലോറി ഡ്രൈവറുടെ സമ്പര്ക്കത്തിലുളള പെരിക്കല്ലൂര് സ്വദേശി (40), മസ്ക്കറ്റില് നിന്നെത്തിയ ബത്തേരി സ്വദേശി (31), മൈസൂരില് നിന്നെത്തിയ നെന്മേനി സ്വദേശി (32) എന്നിവരാണ്
രോഗം സ്ഥിരീകരിച്ചവര്.
41 പേര്ക്ക് രോഗമുക്തി
ചികിത്സയിലായിരുന്ന 34 വാളാട് സ്വദേശികളും കുറുക്കന്മൂല, വരദൂര്, പയ്യമ്പള്ളി, നല്ലൂര്നാട്, എടവ, പൊഴുതന, മുണ്ടക്കുറ്റി എന്നീ സ്ഥലങ്ങളിലുളള ഓരോരുത്തരുമാണ് രോഗം ഭേദമായി ആശുപത്രി വിട്ടത്.
138 പേര് പുതുതായി നിരീക്ഷണത്തില്:
കോവിഡുമായി ബന്ധപ്പെട്ട് ജില്ലയില് ഇന്ന് പുതുതായി നിരീക്ഷണത്തിലായത് 138 പേരാണ്. 162 പേര് നിരീക്ഷണ കാലം പൂര്ത്തിയാക്കി. നിലവില് നിരീക്ഷണത്തിലുള്ളത് 2774 പേര്. ഇന്ന് വന്ന 25 പേര് ഉള്പ്പെടെ 363 പേര് ആശുപത്രിയില് നിരീക്ഷണത്തിലാണ്. ജില്ലയില് നിന്ന് ഇന്ന് 171 പേരുടെ സാമ്പിളുകളാണ് പരിശോധനയ്ക്ക് അയച്ചത്. ഇതുവരെ പരിശോധനയ്ക്ക് അയച്ച 28486 സാമ്പിളുകളില് 27157 പേരുടെ ഫലം ലഭിച്ചു. ഇതില് 26237 നെഗറ്റീവും 920 പോസിറ്റീവുമാണ്.
വാളാട് ക്ലസ്റ്ററില് കോവിഡ് സ്ഥിരീകരിച്ചത് 284 പേര്ക്ക് ; 3607 പരിശോധനകള് നടത്തി
ജില്ലയില് ഏറ്റവും കൂടുതല് കോവിഡ് പോസിറ്റീവ് കേസുകള് സ്ഥിരീകരിച്ച വാളാട് ക്ലസ്റ്ററില് 3607 പരിശോധനകള് നടത്തിയതില് 284 പേര്ക്ക് രോഗം സ്ഥിരീകരിച്ചതായി തൊഴില് വകുപ്പ് മന്ത്രി ടി.പി രാമകൃഷ്ണന്റെ അധ്യക്ഷതയില് ചേര്ന്ന കോവിഡ് അവലോകന യോഗത്തില് ജില്ലാ മെഡിക്കല് ഓഫീസര് ഡോ.ആര്. രേണുക റിപ്പോര്ട്ട് ചെയ്തു. വാളാട് സമ്പര്ക്കത്തിലുള്ളവര് എട്ട് പഞ്ചായത്തുകളില് കഴിയുന്നതായി കണ്ടെത്തുകയും ഊര്ജിത ശ്രമത്തിലൂടെ ബന്ധപ്പെട്ടവരെ പരിശോധനകള് വിധേയമാക്കുകയും ചെയ്തു. ഇപ്പോള് ഇവിടെ കേസുകള് കുറയുന്നുണ്ട്. എന്നാലും ശക്തമായ ജാഗ്രത ആവശ്യമാണ്.
ജില്ലയില് 25 പട്ടിക വര്ഗക്കാര്ക്കാണ് ഇതുവരെ രോഗം സ്ഥിരീകരിച്ചത്. ഇവരില് 11 പേര് വാളാട് സമ്പര്ക്കവുമായി ബന്ധപ്പെട്ടാണ്. 15 ആരോഗ്യ പ്രവര്ത്തകര്ക്കും നാല് പൊലീസുകാര്ക്കും രോഗം ബാധിച്ചു. ഇപ്പോള് മാനന്തവാടി കോവിഡ് ആശുപത്രിക്കു പുറമെ അഞ്ച് ഫസ്റ്റ്ലൈന് ട്രീറ്റ്മെന്റ് സെന്ററുകളിലാണ് രോഗികളെ ചികിത്സിക്കുന്നത്. 5 പേര് ഐ.സി.യുവിലുണ്ട്. ഇപ്പോള് 28 എഫ്.എല്.ടി.സികളിലായി 2830 ബെഡുകള് പൂര്ണ സജ്ജമാണ്. മാനന്തവാടിയില് 12, കല്പ്പറ്റയില് 9, ബത്തേരിയില് 7 എന്നിങ്ങനെയാണ് സെന്ററുകളുള്ളത്. ആകെ 61 എഫ്.എല്.ടി.സികള്ക്കുള്ള ക്രമീകരണങ്ങളായിട്ടുണ്ട്. സൗകര്യമില്ലാത്ത പൊഴുതന, മുള്ളന്കൊല്ലി, നെന്മേനി പഞ്ചായത്തുകളുടെ സമീപ പ്രദേശങ്ങളില് കൂടുതല് ബെഡുകള് ഒരുക്കും.
The post വയനാട്ടിൽ 33 പേര്ക്ക് കൂടി കോവിഡ് ; സമ്പര്ക്കത്തിലൂടെ 31 പേര്ക്ക് രോഗബാധ : 41 പേര്ക്ക് രോഗ മുക്തി first appeared on Keralaonlinenews.