Monday November 19th, 2018 - 4:36:am
topbanner

വൊഡാഫോണ്‍ മൈക്രോമാക്‌സ് കൂട്ടുകെട്ടില്‍ പുതിയ ബജറ്റ് സമാര്‍ട്‌ഫോണ്‍ വിപണിയില്‍; വില 999 രൂപ

Jikku Joseph
വൊഡാഫോണ്‍ മൈക്രോമാക്‌സ് കൂട്ടുകെട്ടില്‍ പുതിയ ബജറ്റ് സമാര്‍ട്‌ഫോണ്‍ വിപണിയില്‍; വില 999 രൂപ

വൊഡാഫോണുമായി സഹകരിച്ച് മൈക്രോമാക്‌സ് പുതിയ ബജറ്റ് സമാര്‍ട്‌ഫോണ്‍ വിപണിയില്‍ എത്തിച്ചു. ഭാരത് 2 അള്‍ട്ര സ്മാര്‍ട്‌ഫോണ്‍ ആണ് പുറത്തിറക്കിയത്. ജിയോഫോണ്‍ മാതൃകയിലാണ് ഫോണിന്റെ വില്‍പന. 2899 രൂപയാണ് ഫോണിന്റെ വില.

ജിയോഫോണ്‍ വിതരണവും സമാനമായ രീതിയിലാണ്. 1500 രൂപ വാങ്ങിയാണ് ഉപയോക്താക്കള്‍ക്ക് ജിയോഫോണ്‍ നല്‍കുന്നത്. നിശ്ചിത വര്‍ഷങ്ങളുടെ ഉപയോഗത്തിനൊടുവില്‍ ഫോണ്‍ തിരികെ നല്‍കുമ്പോള്‍ 1500 രൂപ പൂര്‍ണമായും തിരികെ ലഭിക്കും. അതായത് ജിയോഫോണിന് മേല്‍ ഉപയോക്താവിന് ഉടമസ്ഥാവകാശം ഉണ്ടാവില്ല.

എന്നാല്‍ വൊഡാഫോണ്‍- മൈക്രോമാക്‌സ് സഖ്യത്തില്‍ പുറത്തിറങ്ങുന്ന ഭാരത് 2 അള്‍ട്ര സ്മാര്‍ട്‌ഫോണ്‍ തിരികെ നല്‍കേണ്ട ആവശ്യമില്ല. വൊഡാഫോണിന്റെ നിലവിലുള്ള ഉപയോക്താക്കളും പുതിയ ഉപയോക്താക്കളും എല്ലാ മാസവും കുറഞ്ഞത് 150 രൂപയുടെ റീചാര്‍ജ് ചെയ്തിരിക്കണം.

18 മാസം തുടര്‍ച്ചയായി റീചാര്‍ജ് ചെയ്യുന്നവര്‍ക്ക് വൊഡാഫോണ്‍ എംപേസ വാലറ്റിലേക്ക് 900 രൂപ ക്യാഷ്ബാക്ക് ലഭിക്കും. അടുത്ത 18 മാസത്തെ ഉപയോഗത്തിന് ശേഷം 1000 രൂപയും തിരികെ ലഭിക്കും. ഫലത്തില്‍ 999 രൂപയാണ് ഉപയോക്താവിന് ഫോണിന് മേല്‍ ചിലവ് വരിക.

സ്‌പ്രേഡ്ട്രം എസ്സി 9832.1 Ghz ക്വാഡ്‌കോര്‍ പ്രൊസസറില്‍ പ്രവര്‍ത്തിക്കുന്ന ഫോണില്‍ 512 എംബി റാമും 4 ജിബി ഇന്റേണല്‍ സ്റ്റോറേജുമാണുള്ളത്. ആന്‍ഡ്രോയിഡ് മാഷ്‌മെലോയാണ് ഓഎസ്.

4 ഇഞ്ച് ഡബ്ല്യുവിജിഎ ഡിസ്‌പ്ലേയുള്ള ഫോണില്‍ 2 മെഗാപിക്‌സല്‍ റിയര്‍ ക്യാമറയും, 3 മെഗാപിക്‌സലിന്റെ ഫ്രണ്ട് ക്യാമറയുമാണുള്ളത്. 1300 mAh ന്റേതാണ് ബാറ്ററി. നവംബര്‍ ആദ്യവാരം മുതല്‍ റീടെയില്‍ ഷോപ്പുകളിലും വൊഡാഫോണ്‍ സ്റ്റോറുകളിലും ഫോണ്‍ ലഭ്യമാവും.

English summary
micromax and vodafone launches budget smartphone
topbanner

More News from this section

Subscribe by Email