Thursday May 24th, 2018 - 7:58:am
topbanner

ഇത്തരം ചീപ്പ് പബ്ലിസിറ്റിക്കു വേണ്ടി ഞങ്ങളെപ്പോലെയുള്ളവരെ നിങ്ങളുടെ രാഷ്ട്രീയത്തിലേക്ക് വലിച്ചിഴക്കരുത്: കൊച്ചി മെട്രോയിലെ ജോലി ഉപേക്ഷിക്കാനുണ്ടായ കാരണം വ്യക്തമാക്കി ട്രാന്‍സ്‌ജെന്‍ഡര്‍ യുവതി

Anju NC
ഇത്തരം ചീപ്പ് പബ്ലിസിറ്റിക്കു വേണ്ടി ഞങ്ങളെപ്പോലെയുള്ളവരെ നിങ്ങളുടെ രാഷ്ട്രീയത്തിലേക്ക് വലിച്ചിഴക്കരുത്: കൊച്ചി മെട്രോയിലെ ജോലി ഉപേക്ഷിക്കാനുണ്ടായ കാരണം വ്യക്തമാക്കി ട്രാന്‍സ്‌ജെന്‍ഡര്‍ യുവതി

കൊച്ചി: കൊച്ചി മെട്രോയില്‍ ട്രാന്‍സ്‌ജെന്‍ഡറുകള്‍ക്ക് ജോലി നല്‍കിയത് ഇന്ത്യയ്ക്ക് തന്നെ അഭിമാനകരമാകുന്ന തീരുമാനമാണ്. അന്തര്‍ദേശീയ തലത്തില്‍ വരെ സംഭവം ശ്രദ്ധിക്കപ്പെട്ടു. എന്നാല്‍ ഈ ജോലി നല്‍കിയത് വെറും ജനശ്രദ്ധ ആകര്‍ഷിക്കാനുള്ള തീരുമാനമായിരുന്നെന്ന് മനസിലായത് വളരെ വൈകിയാണ്. തങ്ങള്‍ വഞ്ചിക്കപ്പെട്ടു എന്നു വ്യക്തമാക്കിക്കൊണ്ട് കൊച്ചി മെട്രോയിലെ ജീവനക്കാരിയായ തീര്‍ത്ഥ സര്‍വികയെന്ന ട്രാന്‍സ്‌ജെന്‍ഡന്‍ യുവതി ഫേസ്ബുക്കിലിട്ട പോസ്റ്റ് ഇപ്പോള്‍ വൈറലായിരിക്കുകയാണ്.

തങ്ങള്‍ ചതിക്കപ്പെട്ടു എന്ന വികാരമാണ് ഇവര്‍ പൊതുവെ പങ്കുവെക്കുന്നത്. ആഴ്ചയില്‍ ഒരു ദിവസം ലഭിക്കുന്ന അവധി ലഭിക്കാത്തതാണ് ഇവരെ വേദനിപ്പിച്ചത്. ഈ മാസത്തെ ശമ്പളം വന്നപ്പോള്‍ പെയ്ഡ് ഓഫ് സാലറി ഇല്ല. പോരാത്തതിന് ഡബിള്‍ ഡ്യൂട്ടി എടുത്തതിന്റെ വേതനവും ഇല്ല. അവകാശങ്ങളും ആവശ്യങ്ങളും ചോദിച്ചാല്‍ സസ്‌പെന്‍ഷനാണ് ഫലം. ട്രാന്‍സ്‌ജെന്‍ഡര്‍ സമൂഹത്തിന് ജോലി തന്നെന്നു പറഞ്ഞ് സര്‍ക്കാരും കൊച്ചി മെട്രോയും പബ്ലിസിറ്റി നേടിയെന്നും തീര്‍ത്ഥ പരാതിപ്പെടുന്നു.

തീര്‍ത്ഥ സര്‍വികയുടെ ഫേസ്ബുക്ക് പോസ്റ്റ്:

പ്രിയ സുഹൃത്തുക്കളെ ഞാന്‍ കൊച്ചി മെട്രോ ജീവനക്കാരിയാണ്.. വളരെയധികം ചര്‍ച്ചാ വിഷയമായ കാര്യമാണ് കൊച്ചി മെട്രോയില്‍ ട്രാന്‍സ്‌ജെന്റര്‍ കമ്മ്യൂണിറ്റിയില്‍പ്പെട്ടവര്‍ക്ക് ജോലി നല്‍കുന്നത് ! മെട്രോ ജോലിയേ സംബന്ധിച്ചുള്ള സംശയങ്ങളും ഞങ്ങളോട് പറഞ്ഞിരുന്ന കാര്യങ്ങളിലുള്ള ക്രമക്കേടുകളും കമ്മ്യൂണിറ്റി സുഹൃത്തുക്കള്‍ അന്നേ ചൂണ്ടിക്കാട്ടിയിരുന്നു. മെട്രോയിലേ വേതനം ഒരു ട്രാന്‍സിനേ സംബന്ധിച്ചിടത്തോളം ജീവിക്കാന്‍ ഉതകുന്നതല്ലായിരുന്നിട്ട് കൂടിയും ജോലിയില്‍ തുടരുകയായിരുന്നു,,,ഈ മാസത്തെ സാലറി വന്നപ്പോള്‍ Paid off Salary ഇല്ല., പോരാത്തതിന് ഡബിള്‍ ഡ്യൂട്ടി എടുത്തത്തിന്റെ വേതനവും ഇല്ല,,, ഓഫ് ദിവസങ്ങള്‍ പരസ്പരം മാറ്റി എടുത്തോട്ടെ എന്ന് ടീം ലീഡറോട് ചോദിച്ചപ്പോള്‍ അത് വേണ്ട പകരം ഡ്യൂട്ടി കട്ട് ചെയ്യു എന്നായിരുന്നു മറുപടി,,, അതും കൂടാതെ ഇനി മുതല്‍ പ്രവര്‍ത്തന ദിവസങ്ങള്‍ 18 ദിവസമായി കുറച്ച് 3 Paid off Salary യും ഉണ്ടാകൊള്ളു എന്ന് പുതിയ അറിയിപ്പ്.

അവകാശങ്ങളും ആവശ്യങ്ങളും ചോദിച്ചാല്‍ സസ്‌പെന്‍ഷനാണ് ഫലം.,,, രാത്രി സമയങ്ങളില്‍ ഡ്യൂട്ടി കഴിഞ്ഞ് പോകുമ്പോള്‍ ധാരാളം ബുദ്ധിമുട്ടുകള്‍ നേരിടുന്നതുകൊണ്ട് ഒരു പെണ്‍കുട്ടി യാത്രാ സൗകര്യം ആവശ്യപ്പെട്ടമ്പോള്‍ ആ കുട്ടിയെ സസ്പന്റ് ചെയ്തു.വേതന കാര്യങ്ങളെക്കുറിച്ച് സംസാരിച്ചാല്‍ FMC മേലധികാരി ദില്‍ രാജിന്റ മറുപടി എന്റെ വീട്ടീലേ വേലക്കാരിക്കു ഇതിലും ശബളംമുണ്ടന്നാണ് പിന്നെ നിങ്ങള്‍ ബിസിനസ്സ് ചെയ്യു ഇതിലും കൂടുതല്‍ പണം കിട്ടും എന്ന പരിഹാസവും...മെട്രോയില്‍ ഉദ്യോഗകയറ്റത്തിനായുള്ള മൂന്നോളം AFC ട്രെയിനിങ്ങുകള്‍ പൂര്‍ത്തിയായി എന്നാല്‍ ഒരു ട്രാന്‍സിനേ പോലും ഇതുവരെ ഇതില്‍ ഉള്‍പ്പെടുത്തിയിട്ടില്ല..പ്രതിമാസം 3000 രൂപയോളം ESI ,PF ഫണ്ടിലേക്കെന്നു പറഞ്ഞു വരുമാനത്തില്‍ നിന്ന് പിടിക്കുന്നുണ്ട് എന്നാല്‍ അക്കൗണ്ടില്‍ ഈ തുക എത്തിയിട്ടില്ല യാതൊരു അനുബന്ധരേഖകളുമില്ല..ഞങ്ങള്‍ക്ക് ഈ ജോലി തന്നത് ഒരു ചീപ്പ് പബ്ലിളിസിറ്റിക്കു വേണ്ടിയാണെങ്കില്‍ ദയവ് ചെയ്തു ഞങ്ങളെപോലെയുള്ളവരെ നിങ്ങളുടെ രാഷ്ട്രിയതന്ത്രങ്ങളിലേക്കു വലിച്ചിഴയ്ക്കരുത് ജീവിച്ച് പൊക്കോട്ടെ..

 

English summary
transgender women facebook post about the reason behind to left kochi metro job

More News from this section

Subscribe by Email